Eftir skrautlegt djamm í gær hringdi Bó í mig í dag og boðaði mig í Nauthólsvík.

Það var rugl gott veður. Við skelltum okkur líka í smá sjósund en eftir að hafa synt í smá tíma beilaði ég í land – sjórinn var of kaldur og líkaminn ekki alveg sáttur með þessa meðferð.

Þetta var mjög fín helgi. Meira svona, takk.

Það er sko meira »

Rölti niður í miðbæ 17. júní til að tékka á stemmningunni og taka nokkrar myndir. Það var ágætt veður þótt það komu nokkrir dropar inn á milli.

Það eru alveg nokkrar myndir sem komu nokkuð vel út þótt ég segi sjálfur frá.

Það er sko meira »

Ég nennti ekki að hanga inni í þessu góða veðri þannig að ég greip myndavélina, setti á 35mm linsuna, UV filter og lenshood og rölti út í buskann.

Þetta eru mjög random myndir – en ég ákvað að setja þetta bara allt inn…

Það er sko meira »

Iceland Airwaves 2008 er byrjað. Algjör snilld, þetta er eiginlega hápunktur hvers árs hvað varðar það sem er að gerast hérna á klakanum, alla vega tónlistarlega séð. Við fórum á Nasa beint eftir baddann – grenjandi rigning og killer löng röð fyrir utan. En sem betur fer komst maður frekar fljótt inn. Þar voru rótararnir að gera allt ready, glamra á gítara og trommur, 1, 2, hello… Agent Fresco voru greinilega nýbúnir.

Maður beið spenntur eftir Biffy Clyro – var búinn að hlusta á þá smá áður og var að fíla ágætlega. Mjög góðir tónleikar hjá þeim – fullt af góðum lögum og þeir rokkuð feitt. Temmilega hart – enda var þetta Kerrang! kvöld.

Já, já, Iceland Airwaves ’08 rétt að byrja og geri ráð fyrir að þetta verður gott fjör og mikið eyrnakonfekti eins og fyrri ár – hlakka til að sjá Yelle, CSS (eða Cansei de Ser Sexy sem þýðir víst “þreyttur á að vera kynþokkafullur” – skemmtilegt nafn), Simian Mobile Disco og önnur hress bönd.

Já, ljósmyndir! Slatti af myndum af Biffy Clyro… Mér finnst tónleikamyndir frekar skemmtilegar – það er yfirleitt frekar dimmt en síðan hellingur af ljóskösturum í gangi í mismunandi litum (svart og neon-ljós er að lúkka) og svo mikið action, allt á hreyfingu. Kemur oft skemmtilega út.

Það er sko meira »

Ætlaði nú að vera löngu búinn að henda inn kveðju hingað, en whatever…: Gleðilega hátíð! Maður er bara búinn að vera svo upptekinn við að troða í sig kalkúni, riz a la mandé og öðru gúmmilaði, spila Cluedo, horfa á bíómyndir og síðan var ég nett veikur (örugglega eftir allt þetta át).

En já, sei, sei… það voru bara hvít jól eftir allt saman – alltaf jólalegra þegar jörðin er þakin snjó. [insert obligatory white christmas photo]:

Síðan komu bara þrumur og eldingar þegar maður var nýbyrjaður að borða jólamatinn – frekar magnað.

Ég er líka búinn að vera leika mér svolítið með nýja leikfangið mitt:

Ég stefni á að taka mun fleiri myndir árið 2008 heldur en ég gerði í ár. Aldrei að vita nema ég fjárfesti í fleiri linsum og öðrum myndavélagræjum.

Hérna eru nokkrar jólamyndir í viðbót:

Hvað segiði, er þetta flickr material? Ætti ég að setja eitthvað af þessum myndum á flickr?

Jæja, sjáumst á nýju ári og passið ykkur að fjúka ekki í burtu ;)

Ég er á fullu í prófum núna – 2 búin, 1 eftir. En ætli maður skelli sér ekki samt á Zoolander 2. Hún er víst að fá ágæta dóma, Craig alveg að standa sig – hann kom meira að segja með nýtt lúkk sem hann kallar “Royale”:

Maður er búinn að sjá smá úr Casino Royale og hann er alltaf með þetta killer Zoolander lúkk. Þannig að upp á djókið bjó ég til þennan skemmtilega póster. Fólk getur smellt til að sjá stærri útgáfu.

Annars lá við að maður hefði snjóað inni í gær. Flestir á 3ja ári voru að klára sitt síðasta próf í gær þannig að það var smá hittingur í Kópavoginum. Þegar maður leit út um gluggann seinna um kvöldið var komin lárétt snjóhríð. Þetta leit nú ekki út fyrir að vera mikið en þegar maður var á leiðinni heim þá var búið að snjóa töluvert og það tók talsvert langan tíma að komast á leiðarenda þar sem farið manns var á rennisléttum sumardekkjum. Eins gott að maður gat reddað sér fari heim því það var víst allt í rugli – vesen með leigubíla, björgunarsveitir kallaðar til og læti…