Rakst á þessa skemmtilegu mashup plötu, Best of Bootie 2006:

Ég er alveg að fíla Black Sabotage, Tricky Sandman og Short Skirt, London Bridge - The Money Song og Work It Out eru líka frekar töff.

Síðan eru líka nokkur hress bónus lög eins og You’re The One That I Want In The Next Episode og Confused Tobaco Rump.

(frá boingboing)

Nú er ekki langt síðan að verð í bíó hækkaði upp í 900 kr… Þeim tókst nú að lauma þessu inn án þess að mikið væri gert úr því - sá nú ekki mikið í fjölmiðlum um þetta eins og var þegar þeir hækkuðu upp í 800 kr. Reyndar fínt að fá alltaf 20% afslátt í gegnum Svarta kortið þegar maður fer í Sambíóin eða Háskólabíó - síðan verður maður bara að vera duglegur að redda sér frímiðum hér og þar…

En núna er búið að hækka verðið í strætó upp í 280 kr. (úr 250 kr.) fyrir eina ferð út í bæ og það kostar núna 650 kr. að leigja sér mynd á flestum video leigum. Maður þarf nú ekki að horfa á mynd oft til að það borgi sig bara að kaupa hana á DVD - Nýjar myndir kosta rúmlega 2.000 kr. og maður getur oft fundið klassískar myndir á ca. 1000 kall. Hvað þá með að kaupa þetta bara á netinu eða þegar maður fer til útlanda…

Síðan eru náttúrulega “aðrar leiðir” til að nálgast svona efni - og þá átt þú ekkert á hættu að þurfa að borga sekt af því að þú náðir ekki að skila myndinni… Ég ætla alla veganna að hugsa mig tvisvar um áður en fer næst út í leigu.

Með þessu áframhaldi sé ég alveg fram á að video leigur verði nokkurn veginn dauðar eftir 2-3 ár. Þær þurfa alla veganna að breyta eitthvað til ef þær vilja krafsa í bakkann aðeins lengur - Gefa manni einhverjar góðar ástæður fyrir því að fara til þeirra í staðinn fyrir að nota aðrar leiðir. Hvernig væri t.d. að leyfa manni að vera með gömlu myndina í viku? Eða gefa manni nýja mynd (að eigin vali) þegar maður er búinn að leigja 10-20 myndir hjá þeim (og skila fyrir 9)? Gefa manni snakk og/eða gos með hverri mynd - eitthvað þannig… Það að hækka verðið er alla veganna ekki rétta leiðin.

Já, það er ekki ókeypis að lifa…

Hei, ég á hálfs-árs afmæli í dag, vúhú!!!

Ég var að reyna að afskrá mig af póstlistanum hjá Bónus (sem er by the way ekki hægt - og það var annar aðili sem skráði mig til að byrja með, en það er annað mál…) og smellti á linkinn “Svolítið grín og gaman” til að sjá hvað bónus-mönnum finnst fyndið. Þá var þar nokkuð áhugavert video:

Þetta lítur út fyrir að vera myndbrot úr Malcolm in the Middle… Reyndar svolítið fyndið myndbrot :) En mér finnst kannski ekki alveg rétt hjá “virtu” fyrirtæki að vera birta ólöglegt efni á síðunni sinni. Ekki alveg nógu pro…

Æi, wtf?! Ég var að sjá nýjustu myndina á mjólkurfernunum:

En skemmtilegt og fróðlegt… Það getur vel verið að það sé eitthvað satt í þessu - maður hefur yfirleitt meira þol fyrir sinni eigin lykt. En þetta er kannski ekki alveg það sem ég vil sjá þegar ég er að japla á morgunkorninu.

Shit, rakst á þetta illa súra kynningarmyndband frá Microsoft. Spólið á 07:00 því þá fara hlutirnir að gerast, eða eins og stendur í lýsingunni:

Boring until the 7 minute mark when the production is taken over by crack-smoking monkeys.

Þetta video hefur örugglega verið gert þegar rappið var nýorðið mainstream og allir auglýsingagúrúarnir vildu hafa smá rapp af því að það var svo gegt hipp og trendí. Njótið:

Gerist ekki betra. Ótrúlegt en satt þá var þetta ekki stóra tækifærið sem kom aðalleikkonunni Victoria Carver á kortið - samkvæmt imdb þá hefur hún einungis leikið í einhverri X-rated mynd og einni sjónvarpsmynd…

(frá boingboing)