Follow @HannesJohnson

Safnið fyrir July, 2006

July 30th, 2006 @ 21:07

Súperman kemur aftur yfir limgerðið

Fór á tvær bíómyndir í síðustu viku…

Superman returns

Maður varð náttúrulega að fara á Superman Returns til að sjá hvernig það tókst hjá þeim að endurvekja Súperman. Það tókst bara nokkuð vel myndi ég segja… fínt Superman action. Það kæmi ekkert gífurlega á óvart ef þeir kæmu með framhald eftir nokkur ár.

Ég fór á hana í Kringlubíó í þessum digital stafræna sal – hafði ekki prófað það áður. Mér fannst nú enginn fáránlega mikill munur… myndin var aðeins skýrari og litirnir sterkari, en hljóðið var ekkert áberandi betra. En fínt samt sem áður ef maður ætlar í Kringlubíó á annað borð.

Over the Hedge - Hammy

Tölvuteiknimyndir hafa verið að gera það gott undanfarið og nú poppa upp fullt af teiknimyndum sem höfða jafnt til ungra sem aldna. Ein ný er Over the Hedge sem ég sá í alveg troðfullum sal – ok, kannski ekki alveg, það voru 8 manns að horfa á myndina.

Þetta var hin fínasta teiknimynd, vel hlægileg – Hannes stendur náttúrulega uppúr, eða Hammy eins og hann heitir í útlensku útgáfunni. Hannes var s.s. hyper íkorni sem var svona ruglaði gaurinn í hópnum og varð super-hyper þegar hann komst í orkudrykki ;)

Pandora er frekar sniðugt dót. Maður kynnist ýmissi nýrri tónlist sem er svipuð og það sem maður fílar. Þar heyrði ég einmitt Hungry með Kosheen: MP3 sem er ljúft og hressandi lag sem er líklega hægt að flokka undir “house” tónlist.

Síðan fann ég líka DJ Tiesto remix: MP3 af laginu.

Ég var að bæta við einni mynd í Töff myndir.

Hamburgers are made of what?
July 20th, 2006 @ 0:14

The Big Lebowski – F*cking Short Version

The Big Lebowski er frábær mynd – The Dude er snillingur. Hérna er stuttur úrdráttur sem sýnir svona það helsta:

Þetta er t.d. eitt sem ég gat ekki gert á gamla blogginu – að setja inn video. Þetta er bjútífúl – þú smellir bara á Play takkann og videoið byrjar að spila án þess að þú yfirgefir fallega bloggið mitt.

People like you just fuel my fire
July 17th, 2006 @ 20:36

WordPress › Error

WordPress - Error establishing a database connection

Ég var nú ekki alveg sáttur þegar ég ætlaði að tékka á síðunni áðan – fyrst var hún ekkert að birtast en síðan komu þessi skemmtilegu skilaboð.

Manni datt náttúrulega í hug að einhverjir sniðugir hefðu hakkað síðuna í klessu (af því að þetta er náttúrulega svo merkileg síða..) eða að síðan hefði bara brotnað niður vegna álags (af því að hún er náttúrulega svo fáránlega vinsæl..). En ég held að þetta hafi bara verið eitthvað vesen hjá DreamHost – þeir voru að uppfæra einhvern server eða eitthvað.

Eftir minni bestu ágiskun myndi ég segja að bloggið hafi verið niðri í mesta lagi 5 klst. Ég ætla að vona að fólk hafi ekki panikað of mikið…

So I’m guilty of violating Section 34 Double-D?
July 15th, 2006 @ 14:37

Hvað meinaru með official station?

Já, fólk er kannski að velta fyrir sér af hverju ég valdi nafnið OfficialStation.com. Svarið er í raun einfalt – FeitiDvergurinn.com var ekki laust… OK, jú það hefur líka smá með InterRail að gera og eitthvað sem maður lenti í í Rúmeníu…

Ég fór s.s. í InterRail ferð með Bjössa í 5 vikur sumarið 2004. Við tékkuðum meðal annars á Austur-Evrópu og fórum frá Búlgaríu til Rúmeníu.

