Við félagarnir skelltum okkur til Sauðárkróks um helgina… Alltaf gaman að ferðast smá um landið og upplagt að skella sér í road trip á Krókinn.

Ég kem kannski með meiri details í næstu ljósmyndafærslum sem koma vonandi á næstu dögum en í stuttu orði var þessi ferð snilld – hellingur af hressandi uppákomum. En ég var s.s. með eina eða tvær myndavélar á lofti, jafnvel fjórar ;)

Síðan smá útidúr… ég tók eftir að gæðin á myndunum voru ekki alveg nógu góð eftir að ég minnkaði þær. Þannig að ég tók upp nýtt action í Photoshop sem geymir myndirnar í betri gæðum (quality 10 í staðinn fyrir 8). Ég nota s.s þetta action í Automate > Batch til að minnka allar myndirnar í albúminu í einu. Þannig að núna ættu myndirnar vonandi að líta aðeins betur út… Það þýðir reyndar að myndirnar eru aðeins stærri og gæti tekið smá lengur að birtast – en maður hefur alltaf þolinmæði fyrir fegurð, ekki satt ;)

Það er sko meira »

Eva Joly var fyrir nokkru fengin sem sérstakur ráðgjafi til að aðstoða við að finna alla vondu kallana sem fluttu peninga á Tortola. Eva hefur víst gefið út bók sem heitir Justice Under Siege. Það fyrsta sem mér datt í hug þegar ég sá þessa bók var Steven Seagal – ég meina, Steven hefur leikið í klassa myndum eins og Urban Justice, Mercenary for Justice, Out for Justice og síðan náttúrulega Under Siege tvíleiknum.

Þannig að þessi brandari lá alveg beint fyrir. Ég ætlaði alltaf að gera eitthvað með þetta og núna var ég að klára að henda saman póster fyrir þessa stórkostlegu “kvikmynd”:

Steven Seagal & Eva Joly in Justice Under Siege

Þetta er nú frekar gróft photoshop en ég vildi bara henda einhverju einföldu upp í staðinn fyrir að fresta enn frekar að gera þetta.

Ég hef fundið nýja leið til að spara tíma svo ég sé fljótari að setja myndir á netið – bara henda öllu inn, ekki filter-a eða review-a þetta… bara láta þetta allt flakka, sama þótt það séu nokkrar eins myndir og einhverjar misgóðar myndir.

Síðan hjálpar það líka að ég er ekki lengur í böggi með Automate > Batch fídusinn í Photoshop. Ég lenti alltaf í því þegar ég keyrði þetta að JPEG Options glugginn opnaðist við hverja mynd og ég þurfti að ýta á OK – ekki svo automatic ;) En maður þarf víst að taka upp action þar sem maður Save-ar skrána (með Save As…), með Quality og skráarnafnið skráð í þetta action. Síðan þegar maður er í Automate > Batch hefur maður bara hakað við Override Action “Save As” Commands og þá er þetta allt í góðu :D

Ég fór eitt kvöldið út að taka myndir af umferðinni á Hringbraut – hérna er það sem kom út úr því. Þegar ég stóð á brúnni sá ég að það var kviknað í Tjörninni – það var víst að kveikja kerti til að minnast Hiroshima. Þannig að það er smá bonus footage þaðan.

Mér finnst svona nætur-umferðar ljósmyndir frekar töff – hef verið að prófa mig smá áfram og mun pottþétt taka fleiri svona myndir.

Annað í fréttum… ég er aftur á leiðinni í ferðalag. “Aftur? Hvað meinaru?” Jamm, ég er víst eitthvað búinn að vera að ferðast smá undanfarna mánuði og þetta er allt á todo listanum: blogga um ferðirnar, setja inn myndir, setja inn video, o.s.frv… Ég gæti tekið upp á því að taka bara skorpu í september og dúndra inn fullt af færslum, þúsundum ljósmynda, tuga kvikmyndaskeiða og örðu skemmtilegu. Stay tuned…

Ég er á fullu í prófum núna – 2 búin, 1 eftir. En ætli maður skelli sér ekki samt á Zoolander 2. Hún er víst að fá ágæta dóma, Craig alveg að standa sig – hann kom meira að segja með nýtt lúkk sem hann kallar “Royale”:

Maður er búinn að sjá smá úr Casino Royale og hann er alltaf með þetta killer Zoolander lúkk. Þannig að upp á djókið bjó ég til þennan skemmtilega póster. Fólk getur smellt til að sjá stærri útgáfu.

Annars lá við að maður hefði snjóað inni í gær. Flestir á 3ja ári voru að klára sitt síðasta próf í gær þannig að það var smá hittingur í Kópavoginum. Þegar maður leit út um gluggann seinna um kvöldið var komin lárétt snjóhríð. Þetta leit nú ekki út fyrir að vera mikið en þegar maður var á leiðinni heim þá var búið að snjóa töluvert og það tók talsvert langan tíma að komast á leiðarenda þar sem farið manns var á rennisléttum sumardekkjum. Eins gott að maður gat reddað sér fari heim því það var víst allt í rugli – vesen með leigubíla, björgunarsveitir kallaðar til og læti…