Ég hef í nokkur ár búið til svona Hress tón-lista með þeim lögum sem mér fannst extra hress hvert árið. Ég skrifaði meira um uppruna þessa lista í færslunni um Hress 2007.
Þessi Yahoo spilari sem ég hef verið að nota er ekki alveg að gera sig 100%. Núna er allt í einu ekki hægt að ýta á pásu og halda áfram frá sama stað. Ef maður ýtir á pásu og vill svo halda áfram að spila lagið byrjar það frá byrjun. Ég held alveg örugglega að play/pause hafi virkað almennilega einu sinni…
Mér datt allt í einu í hug hvort ég gæti notað jPlayer – hann er voða hipp og kúl núna… HTML5 og fínerí (s.s. betri stuðningur við iPhone en aðrir spilarar). Það er meira að segja til WordPress plugin. En við nánari athugun sýnist mér jPlayer ekki vera alveg eins hentugur og Yahoo spilarinn – hann s.s. grípur ekki öll MP3 lög sem er verið að linka í og býr til playlista úr þeim. Maður þarf að setja inn slóðirnar á öll MP3 lögin í stillingu á spilaranum eða benda á ákveðna möppu (en þá væru lögin ekki í sömu röð).
Ef ég myndi alveg skipta jPlayer út fyrir Yahoo spilaranum þá væri ekki hægt að spila lögin á gömlu Hress listunum. Þannig að ég ætla bara að hafa bæði. Fólk getur valið það sem því finnst best.
Eftir smá notendaprófanir virðist sem það sé eitthvað vesen með “don-rimini_kung-fu.mp3″ í þessum jPlayer – eins og skráin sé corrupt eða eitthvað… En það virkar að spila lagið í gegnum Yahoo spilarann. Allt annað ætti að virka.
Hérna er jPlayer spilarann og fyrir neðan eru síðan lögin ásamt athugasemdum og öðrum punktum.
Auðvitað er MSTRKRFT á Hress 2010 :) Þeir fá titilinn “heiðursfélagar Hress listanna” fyrir að vera á Hress listanum 4 ár í röð: 2007 (1 lag + 3 remix), 2008 (2 lög + 3 remix), 2009 (3 lög) og svo núna á Hress 2010 með 1 lag.
Maybb – Touring In NY (Short Tour Edit)
Klikkuð keyrsla í gangi. Very nice. iTunes DJ (aka DJ Shuffle) spilaði þetta einn daginn – gaman að detta inn á svona gullmola sem maður hefur ekki hlustað á lengi og búinn að gleyma.
Cee-Lo Green – Fuck You
Gífurlega hresst lag, samt svolítið spes þar sem textinn er ekki beint jákvæður.
Lil Jon – I Do (Pance Party Remix)
Þessi dirty/distorted taktur er svo mikill snilld, maður fær alveg hroll. Já, já, Lil Jon bara með tvö lög á listanum…
Marina and the Diamonds – I Am Not A Robot (Clock Opera Remix)
Kúl vibe í gangi… Það er eitthvað við þessa rödd… er að fíla það. Smooth… góður fílingur. Þetta distortion inn á milli er líka alveg að virka á mig.
Einn kostur við að pósta þessari færslu svona seint – Clock Opera eru víst að mæta á Iceland Airwaves 2011. Nice! Þokkalega að fara tékka á þeim :)
Croquemonsieur – Tiger
Hresst, jolly… gott fjör.
Samkvæmt intertroninu mun Croquemonsieur vera annað alias fyrir Shinichi Osawa. Mjög gott. Maður heyrir líka smá Shinichi brag í þessu lagi…
Já, ég myndi segja að þetta sé góð tónlist í ræktina. Þetta fær adrenalínið til að flæða aðeins meira og maður getur hlaupið aðeins lengur, lyft lóðunum oftar og maður gleymir sér bara (áður en þú veist af ertu búinn með killer workout) af því að þetta er svo fáránlega góð og skemmtileg tónlist :)
Mér sýnist þetta vera 39 lög. Sem er alveg 42% færri lög en í fyrra ;)
Notable mention:
Shinichi Osawa – EEAA (Mustard Pimp remix)
Ég get í raun ekki sett þetta á Hress 2010 þar sem ég var með original á Hress 2009. En þetta er svo gott að mér fannst ég þurfa að hafa það með færslunni. Mustard Pimp er alveg með ‘etta.
