Follow @HannesJohnson

Safnið fyrir March, 2007

March 26th, 2007 @ 14:58

Spam dagsins redux

Á gamla blogginu var ég á tímabili með svona “spam dagsins” í lokinn á öllum færslum – þetta var s.s. áður en ég byrjaði á “random quote dagsins”. Þetta var yfirleitt subject línur úr e-mail spami sem ég var að fá – eða brot úr spam póstum.

En spammarar láta sér ekki tölvupóstinn nægja – þeir eru alltaf að leita að nýjum leiðum til að selja meira viagra… Þannig að þeir eru líka að spam-a blogg með því að senda inn endalaust af bull kommentum sem innihalda linka á vafasamar síður hýstar í Azerbaijan.

En sem betur fer er ég með svona gífurlega sniðugt anti-spam plug-in sem er búið að stoppa 1049 drasl comment. Ég reyndar þarf að eyða tíma í að fara í gegnum þessi komment áður en ég hendi þeim af því að einstaka sinnum læðast inn alvöru comment frá aðdáendum.

Til að stoppa eitthvað af þessu spam-i og spara mér tíma þá ætla ég að prófa smá tricks – breyta nafninu á skránni sem höndlar kommentin (wp-comments-post.php) í eitthvað allt annað svo þessir vitleysingar eiga erfiðara með að reyna kommenta á bloggið. Þetta þýddi reyndar að ég þurfti líka að breyta template-inu smá, en þetta ætti allt að virka – dyggir lesendur ættu að geta kommentað á fullu. Sjáum til hvort þetta nægi – annars fer ég bara út í eitthvað drastískara.

Til að fagna því að þetta blogg mun vonandi fá minna spam ætla ég að birta nokkur vel valin spam-subject úr pósti sem ég hef fengið undanfarið. Hérna eru nokkur subject úr hinum vinsæla lima-flokki:

  • Re-Charge Your sausage!
  • Be a supermacho!
  • Charge your weenie for 110% and have a lifetime fiesta with y0ur chick.
  • With Super Viagra you dont have to worry about unwanted side effects.

Hvað er síðan málið með þessi fáránlega löngu subject?

  • Howard said that Jeff the Vomit guy left a message asking to meet Ashley Blue the porn star because she said she’s fascinated by vomit.
  • That led to Artie wondering if Bubba tells the truth about his age because in 1989 that would have made Bubba 22 years old.
  • The second is that I haven’t been picking up cookbooks because many of mine have sat largely sat unused for some time and have been gathering dust as I don’t have a lot of time to cook.

Síðan eru þessi klassísku bull subject:

  • and btw – gattlestar ballactic is pretty g33ky 2, d00d.
  • sledgehammer folk music

Já, já… alltaf gaman að þessu.

If you could make everybody poor just so you could be rich – would you do it?
March 14th, 2007 @ 0:00

Fáránlega góður ljósmyndari

Það hlaut að koma að því að fólk um allan heim áttaði sig á því hvað ég er fáránlega góður ljósmyndari. Í gær fékk ég þennan póst í gegnum flickr frá einhverri gellu sem vinnur í Fordham háskólanum í New York:

Subject: Permission to use photo of taxis

Hello,

I currently work at Fordham University’s Law Center. We were hoping to use the following photo:

www.flickr.com/photos/officialstation/318158058/

for our summer international brochure… how can we go about doing this?

Thanks!

– C

Þetta er s.s. myndin sem hún vill nota:

New York taxi cabs

Þetta er náttúrulega fáránlega töff mynd og eins og ég kommentaði á flickr síðunni þá er þetta klassísk New York mynd – breið gata alveg stútfull af gulum leigubílum.

Hún ætlar síðan að senda mér PDF fælinn þegar bæklingurinn er tilbúinn. Nokkuð töff – maður er bara orðinn “internationally published photographer” :)

Þetta er enn einn kosturinn við að skella myndunum sínum á flickr – fólk hvaðanær úr heiminum getur “uppgötvað” þig. Síðan sakar ekki að merkja myndirnar sínar með tags til að auðvelda fólki að uppgötva flottu myndirnar þínar.

Ef fólk vill dást að fleirum af mínum yndisfögru ljósmyndum þá er hellingur af myndum hérna og síðan eru nokkrar extra flottar ljósmyndir á flickr.

Shake it like a polaroid picture!
March 7th, 2007 @ 20:30

Sjarmerandi seríalmorðingi

Ég held að það séu ekki margir sjónvarpsþættir sem hafa fengið mig til að lesa bækur… En síðasta haust ákvað ég að tékka á nýjum þætti sem átti að lofa góðu – Dexter. Hann var með nokkuð skemmtilegt plot – aðalpersónan er lögregla í Miami, nánar tiltekið sérfræðingur í blóðskvettum. Hann gerir mikið í því að vera viðkunnanlegur og líta út fyrir að vera venjulegur, sem hann er alls ekki. Á kvöldinn fer nefninlega hinn persónuleikinn á stjá og þá fer hann að drepa “vonda fólkið” – hann s.s. drepur bara þá sem hann er viss um að “eiga það skilið”.

Dexter

Ég er s.s. búinn að horfa á þessa þætti og hafði gaman af – þeir eru bæði spennandi og fyndnir. En þessir þættir eru víst byggðir á bók eftir Jeff Lindsay sem kallast Darkly Dreaming Dexter. Þegar ég fór til New York keypti ég þessa bók og bók númer 2 í Dexter seríunni: Dearly Devoted Dexter. Ég er búinn með fyrstu bókina og næstum búinn með seinni. Síðan kemur þriðja út í haust: Dexter in the Dark. Geri fastlega ráð fyrir að ég kaupi 3. bókina þar sem þessar bækur eru alls ekki slæmar – þótt þetta sé vissulega ekki alveg eins og í þáttunum. Það er ekki alveg eins mikið action í bókunum, ekki alltaf jafn mikið að gerast og síðan er gaurinn líka aðeins meira psycho í bókunum. Líka skemmtilegt að sjá hvað þeir notuðu úr bókunum og hvað ekki. En síðan er jú það skemmtilega við bækur að þú ert “leikstjórinn” ;) Þannig að þetta er fín afþreying á meðan maður bíður eftir 2. seríunni af þáttunum sem kemur í haust.

Skjár 1 er víst að sýna Dexter á sunnudögum ef fólk vill tékka á þessum þáttum. Síðan er svona skemmtilegur Dexter leikur á netinu sem er gaman að tékka á.

Don’t you want to hear my last words? …I just did.
Hannes - Just walkin'... I am official station Pen and paper I am Hannes, I'm a code monkey Aðgangur bannaður fyrir fólk með dökkt hár Iceland Airwaves 2006 - Reykjavik Art Museum Just grillin'... Maple grilling Here fishy, fishy... Attention: Keep gun holstered. Side view mirror FIRE KILLS CHILDREN! Erpur Blazroca - I am Hannes, I'm creative Iceland Airwaves 2005 - Nasa Gin and tonic Nonnabátur í rústi Landakotskirkja Picking berries Mary Jane vodka Inter Rail - Russian train Eiffel Tower Ferrari Entrance to Internet Hostel Rock am Ring 2004 - Linkin Park Turn me on

 

© 2017 Hannes · Hafðu samband / Contact me