Það er ekkert lítið hvað maður er sáttur með þetta veður – bara sól og blíða marga daga í röð. Svona á þetta að vera. Ég held að fólk ætti alveg að sleppa því að kolefnisjafna sig – þessi gróðurhúsaáhrif eru að gera góða hluti ;) Það er nú búið að hóta manni verra veðri næstu daga en ég segi að þetta sé bara eitthvað tímabundið – svona rétt til að bændurnir fái smá rigningu. Ég ætla að panta svona gott veður út sumarið (og jafnvel eitthvað lengur).

Sumar (og sérstaklega þegar það er svona gott veður) þýðir náttúrulega eitt: Grill. Maður er búinn að grilla nokkrum sinnum nú þegar og enginn ástæða til að hætta núna – alltaf til að í að grilla með einhverju góðu crew-i.

Fór á tónleika með The Rapture í síðustu viku – mjög góðir tónleikar. Motion Boys hituðu upp með nokkrum hressum lögum áður en The Rapture stigu á stokk. The Rapture eru hressir New York gaurar sem spila skemmtilega tónlist sem mætti kannski kalla “fast-tempo rock”, “e-pillu rokk” eða bara “partý rokk” og náðu þeir að halda uppi nokkuð góðri stemmningu. Gaman að heyra í þeim aftur, þetta er svona hljómsveit sem er eiginlega skemmtilegra að hlusta á/sjá á tónleikum heldur en bara að hlusta á af plötu – maður man ennþá hvað þeir komu skemmtilega á óvart á Airwaves 2002.

Ég held að það sé næsta víst að Vegamót sé langbesti staðurinn – enginn annar sem er nærri því jafn góður. ’nuff said.

Já, Die Hard 4.0.3 beta segiru… Alveg að fíla hana, olli sko ekki vonbrigðum – John McClane er ennþá badass. Fínasta action-mynd og klassískur sumarsmellur. The Lookout er líka nokkuð góð mynd, kannski svolítið róleg á köflum en fín spennumynd.

Nákvæmlega! – ég hef lengi verið að velta fyrir mér af hverju það er ekki til eitthvað svona. Það væri t.d. hægt að setja upp svæði þar sem fólk gæti eyðilagt bíla sem á hvort eð er að kremja í kassa. Þá þyrftu sumir kannski ekki að fríka út á nýja og fína bíl í Hafnarfirði.

Samkvæmt mínum heimildum varð bloggið 1 árs í vikunni – ég trúi því ekki að það sé enginn búinn að gefa mér gjafir. Jæja, þá fáið þið enga köku. Það er möguleiki að ég geri eitthvað sérstakt til að fagna þessum áfanga – flikka eitthvað upp á lúkkið eða henda inn smá dóti sem ég er víst búinn að lofa í langan tíma.

Ég var að frétta að ónefndur einstaklingur hefur átt erfitt með að commenta – hafa fleiri lent í því? Ef svo er, endilega commentið ;) Aglavegna – reynið að ná sambandi við mig gegnum aðrar leiðir. Ég veit ekki til þess að það ætti að vera eitthvað að valda vandræðum…

Já, eitt í viðbót – ég er víst búinn að færa mig yfir til Símans. En ég held vissulega númerinu mínu. Kannski vert að láta fólk vita af því svo það fái ekki áfall þegar það fær himinháan reikning eftir að hafa talað við mig í fleiri klukkustundir samfleytt (á meðan það hélt að það væri að borga geðveikt ódýran Vodafone í Vodafone taxta).

Það er allt að verða vitlaust. Fólk er alveg fáránlega grænt og ógeðslega mikið að hugsa um náttúruna og kolefnisjafna allt og alla. Maður getur örugglega kolefnisjafnað ömmu sína ef maður hefur áhuga á því… En þetta er allt gott og blessað, það þarfa að passa upp á þessa blessuðu plánetu ef við viljum lifa hérna eitthvað örlítið lengur. Ég vil nú ekki vera minni maður og vil stoltur tilkynna að þetta blogg er sko þokkalega grænt:

(Það er hægt að smella til að staðfesta það sko.)