Fyrir áhugasama er hægt að renna í gegnum Hress-lista fyrri ára hér:
Uh, já, einmitt… má ég benda ykkur á þessa gífurlega áhugaverðu grein á Wikipedia.
I put the “pro” in procrastination ;) Já, ég veit… klúður.is – Hefði átt að vera búinn að setja þetta á Netið fyrir svona ~12 mánuðum. Ég einhvern veginn fann mér alltaf eitthvað annað að gera en að setja þennan lista á Netið.
Fokk it… Betra seint en aldrei™ (pæla í að gera þetta að lífsmottóinu mínu).
Hey, ég sagði aldrei að þetta væri einhver “árslisti”. Þetta er bara listi af góðum lögum sem ég birti þegar ég birti hann. Það er algjör tilviljun að þetta eru lög sem ég uppgötvaði árið 2009 ;)
En nú er ég kominn með betra verkferli í gang sem ætti að tryggja að Hress 2010 komi út a.m.k. á fyrsta ársfjórðungi 2011 ;)
Ég prófaði Streampad spilarann aðeins en hann var ekki að passa fyrir þá virkni sem ég var að leita að – maður þurfti alltaf að byrja að hlusta á “playlist-ann” frá nýjasta laginu sem hefur verið sett á bloggið. Ekki bara fyrsta lagið í bloggfærslunni, heldur öllu blogginu – þannig að ef þú ert að skoða tveggja ára gamla færslu þá getur þú í rauninni ekki spilað bara lögin í þeirri færslu. Þetta hentar svosem ágætlega á Tumblr blogginu mínu.
Þannig að ég setti aftur inn Yahoo spilarinn sem ég var með í fyrra – hann hentar ágætlega. Streampad hafði reyndar ýmsa kosti (last.fm scrobling, hægt að hoppa inn í mitt lag…) en virkaði bara ekki fyrir þetta blogg. Ef einhver getur bent á betri/hentugari spilara en Yahoo spilarann þá endilega láta heyra í sér.
(Venjulega myndi ég skrifa einhverjar athugasemdir við lögin en í staðinn fyrir að tefja útgáfu þessa lista enn frekar þá vantar það fyrir fyrri hlutann – bæti kannski við síðar.)
Fatboy Slim – Star 69 (DJ Godfather Detroit Getto Tek remix)
Þetta lag kemur af smáskífu sem ég keypti í Danmörku 2003. Ég fór reglulega í plötubúð sem var þarna í Hillerød og keypti smáskífur sem kostuðu mjög lítið – oft bara 2-4 DKR (þeir voru með sérstakan útsölurekka).
Regina Spektor – Dance Anthem Of The 80s
Cute and cuddly. Hresst og krúttlegt. Ég held ég þurfi að gefa Lalla credit fyrir að hafa vakið athygli mína á þessum slagara.
Sander Kleinenberg – This Is New York
Það er nú svolítið síðan maður heyrði þetta lag fyrst. Ég hefði jafnvel átt að hafa þetta á Hress 2007. En ég enduruppgötvaði þetta lag núna 2009 þannig að ég skelli þessu bara á Hress 2009 (hey, my list, my rules). Þetta er náttúrulega alveg eitrað euro-ostapopp… en gott stöff. Besti parturinn er klárlega þegar allt verður vitlaust á 3:52 – algjör snilld að blasta þetta þegar maður er að pumpa járn í ræktinni. Hjálpar manni alveg að rífa í 5-10 sinnum í viðbót.
Mustard Pimp – Gold!
Ég er að fíla Mustard Pimp. Held alveg örugglega að þeir séu frá Frakklandi. Frakkarnir kunna að búa til elektró. Þetta lag minnti mig smá á fjólubláu konuna í The Fifth Element.
Will Smith – Fresh Prince Of Bel Air (Mustard Pimp remix)
Já, eins og ég sagði þá eru Mustard Pimp að gera góða hluti – uppáhalds discovery 2009. Þeir eru auðvitað hjá Steve Aoki á Dim Mak. Uppáhalds label-ið mitt.
