Ég var að keyra heim í gær eftir að hafa séð Contraband og mér sýndist ég sjá norðurljós á himninum. Þegar ég kom heim var ég á bílastæðinu í smá stund að horfa á þessu mögnuðu norðurljós. En svo dreif ég mig upp á þak með þrífótinn og myndavélina.
Þegar ég var kominn upp á þak og búinn að setja allt upp voru norðurljósin ekki alveg eins mögnuð og stuttu áður. En ég náði samt nokkrum fínum skotum af þeim. Fisheye linsan er oft góð þegar ég er að taka myndir af norðurljósum – maður nær að grípa svo mikið af himninum :)
Þetta var frekar magnað kvöld – maður er búinn að sjá nokkra myndir sem fólk var að taka þetta kvöld og það er mikil ljósadýrð. Þær eru reyndar margar teknar aðeins fyrir utan borgina. Þessi aukna norðurljósa-virkni hefur líklega eitthvað með sólargosið að gera.
Já, ég verð að tékka á þessu… lítur út fyrir að vera frekar klikkuð mynd – aðeins meira action, meiri keyrsla heldur en í Reykjavík-Rotterdam. Hún var samt algjör snilld, gaf henni 8 stjörnur og sagði á kvikmyndasíðunni minni:
Mjög töff íslensk action mynd. Virkilega vel gerð. Gott handrit og góðir leikarar. Mjög spennandi á köflum. Ég vil fá fleiri svona íslenskar myndir…
Fullt af flottum leikurum. Baltasar er alveg að meika það… verður spennandi að fylgjast með honum í framtíðinni. Allar líkur á að hann sé bara rétt að byrja feta sig í Hollywood.
Síðan virðist Ólafur Darri Ólafsson líka vera í þessari mynd – honum bregður þarna fyrir í sýnishorninu.
Aldrei að vita nema maður skelli sér á Contraband um helgina.
