Ef ég á að segja álit mitt á hátíðinni hingað til þá finnst mér hún hafa byrjað mjög vel.

Miðvikudagurinn var í þunglyndari kantinum með The Lights on the Highway og Shadow Parade. Fínt melódískt, rólegt, þunglyndisrokk. Fínt fyrir svefninn. Fimmtudagurinn var mun hressari, fyrir utan Grizzly Bear. Hressleikinn var allsráðandi hjá Best Fwends, þó svo að það megi deila um tónlistarlega hæfileika þeirra félaga þá voru þeir svo sannarlegar hressir og skemmtilegir. Svo kom einhver skúl of rokk hljómsveit og átti ágætt mót. The Teenagers komu svo og voru líka gríðarhressir með sína frumlegu texta. Eftir það lá leiðin á Listasafnið þar sem röðin teygði sig langt eftir Tryggvagötunni. Þar var hljómsveitin Grizzly Bear að spila. Ekki beinlínis minn tebolli. Var hreint ekki að fíla þá, svæfandi og frekar leiðinleg lög, ekki raðarinnar virði. Kvöldið var því endað í hressleikanum á Nasa. Síðasta hljómsveit kvöldsins var Late of the Pier. Að mínu mati var það skemmtilegasta hljómsveitin í gær. Hressandi og grípandi lög. Helsti gallinn við tónleikana þeirra var hvað þeir spiluðu stutt, ekki nema í hálftíma. En ég fór sáttur heim.

Í kvöld er ég spenntastur fyrir of Montreal. Þetta verður mjög góð helgi. Bloc Party og The Magic Numbers á einni helgi! það gerist varla betra.