Ég elska góð remix af gömlum og góðum lögum :)
Black Monster Hamster – Jungle Dancing
Það er ekkert í reglunum sem segir að ég megi ekki setja mín eigin lög á Hress lista ;) Mér finnst þetta fáránlega hresst lag, á alveg skilið að vera á Hress 2009.
Raw man + Blanche – United (Instrumental Mix)
Já, nokkuð hresst… góður beat… kúl lagalega séð (strengir og læti, örlítill Rob D fílingur). Ágætlega dirty. Gæti alveg verið notað í einhverja kvikmynd.
Shinichi Osawa – EEAA
Einmitt það sem ég fíla – dirty synths, pounding bass… nett rugluð stemning.
Birdy Nam Nam – The Parachute Ending
Reyndar svolítið hægt af stað… Byrjar svona ca. 02:30. Justice pródúsa þetta víst – maður heyrir það alveg á köflum.
Justice – Phantom Part III (The Pragmatic Remix)
Ég var nú með Phantom Pt. II á Hress 2008 – en við skulum segja að þetta sé annað lag, ég meina það heitir Phantom Pt. II og þetta er Phantom Pt. III, allt annað ;)
Dúndrandi gott lag. Klikkaður bassi í gangi, dirty taktur… I like it.
Jæja, þar höfum við það… ef ég taldi þetta réttu eru 68 lög á Hress 2009. 5,4 klst af gæðatónlist :) [hmm... eftir nánari athugun voru þetta hugsanlega bara 67 lög og 5,3 klst.]
Eins og í fyrra á The Hype Machine “sökina” að mörgum þessum lögum (s.s. ástæðan fyrir að þetta er svona 98% remix).
Það er töluvert um gamla vini á Hress 2009 – Yuksek og The Bloody Beetroots sem voru á Hress 2008 og MSTRKRFT sem voru á Hress 2007 og 2008 – kæmi ekki óvart ef MSTRKRFT yrðu líka á Hress 2010 ;) Síðan erum við með The Prodigy sem koma sterkt inn – voru með eitt lag á Hress 2002 (aka “The beginning of the end”).
Síðan var líka nokkuð um aðra gamla vini – gömul lög (frá tíunda áratuginum, 90s) í nýjum og ferskum búningi. Ég var alveg að fíla það – gaman að endurvekja gamlar minningar :)
Það voru náttúrulega fullt af góðum lögum í gangi 2009 – en ég þarf að draga mörkin einhvers staðar svo þetta endi ekki eins og Hress 2008 ;) Þetta er líka ekki þannig listi – Þetta er svona þau hressustu sem ég var að hlusta á árið 2009 (sem ég mundi að setja á listann).
Síðan voru líka slatti af lögum sem næstum því komust á listann en ég hafði aðeins strangari kröfur heldur en síðast… Samt endaði þetta bara í 11,7% færri lögum en Hress 2008. Hress 2010 mun vera töluvert styttri.
If at first you don’t succeed, dust yourself off and try again.
Hey, betra (mjög) seint en aldrei ;) Liggur við að ég kalli þetta bara Sumarmixið 2009… eða Haustmixið, whatever…
Ég er búinn að vera alltof upptekinn við að setja inn fáránlega mikið af myndum. Ég virðist taka alltof mikið af myndum – ég er ekki fyrr búinn að setja inn nýjustu myndirnar og þá er ég strax búinn að taka 1000 myndir í viðbót. Talandi um first world problem ;)
En það er aldrei of seint fyrir góða tónlist…
Hjá mér er það ekkert “Top 10 bestustu plötur ársins” eða “Topp 20 fáránlega bestu singlar ársins”. Hérna er það bara “öll kick ass lögin sem ég var að fíla í tætlur og komu mér í stuð árið 2008″ eða eins og ég kýs að kalla þennan árlega tón-lista sem ég bý til: Hress 2008
Fólk getur tékkað á Hress 2007 ef það vill rifja upp og fræðast meira um uppruna þessa dúndur lista. Ég þurfti reyndar að fjarlægja slatta af lögunum þar sem ég var listaður á alltof mörgum MP3 leitarvélum og þetta var að éta upp alveg skuggalega mikið af bandvídd.
