Follow @HannesJohnson

Safnið fyrir October, 2009

October 23rd, 2009 @ 0:57

Iceland Airwaves 2009 – Day 4 – part 1

Gleðin heldur áfram! Við byrjuðum á Batteríinu þar sem við ætluðum að sjá XXX Rottweiler. Mættir tímanlega og Ghostigital var ennþá að spila. Já, þetta er frekar skrítin tónlist, 100% surg, en samt ekki alveg svona surg sem maður fílar í tætlur – þótt það sé ágætur bassi í gangi á köflum. Nett geðveiki. Svo byrjaði atriðið sem maður kom til að sjá, Rottweiler hundarnir sem héldu uppi mjög góðri stemningu. Þeir tóku helstu slagarana og fólkið trylltist.

Næst var skundað yfir á NASA. Reyndar, þegar við komum út úr Batteríinu sáum við að Dr. Spock voru búnir að leggja trukki á Tryggvagötunni og voru með útitónleika þarna – þeir voru meira að segja með eldspúara (is that even a word?). Skemmtilegt uppátæki hjá þeim – það var fullt af fólki búið að safnast í kringum trukkinn þeirra. Á NASA var Jessica 6 næst á dagskrá, eða meira svona Jessica Sex… Outfit í anda Lady GaGa. Seiðandi tónar… ágætt stöff.

Svo var það Retro Stefson – reyndar búinn að sjá þau fyrr á Airwaves en þetta var aðeins öðruvísi, mun stærri staður, mun fleiri áhorfendur, meiri partýstemning. Hressir og krúttlegir krakkar. Héldu uppi mjög góðri stemningu – crowd surf og almennur hressleiki. Partýið hélt bara beint áfram þegar…
Framhald í næsta þætti!

En hér koma síðan myndir:

Það er sko meira »

October 18th, 2009 @ 20:34

Iceland Airwaves 2009 – Day 3 – part 2 – fleiri myndir

…og partýið heldur áfram. Eða svona næstum því. Næst voru Micachu & The Shapes en þau voru ekki alveg að virka, passaði ekki við hljómsveitirnar á undan og eftir – hálf skrítin tónlist, var ekki alveg að fíla hana. En maður beið spenntur eftir næsta atriði, Metronomy sem er svona stærsta nafnið á Airwaves í ár. Dúndrandi góð tónlist, gífurlegur hressleiki hjá þeim ..og dansinn dunaði. Þau voru náttúrulega klöppuð upp og tóku einn hressan smell í viðbót. Mjög góð stemning í Listasafninu.

Næst rölti maður yfir á NASA þar sem The Field voru í gangi – teknó stöff, nett e-pillu stemning í gangi, eða eitthvað… ;) Ágætt stöff, en skelltum okkkur samt á Kaffibarinn á smá off-venue dót með Kasper Bjørke og Jack Schidt / Margeir / Gluteus Maximus.
Smá viðbót: KB var gjörsamlega stappaður – alltof margir þarna inni, við hefðum eiginlega ekki átt að komast inn. Metronomy kom og tékkaði á röðinni en þau voru fljót að beila.

Hef þetta “review” nú ekki lengra… en hérna er restin af myndunum frá þessu kvöldi:

Það er sko meira »

October 17th, 2009 @ 21:27

Iceland Airwaves 2009 – Day 3 – part 1 – photos, baby!

Dagur 3 af þessari mögnuðu tónlistarhátið sem Iceland Airwaves er. Fór beint úr vinnunni til að tékka á smá off-venue í Nikita búðinni. Það var norskt þema í gangi, eitthvað búið að breyta dagskránni þannig að The New Wine spiluðu fyrst í staðinn fyrir Kakkmaddafakka. Það var reyndar einhver töf, trommusettið var ekki mætt. En maður slakaði bara á og gæddi sér á Kalda í boði hússins. Þeir byrjuðu síðan loksins… ágætis stöff, rokk í hressari kantinum. Maður lét eitt gigg nægja og hélt heim í kvöldmat… en það var ekki stoppað lengi – maður hélt aftur út til að hefja kvölddagskrána.

Maður mætti ferskur beint í Listó til að tékka á The Drums – jolly surf rokk í gangi, gott stöff. Næst voru það norsku Casiokids – gott partý stuð… Þeir náðu aldeilis að pumpa upp stemninguna – komu með maskot, gaur í bjarnabúningi/górillubúningi sem kom með risablöðrur og pumpaði upp mannskapinn, tók smá crowd surf og lét almennt öllum illum látum.

Mér finnst miklu betra þegar það eru blá ljós á sviðinu – það koma miklu betri/flottari myndir heldur en þegar það er t.d. rauð ljós.

Ég tók svo margar ljósmyndir þetta kvöld að ég skipti þessu niður í 2 parta.

Það er sko meira »

October 16th, 2009 @ 3:12

Iceland Airwaves 2009 – Day 2 – góð tónlist, góðar myndir

Tónlistar-orgían heldur áfram… dagur 2 af Airwaves. Við mættum fyrst í Hafnarhúsið/Listasafn Reykjavíkur þar sem Lights on the Highway voru nýbyrjaðir. Mjög gott íslenskt rokk – var virkilega að fíla síðasta lagið sem þeir tóku, algjör snilld, veit bara ekki hvað það heitir :)

Á meðan það var verið að hreinsa til og setja upp græjurnar fyrir næstu hljómsveit hoppuðum við yfir í Sódóma þar sem Króna voru að spila. Stoppuðum nú stutt þar en áður en við fórum aftur í Hafnarhúsið ákváðum við að rétt líta á Motoboy sem var á Batteríinu. En það entist ekki lengi, vorum þarna í kannski 1-2 mínútur… ekki alveg okkar tebolli. En þetta er það sem er svo magnað við Iceland Airwaves hátíðina, maður getur auðveldlega samplað á hinni og þessari tónlist… það er aldrei að vita nema maður detti niður á eitthvað gott.