Þegar lestin okkar kom til Bucharest hoppaði maður út, en var var um sig – maður hafði nú verið varaður við að meðal mánaðarlaun þarna eru nú ekki mjög há og fólk gæti verið ansi desperate. Það komu strax til okkar einhverjir gaurar og buðust til að bera töskurnar okkar. Ég afþakkaði það, ég er nú hraustur ungur maður og get alveg borið bakpokann minn sjálfur. Bjössi lét nú gabbast og endaði með að þurfa henda í þá einhverjum Evrum til að losna við þá. Jamm, það virðist vera svolítið um að maður þurfi að borga fólki til að losna við það þarna…

Næst á dagskrá var að redda sér miða til Budapest. Við fórum að miðasölunni og vorum eitthvað að leita að réttum bás til að kaupa miðana til Ungverjalands. Þá kom lítill og þybbinn maður til okkar sem vildi endilega hjálpa okkur með að kaupa miða. Hann sagði að til að kaupa miða til Ungverjalands þyrftum við að fara í aðra byggingu niðri í bæ. Hann sagði:

No problem, I am official station…

..og sýndi okkur einhver skilríki. Hann var náttúrulega með einhverja félaga sem áttu leigubíl sem átti að taka okkur að þessari byggingu. Maður var nú ekki alveg að treysta þessum gaur 100% en við hefðum bara buffað hann ef þetta færi út í eitthvað rugl.

Ég geri fastlega ráð fyrir að þeir hafi sett “túrista taxta” á þennan leigubíl – hann kostaði 650.000 og við vorum ekkert að fara neitt fáránlega langt. En við komumst loksins að þessari byggingu. Gaurinn var náttúrulega alltaf að fylgja okkur og sýndi okkur nákvæmlega hvar við gætum keypt miðana – hann talaði líka eitthvað við miðasölu-konuna og sagði hvert við ætluðum.

Glæsilegt, komnir með miðana… Við þökkuðum manninum fyrir hjálpina en þá vildi hann endilega eyða meira tíma með okkur – fara í sightseeing og eitthvað. En við vorum ekki alveg að nenna því. Þá fór hann eitthvað að tjá sig:

I am station. I am not taxi. I am official station…

..hann var svona örlítið pirraður en við vorum nú ekki alveg að skilja hann fyrst. En síðan fattaði ég að við þyrftum að borga fyrir leigubílnum hans aftur á lestarstöðina. Allt í lagi… fyrst vildi hann fá 600.000 en síðan er náttúrulega hættulegt að geyma alla peningana sína á sama stað – hann sá hvað við vorum vel múraðir og vildi fá 400.000 frá hvorum en síðan endaði þetta með að við borguðum honum samanlagt 1.100.000.

Jamm, hann fékk s.s. rausnarlegt “þjórfé” fyrir þessa hjálp. Síðan labbaði hann léttur á fæti í burtu með milljónina okkar – það voru sko jól hjá honum og fjölskyldu hans. Það má kannski nefna að 100.000 lei (gjaldeyrinn í Rúmeníu) var ca. 217 íslenskar krónur ;) Þannig að við vorum nú ekkert gífurlega ósáttir með þetta – við vorum komnir með miðana okkar svo við kæmumst á næsta áfangastað.

En það eru örugglega margir þarna sem eru mjög góðir í að “löglega” ræna túrista. Þessi rúmlega 2000 kall var nú ekkert fáránlega mikið fyrir okkur – en gaurinn hefur örugglega verið mjög ánægður með þennan auka bónus. Ég held ég hafi heyrt að meðal mánaðarlaun þarna hafi verið ca. €60

Já, þar hafið þið það… mér fannst þessi setning “I am official station” bara svo skemmtileg að ég ákvað að nota hana.

En er ekki alveg óþarfi að vera blogga mörgum sinnum í viku? Vill fólk fá meira blogg? – það yrði náttúrulega bara um allt og ekkert…

Síðan er ég búinn að bæta við töff myndum.