Ég held að það sé óhætt að segja að þetta sé hressasti lagalisti sem hefur nokkurn tíman verið settur saman.
Mér finnst þessi lög alveg upplögð í ræktina – maður nær alveg að hlaupa auka 10 km og lyfta auka 10 sinnum með þessi lög pumpandi í eyrunum ;) Það er reyndar líka hætta á að þú keyrir 10 km/klst hraðar ef þú ert að hlusta á þetta í bílnum :)
Fjöldi laga á Hress 2008 er töluvert meiri heldur en á Hress 2007 og fyrri Hress listum. Ég held að það þýði að ég hafi hlustað á meiri tónlist, meiri góða tónlist, meiri nýja tónlist… Ég kenni Hype Machine um – það er bara alltof auðvelt að fylgjast með hvað er að gerast og uppgötva nýja og klikkað góða tónlist. Fólk sem fylgist með mér á Hype Machine gæti kannast við slatta af þessum lögum en líka frá Muxtape listanum mínum (RIP).
Þar sem allur þessi pakki er í lengri kantinum þá er líklega best að fólk hlusti á þetta í pörtum – nema það hafi tíma til að hlusta á 6,1 klst. af efni – upplagt í löng flug ;)
Ég ætla alla vega að vona að það séu a.m.k. einhverjir sem hafa þolinmæði til þess að hlusta á meirihlutann af þessu. Annars vinsamlegast láta mig vita svo ég geti sleppt því að eyða forever í að pósta Hress 2009 á næsta ári.
Um að gera að setja þetta í bookmarks, pósta þessu á delicious eða einhvers staðar annars staðar til að minna þig á að tékka á þessu aftur ;)
Ég ákvað að skipta út Delicious PlayTagger spilaranum sem ég er búinn að vera með síðan ég byrjaði með þetta blogg fyrir Yahoo! Media Player sem virðist vera frekar kúl. Það er aðeins meira advanced – býr sjálfkrafa til playlista þannig að þegar lagið sem þú varst að spila er búið byrjar næsta lag. Síðan er hægt að hækka og lækka í spilaranum og síðan eru svona skemmtileg keyboard shortcuts – Shift+Hægri pílan til að spila næsta lag, Shift+Space til að pása o.s.frv… Ég er líka að fíla “Find song on page” fídusinn (target íkoninn hjá timer-num). Vonandi fílar fólk þennan spilara – endilega koma með feedback.
Í notendaprófunum á þessum spilara sýnist mér hann reyndar vera frekar viðkvæmur – hann t.d. virðist skippa lög ef það er einhver galli í þeim (smá hikst, stafrænt brengl…) og síðan ef server-inn er eitthvað lengi að svara/senda niður lagið. Þannig að hafið það í huga… Ef fólk veit um einhverja betri lausn endilega láta vita.
VARÚÐ: Hressleikinn í þessari færslu er svo gífurlegur að við hlustun á eftirfarandi lögum gætir þú fundið þig knúinn/knúna til að hoppa upp og dansa.
You have been warned. You may now proceed… en ég mæli samt með að þú hækkir í bassanum ;)
Junkie XL – 1967 Poem (feat. Steve Aoki)
Ég held að það mætti kalla þetta lag ársins á Hress 2008 – Þvílíkur bassi! Þvílíkur kraftur! Þvílík geðveiki! Bara gott stöff.
Þessi má líka til gamans geta að Steve Aoki stofnaði Dim Mak Records sem er á bakvið nöfn eins og MSTRKRFT, The Bloody Beetroots og Shinichi Osawa – en einnig Bloc Party, Datarock, Klaxons og aðrar skemmtilegar hljómsveitir.
Annar fróðleiksmoli: Hann er bróðir Devon Aoki.
Soulwax – KracK
Klikkað lag… trommurnar alveg á fullu. Það var snilld að sjá Soulwax á Sónar. Áður en ég sá þá live var ég ekki búinn að stúdera þá mikið en nú eru þeir á meðal uppáhalds hljómsveitanna minna.
