Ég meina, ég var eiginlega bara að giska á myndir sem ég hafði séð (af því að varla get ég sagt mikið til um myndir sem ég hef ekki séð) og það þrengdi nú töluvert rétt-ágiskunar-möguleikann þar sem ég var yfirleitt bara búinn að sjá 1 til 2 af þeim myndum sem voru tilnefndar í hverjum flokki.

En 4/10 er nú ekki hræðilegt… og þetta er nú eiginlega 5/10 þar sem ég vissi nú alveg að það væru meiri líkur á að No Country for Old Men yrði valin besta myndin - ef ég hefði sett pening undir þetta hefði ég klárlega sagt No Country for Old Men. Mér fannst bara einhvern veginn að ég yrði að segja Juno þar sem ég gaf henni fleiri stjörnur… En ég náttúrulega velti þessu gífurlega mikið fyrir mér - eyddi alveg 3 sekúndum í að giska á hvern flokk.

En eins og ég sagði… þetta var bara til gamans :)

Mér hefði kannski gengið betur ef ég hefði séð allar myndirnar sem voru tilnefndar - aldrei að vita nema ég reyni að gera það á næsta ári.