En við hentum okkur inn í Listasafnið þar sem Dikta voru að byrja. Gott stöff, fíla þá live, standa sig alltaf með prýðindum. Þeir eru víst að koma með nýja plötu, kannski að maður kaupi sér hana. Við biðum rólegir eftir næsta atriði sem var Choir Of Young Believers – dönsk hljómsveit, spilaði rokk í hægari kantinum en það var samt stundum ágætur kraftur í þessu – en enginn head banging/partý hressleiki.

Síðan var það síðasta bandið í Listasafninu: When Saints Go Machine – þeir voru ekki alveg að heilla mig í byrjun en þeir unnu sig upp í góða stemmningu og enduðu í hressu partý stuði – vel dansvæn tónlist.

Næst tékkuðum við á Kidcrash á Sódóma – hardcore rokk með moshpit og alles. Eftir að það var búið vorum við ekki alveg vissir hvert ætti að halda næst – tékkuðum á dagskránni og ákváðum að tékka á einhverju Bodi Bill dóti á NASA. Maður vissi ekkert um þessa hljómsveit og hafði ekki hugmynd við hverjum maður ætti að búast við. En þeir komu mjög skemmtilega á óvart – þetta voru 3 hressir Þjóðverjar sem spiluðu gífurlega hresst og hart elektró, en nokkuð melódískt.

Þetta var góð tónlistarveisla ..og þetta er bara rétt að byrja.
Tók helling af myndum…

Það er sko meira »

October 15th, 2009 @ 1:25

Iceland Airwaves 2009 – Day 1 – Ramses, Retro Stefson, Dynamo Fog… – myndir, maður!

Já, já… Iceland Airwaves 2009 er hafið – snilld! Airwaves er klárlega stærsti menningarviðburður Íslands á hverju ári. Ég er ekki frá því að ég sé sammála Söru í Nakta Apanum með það að þetta sé skemmtilegra og meira spennandi en jólin.

Ég byrjaði að fara í Batteríið til að sjá Ramses opna hátiðina. Hann var með fínustu hljómsveit með sér. Töff íslenskt hip-hop. Rétt leit inn á Nasa þar sem maður náði nokkrum lögum með Morðingjunum – ágætis rokk í harðari kantinum. Síðan hoppaði ég yfir á Sódóma þar sem maður rétt náði í restina af Cynic Guru. Stuttu seinna fóru Retro Stefson að setja upp sínar græjur. Það var gott partý hjá Retro Stefson, gífurlegur hressleiki. Góðar líkur á að maður tékki á þeim aftur á laugardaginn á Nasa.

Næstir á dagskrá voru Dynamo Fog – var ekki alveg að fíla fyrstu lögin þeirra, kannski var það bara söngurinn, annars var þetta fínt rokk. Svo fór maður aftur yfir á Nasa þar sem Juvelen voru að ljúka sér af, veit ekki alveg… var ekkert að heilla mig upp úr skónum. Beið í smá stund eftir Kimono og hlustaði á hægt og rólegt rokk hjá þeim í smá tíma áður en maður sagði þetta gott fyrir fyrsta kvöldið af Iceland Airwaves ’09.

Þetta var bara nokkuð góð byrjun á Airwaves – hef aldrei tekið svona massívan miðvikudag áður.

Já, og sjá… það eru myndir. Ég tók náttúrulega ljósmyndir hægri vinstri eins og ég er vanur. Njótið.

Það er sko meira »

October 13th, 2009 @ 1:01

GusGus 24/7 útgáfutónleikar og djamm rugl

Það er nokkuð síðan, en ég fór á útgáfutónleika GusGus. Þeir voru sko að gefa út plötuna 24/7 sem er alveg eðal, virkilega smooth stöff. Þetta voru meira að segja útiútgáfutónleikar – Nikita var að opna “flagship” búðina sína á Laugaveginum og þessi tvö stolt Íslands ákváðu að slá strengjum saman og fagna þessum merku áföngum með tónleikum í bakgarðinum hjá Nikita aka “Nikita garðinum”.

Það var alveg slatti af liði í garðinum, temmilega stappað. Þrátt fyrir frekar slæmt veður þessa viku og fyrr um daginn þá var veðrið nú ekkert að skemma fyrir – einstaka skúrir sem var ekkert til að gera veður út af.

Ég greip tvö video…

GusGus – Add This Song – Live in Nikita’s backyard – Album release concert.

Þeir voru klappaðir upp og tóku Moss:

GusGus – Moss – Live in Nikita’s backyard – Album release concert.

Nokkrar myndir frá tónleikunum og síðan eitthvað frá djamm ruglinu sem fylgdi eftir…

Það er sko meira »

Hannes - Just walkin'... I am official station Pen and paper I am Hannes, I'm a code monkey Aðgangur bannaður fyrir fólk með dökkt hár Iceland Airwaves 2006 - Reykjavik Art Museum Just grillin'... Maple grilling Here fishy, fishy... Attention: Keep gun holstered. Side view mirror FIRE KILLS CHILDREN! Erpur Blazroca - I am Hannes, I'm creative Iceland Airwaves 2005 - Nasa Gin and tonic Nonnabátur í rústi Landakotskirkja Picking berries Mary Jane vodka Inter Rail - Russian train Eiffel Tower Ferrari Entrance to Internet Hostel Rock am Ring 2004 - Linkin Park Turn me on

 

© 2017 Hannes · Hafðu samband / Contact me