Smá bónus lag: Soulwax – KracK (Live)
Jafnvel enn meiri geðveiki í live útgáfunni.
Moby – Disco Lies
Ég heyrði þetta lag þegar ég var að testa einhverja iPod græjur í Apple búðinni í SoHo í New York og var alveg að fíla það þannig að ég skrifaði niður að ég yrði að setja þetta á Hress 2008 listann :)
Madonna – 4 Minutes (feat. Justin Timberlake & Timbaland)
Timbo trommurnar eru alveg að gera góða hluti. Timbaland er snillingur í að búa til killer catchy takta. Þetta var svona sumarsmellur ársins 2008 – var alltaf spilaður á Vegó þegar maður var þar (jafnvel stundum tvisvar á sama kvöldi).
The Bloody Beetroots – Rombo (feat. Congorock)
The Bloody Beetroots maður… ítalskir snillingar. Lögin þeirra (og remix) eru alltaf fáránlega dirty (mikið distortion) og með klikkaðan bassa. Er að fíla það.
Tommy Sparks – I’m A Rope (Yuksek Remix)
Bíddu… kom Yuksek til landsins og ég missti af því? Dammit… ég þarf greinilega að fara mæta á fleiri tónleika hjá liði sem ég kannast ekki við (ennþá).
The Lonely Island – Jizz In My Pants
Vá, fyndnasta lag ársins 2008 :) Þetta er líka virkilega vel gert lag – klikkaður taktur (og trommur). Myndbandið er bara gott:
MGMT – Kids (Soulwax remix)
Eitt besta remix 2008. [gæti verið böggur með þetta lag (ca. hálfa leið inni í lagið) - þá er bara um að gera að smella á linkinn, vista þetta á tölvuna þína eða eitthvað]
50 Cent – In Da Club (The Disco Villains Remix)
Ferskt remix á gömlu lagi… tekur mann aftur í Kýpur útskriftarferðina.
Ég er alltaf að átta mig betur á því hvað elektró + hip-hop er góð blanda.
Jesse McCartney – Leavin (MSTRKRFT remix)
Annað væmið lag sem MSTRKRFT gjörsamlega umturna og gera að klikkuðum bassa smelli. [ok, smá bögg með þetta í Yahoo spilaranum - mæli með að fólk nái bara í þetta lag]
Deadmau5 – I Remember
Ég held að þetta sé rólegasta lagið á Hress 2008. Það er enginn crazy dirty kickass bassi (samt góður bassi) en það er eitthvað við þetta, gott vibe í kringum þetta… smooth lag. Það er reyndar með svona house lög að ef maður er í tjill stuði þá er þetta fínt tjill-lag en ef maður er í dans stuði þá passar þetta líka.
Justice – Phantom II (Boys Noize Unreleased Turbine)
Ef ég man rétt náðum við rétt í endanum af Boys Noize tónleikunum á Sónar – og mig minnir að það hafi verið gott stöff. Þetta remix er alla vega að gera góða hluti, þvílík keyrsla, þvílíkur bassi…
Ghostface Killah – Charlie Brown (Yuksek Remix)
Já, maður! Hip-hop + elektró mix! YEAH! Alveg að gera góða hluti. Ég held ég þurfi að tékka betur á þessum Yuksek, hann er að dúndra út klikkuðum mixum.
Late Of The Pier – Bathroom Gurgle (Tronik Youth Remix)
Ég gat eiginlega ekki sleppt því að setja þetta lag á listann af því að þegar ég var að fara í gegnum listann af lögum sem ég var búinn að “love-a” á hypem (til að finna Hress 2008 kandídata) þá sá ég að ég var búinn að elska þetta lag tvisvar ;) Fyrst 19. febrúar og síðan aftur 5. október.
