Skellti mér á GusGus tónleikana á laugardaginn og ég er vel sáttur með að hafa farið af því að GusGus heldur BESTU. TÓNLEIKA. EVER. Þau ná að skapa alveg geðveika stemmningu. Jack Schidt (aka Margeir) var að hita upp þegar við mættum. Fínt session hjá honum - hann var meira að segja að mixa predikun hjá Gunnari í Krossinum við einhverja feita takta sem kom bara furðu vel út.

Síðan kom gusgus á svið og rústaði pleisinu, alvöru rave stemmning, glow sticks og alles. Ég var á dansgólfinu mest allan tíman og var að fíla mig í tætlur. Þau voru náttúrulega klöppuð upp og í lokinn tóku þau David - það var líka eins gott að þau tóku það af því að David er BESTA. LAG. EVER. Sérstaklega Live - algjör snilld. Maður fer í algjöran trans.

Ég verð að muna eftir því að reyna fara á sem flesta gusgus tónleika - þetta gerist ekki betra. Síðan er þetta líka hin fínasta líkamsrækt - maður svitnaði eins og ég veit ekki hvað.

Ég gef þessum tónleikum 5 diskókex af 5 mögulegum.

Diskurinn Forever er líka mjög góður og fær hann 4 diskókex. Hérna er smá tóndæmi:

Hold You (Hermigervil’s remix)
Moss (feat. Daníel Ágúst)

This entry was posted on Wednesday, April 25th, 2007 at 0:47. You can follow any responses to this entry through the RSS 2.0 feed. You can leave a response, or trackback from your own site.