En er fólk að kaupa þetta Kolviðar dæmi? Þetta er nú ekki góðgerðarstofnun – hvað ætli fari mikill hluti í að virkilega planta trjám? Þessar auglýsingar eru nú ekki ókeypis og starfsmennirnir þurfa að fá sín laun (þeir eru samt líklega ekki mjög margir). En þetta er sniðugt, voða trendy – það er til alveg slatti af svona batterýum erlendis. Íslendingar þurfa nú líka að vera með í að bjarga þessari plánetu frá glötun. Ætli við séum ekki nú þegar að kolefnisjafna mest í heimi? (…miðað við höfðatölu)

Maður er víst að fara útskrifast á laugardaginn. Það er allt gott og blessað. En svona útskriftir geta dregist svolítið á langin, sérstaklega þegar það er bara ræða eftir ræða og maður situr með eitthvað mega-spotlight í andlitinu. Þess vegna er alveg upplagt að hafa smá skemmtiatriði til að brjóta þetta upp svolítið. Harvard hefur alveg áttað sig á því og þeir bjóða alltaf einhverjum grínista til að halda skemmtilega ræðu – þeir hafa t.d. fengið Ali G og fleiri góða. Í fyrra buðu þau Seth MacFarlane til að gefa nemendum nokkur heilráð. Njótið:

Hérna talar hann sem Peter Griffin:

Stewie:

..og að lokum, Glenn Quagmire:

Gott fjör. Væri ekki leiðinlegt að fá Pétur Jóhann Sigfússon eða annan hressan til að segja manni hvað maður á að gera eftir skólann ;)

Annars verður partý ársins haldið kvöldið 9. júní. Bjössi bjó til þetta fína boðskort og setti það á hüt. Ég ætla líka að skella því hingað inn:

Ef þú hefur áhuga á að mæta hentu þá inn kommenti hérna og ég skal setja þig á VIP listann (kannski, ef þú biður fallega…).

Úff… maður er ekki alveg að átta sig á þessu, en maður er í rauninni búinn í skóla… í bili. Vorum að sýna verkefnið í dag… Sýningin gekk mjög vel, en vá hvað maður er búinn á því – maður er náttúrulega búinn að vera vinna í þessu alla önnina og þetta er búið að taka svona temmilega á – sérstaklega síðustu dagarnir/vikurnar. En nú er þetta búið, ekkert annað eftir nema að útskrifast.

Það verður fagnað allrækilega á föstudaginn þegar flestir eru búnir að sýna. Síðan verður tjillað eitthvað áður en maður fer í 9-5 pakkann. Veit nú ekki alveg hvort ég sé tilbúinn fyrir svona 9-5 pakka sem er lengra en rétt yfir sumarið. Það kemur bara í ljós… Þetta verður örugglega ótrúlega gaman og spennandi :)

Mæli ekki með að verða veikur nokkrum dögum fyrir lokapróf

Mæli með að nota Listerine, taka helling af C vítamíni og öðru dópi til að reyna losna við veikindin

Mæli með að drekka nóg (vatn, heitt te, viskí, klósetthreinsi…)

Mæli ekki með að ná ekki að lesa nógu mikið fyrir prófið

Mæli með að harka þetta af sér og taka prófið

Mæli með að dópa sig upp rétt fyrir prófið – og taka auka skammt með sem nesti á meðan maður tekur prófið

Mæli með að ganga samt sem áður ágætlega (held ég/vona ég) í prófinu (miðað við aðstæður)

Mæli ekki með að dópa sig svo mikið upp að þú svarar öllum spurningunum á rússnesku

Mæli með WordPress 2.1 með autosave

Mæli með Firefox 2.0 með restore session

Mæli ekki með að missa af badda út af veikindum

Mæli með að sofa nóg

Ron Jeremy kom til Íslands fyrir nokkrum árum… Hann var eitthvað að plögga myndina sína og standup sem hann var með í Háskólabíó.

Maður var í Verzló á þeim tíma og það kom skemmtilega á óvart þegar Ron Jeremy valsaði inn til okkar með Sveppa, Audda og einhverju camera crew-i. Hann spjallaði eitthvað við okkur og “kenndi” okkur í smá tíma – þetta var allt tekið upp og sýnt á Popp Tíví. Hann var víst kennari áður en hann fór í dóna bransann og ef ég man rétt var hann m.a. að kenna okkur um ameríska mannkynssögu eða eitthvað.

Þar sem ég er náttúrulega fan #1 þá bað ég hann um eiginhandaráritun. Hann reyndar misskildi mig eitthvað og skrifað hana til Johannes ;)

Þetta er náttúrulega priceless gripur en ég er tilbúinn til að selja þetta fyrir 97.000 kr. (stgr.) eða í skiptum fyrir eitthvað annað – eins og t.d. eiginhandaráritun frá Jack Bauer …uh, ég meina Kiefer Sutherland.