Justice – DVNO
Justice voru að gera góða hluti á Hress 2007 en ég var ekki búinn að hlusta almennilega á öll lögin frá ✝ disknum. Ég hlustaði töluvert á DVNO árið 2008 + sjá þá live á Sónar 2008 þannig að það gengur ekki annað en að þeir séu með 1-2 lög á listanum. Myndbandið er líka frekar töff:
Er þetta ekki eitthvað djók? Þetta er alveg RUGL mikið af lögum! 77 stykki til að vera nákvæmur. En það er bara svo RUGL mikið af góðri tónlist í gangi þarna úti… og maður er örugglega að missa af einhverjum gullmolum – dammit… það er ekki nægur tími í sólarhringnum til að innbyrða allt þetta góðgæti sem er í boði. En maður verður að notast við einhverja filtera – t.d. snilld að vera búinn að adda fólki á hypem sem er með svipaðan tónlistarsmekk – maður getur svolítið treyst á það lið til að benda manni á eitthvað gott stöff. Og ef maður ætti að rannsaka í hnotskurn allar þessar hljómsveitir sem maður er að uppgötva – tékka á fleira stöffi frá þeim o.s.frv… forgeddaboutid, there’s not enough time.
En er nokkuð eitthvað til sem heitir of mikið af góðri tónlist?
Síðan var ég reyndar næstum hálfpartinn búinn að brjóta einu regluna sem ég hef við þessa Hress lista – að hafa ekki sama lag á tveim listum. Ég s.s. var búinn að setja á Hress 2008 listann remix af lagi sem var á Hress 2007. En þótt þetta sé ekki officially á Hress 2008 þá læt ég þetta fljóta með (fyrst ég var búinn að upload-a skránni):
Kanye West – Stronger (A-Trak remix)
A-Trak er DJ-inn hjá Kanye West þegar hann er á tour þannig að það er kannski ekki skrítið að hann pumpi út svona dúndur remix-i…
Það er kannski frekar áberandi að MSTRKRFT sé ein af mínum uppáhalds hljómsveitum – þeir koma fyrir 5 sinnum á Hress 2008 og voru 4 sinnum á Hress 2007 ;) Ég VERÐ að fara á tónleika með þeim fljótlega – hver er til?
Soulwax eru líka að gera góða hluti og The Bloody Beetroots koma mjög sterkt inn. Ég uppgötvaði The Bloody Beetroots árið 2008 og núna eru þeir ein af uppáhalds hljómsveitunum mínum…
Evrópa var að gera góða hluti… Diskokaine frá Austurríki The Bloody Beetroots og Benny Benassi frá Ítalíu.
Svíþjóð er með Robyn og Maskinen.
Frakkland stendur sig mjög vel: Justice, Yelle, DJ Mehdi, The Teenagers, Tepr, Yuksek og David Guetta. Stella er ekki það eina góða sem Belgía hefur fært okkur: Soulwax
Holland býður okkur upp á Junkie XL Wiley representing UK ásamt Snow Patrol og Jamiroquai. Rambrandt repraschenting Deutschland með Boys Noize.
…og náttúrulega Emiliana Torrini sem heldur uppi heiðri Íslands.
Ég er klárlega að gleyma einhverjum en þetta er svona “off the top of my head”.
Þótt þessi listi sé alveg temmilega langur þá er ég viss um að ég sé að gleyma einhverjum fáránlega hressum lögum sem voru að vekja lukku árið 2008 – árið 2008 var mjög gott tónlistarár. En ég held að þetta sé alveg nóg, ég meina, það eru 175% fleiri lög á Hress 2008 heldur en á Hress 2007! (sem var 28 lög).
Já, fólk tekur kannski eftir að það er alveg slatti af remix-um á þessum lista… ég held að það sé líka hægt að kenna Hype Machine um það – MP3 bloggin eru mikið fyrir að pósta remix-um.
Hvað segir fólk? Var þetta of mikið? Of langur listi? Ætti ég bara að hafa Top 25? Top 40? Ég held alla vega að ég ætla að auka kröfurnar aðeins – lög þurfa að vera alveg “out of your mind kick-ass headbanging bass-thumping good shizznit” til að komast á Hress 2009. En ég hef nú verið frekar gagnrýninn hingað til þegar kemur að Hress listunum – sum lög þurftu að fara í gegnum strangan 15 skrefa approval process áður en þau komust á Hress 2008 – stundum var það jafnvel 20-25 ítranir áður en lag var samþykkt.
Jæja, fílaðiru eitthvað lag/einhver lög á þessum lista? Eitthvað sem stendur upp úr?