That’s a shrimp ass.
July 6th, 2006 @ 22:43

Töff myndir

Eitt sem ég gat ekki á gamla blogginu var að setja myndir inn í bloggfærslur. Jæja, tada:

Gosbrunnur í París

Ég er búinn að bæta við nýjum link undir “Linkar” hérna til vinstri – hann heitir Töff myndir og tekur fólk á flickr albúmið mitt þar sem ég ætla að setja nokkrar vel valdar myndir sem mér finnst flottar, töff, skemmtilegar…

Annað sem ég gat ekki (sökum plássleysis) var að upload-a stórum skrám, eins og MP3 skrám… En þar sem ég hef núna fleiri gígabæti af plássi ætla ég að nýta það til hið ýtrasta ;) Hér fylgir eitt stykki tóndæmi:

Peachcake – Hundreds and hundreds of thousands: MP3

Ég rakst á þetta lag fyrir tilviljun á einhverri síðu og var að fíla það – hresst og fjörugt lag.

Svo er aldrei að vita nema að ég útskýri nafnið á blogginu á morgun…

His name is Robert Paulsen.
July 2nd, 2006 @ 23:09

I am station, I am official station…

Loksins, loksins! Loksins eitthvað nýtt, ferskt og spennandi á netinu! Núna hefur maður einhverja ástæðu fyrir að kveikja á tölvunni…

Já, fólk er aldeilis ánægt með að fá nýtt blogg á netið. Netið er náttúrulega búið að vera nokkurn veginn eins síðan 1998.

Ég var búinn að fá leið á brinkster blogginu og vildi bara breyta til þannig að ég flutti mig hingað. Undir húddinu leynist WordPress sem er bara nokkuð töff blogg-græja. Ég byggði template-ið mitt á default dótinu en hreinsaði það með smá hjálp. Þetta er auðvitað CSS-að í köku og fer eftir öllum helstu stöðlum.

Það tók nú alveg slatta tíma að koma þessu template-i í almennilegt form. Alls konar fifferingar, fullkomnunarárátta, böggar milli Firefox og Internet Explorer – hlutir ekki að birtast eins og bleh, bleh. En þetta er komið fínt í bili, bara opna kvikindið og fiffa í þessu síðar meir.

Mér finnst alveg möst að vefsíður séu með link á hvaða síðu sem er sem færir fólk aftur á “byrjunarreit” – eðlilegasti staðurinn er logo eða bara texta-linkur í efra vinstri horninu. Þar finnið þið einmitt » official station sem tekur ykkur aftur á aðalsíðuna – svona ef þið týnist.

Vinstra megin eru líka linkar á svalasta fólkið á netinu. Þar sem linkarnir eru eins og börnin mín þá elska ég þá alla jafn mikið – þess vegna er totally random röð á þessu, meira að segja ný röð í hvert skipti sem þú refreshar.

Síðan ætla ég að finna mér eitthvað sniðugt plug-in eða eitthvað til að birta nokkrar myndir hérna – jafnvel Kýpur myndirnar sem ég er búinn að lofa í 3 ár ;)

Fasti dagskrárliðurinn random quote hefur fengið fallegt pláss í ramma í lok hverrar færslu.

Ef þið rekist á einhverjar villur eða lendið í einhverju böggi endilega látið mig vita.
– ég veit um einn bögg og sá sem er fyrstur að finna hann er greinilega ekki að nota réttan vafra.

Ef fólk er að undra sig á léninu þá mun ég útskýra það síðar…

We tight like dreadlocks.
Hannes - Just walkin'... I am official station Pen and paper I am Hannes, I'm a code monkey Aðgangur bannaður fyrir fólk með dökkt hár Iceland Airwaves 2006 - Reykjavik Art Museum Just grillin'... Maple grilling Here fishy, fishy... Attention: Keep gun holstered. Side view mirror FIRE KILLS CHILDREN! Erpur Blazroca - I am Hannes, I'm creative Iceland Airwaves 2005 - Nasa Gin and tonic Nonnabátur í rústi Landakotskirkja Picking berries Mary Jane vodka Inter Rail - Russian train Eiffel Tower Ferrari Entrance to Internet Hostel Rock am Ring 2004 - Linkin Park Turn me on

 

© 2017 Hannes · Hafðu samband / Contact me