Það var náttúrulega skotið upp nokkrum flugeldum. Ég fékk m.a.s. eitt stykki í mig – einhverjar leyfar úr flugeldi hrundu á mig. Þetta eru aðallega myndir teknar rétt fyrir og rétt eftir miðnætti – þegar það voru flestir flugeldar í gangi. Síðan var þetta ansi fljótt að deyja eftir miðnætti – ekki mikið í gangi eftir svona 0:30. Það er náttúrulega möst að vera með þrífót ef maður ætlar að ná almennilegum flugeldamyndum – ég var ekkert með þrífót í fyrra og náði engum klikkuðum myndum af flugeldum. Það getur verið að veðrið í fyrra hafi líka ekki verið optimal. En núna var alveg logn og ég náði alveg nokkrum frekar flottum myndum, þótt ég segi sjálfur frá…

Það er sko meira »

Betra (mjög) seint en aldrei, er það ekki? Er búinn að vera á leiðinni að setja inn myndirnar frá Barcelona frekar lengi. Síðan ákvað ég að tefja þetta enn frekar með því að flækja málin – fara út í að nota annað kerfi til að sjá um myndirnar. [Varúð: Hluti af þessari færslu gæti verið óskiljanlegur fyrir suma]

Ég hef hingað til sett inn hinar ýmsu ljósmyndir hérna – til að sjá um það var ég að nota forritið Gallery sem er frekar vinsælt og síðan plugin-ið WPG2 til að blanda þessu fallega við WordPress. En í útgáfu 2.5 af WordPress bættu þeir við svona skemmtilegum gallery fídus. Ég hef séð hvernig fólk er að nota þennan gallery fídus fyrir ljósmyndaalbúm og það var að koma nokkuð vel út – þannig að ég ákvað að prófa þetta.

En til að þessi gallery fídus virkaði almennilega og allt liti vel út þurfti ég að breyta theme-inu mínu töluvert. Það tók sinn tíma, smá PHP hér, smá CSS þar… – en maður fékk oft hjálp á netinu: Using the gallery shortcode, birta EXIF upplýsingar, shutter speed í brotum, fá fyrstu myndina í albúminu til að birtast á forsíðunni, bæta við texta linkum fyrir “Myndin á undan”/”Næsta mynd” og síðan var ég svolítið að herma eftir Matt Mullenweg (gaurnum bakvið WordPress).
– svona til að gefa smá credit fyrir aðstoðina.

Þetta er nú ekki alveg komið, ýmislegt sem er hægt að fínpússa og bæta við – en er “release early and release often” ekki málið? Það kemur bara í ljós með frekari notkun ef það þarf að laga eitthvað – hefur reyndar nú þegar komið eitt og annað í ljós sem ég er búinn að redda.

Það eru ýmsir kostir við að nota þetta innbyggða WordPress gallery kerfi í staðinn fyrir mixið með Gallery forritið og WPG2 plugin-ið:

• Hægt að kommenta núna á einstakar myndir
• Það kemur í RSS feed-ið þegar ég set inn nýjar myndir
• Betri yfirsýn þar sem allar myndirnar eru á einni síðu – maður þarf ekki að fletta í gegnum margar síður til að sjá thumbnails af öllum myndunum – þetta var m.a.s. request frá einum dyggum lesanda, að sjá öll thumbnails á einni síðu
• Ég þarf ekki sér forrit til að setja inn myndir – set bara inn myndir beint úr WP admin svæðinu

Síðan með áframhaldandi þróun á WordPress þá verður pottþétt áframhaldandi þróun á þessu gallery kerfi – síðan mun ég líka koma með mínar eigin viðbætur… Svo er t.d. komin beta útgáfa af svona tagging plug-in svo maður geti taggað fólk hægri vinstri (ekki ósvipað og í Facebook) – en þegar ég prófaði það var þetta ekki alveg að virka þannig að ég ætla að bíða aðeins með að setja það inn.

Ef fólk tekur eftir einhverju einkennilegu þá endilega koma með feedback – líka ef það vantar einhvern fídus í þetta gallery (t.d. að ná í stærri útgáfu af myndinni) þá er alveg hægt að skoða hvort ég geti ekki bætt því við.

Jæja, nóg af technobabble – myndirnar frá Barcelona eru hérna, í mörgum pörtum: 1, 2, 3, 4, 5, 6, 7, 8, 9 og 10. Ef ég taldi þetta rétt eru þetta allt í allt 661 mynd.

Hérna eru nokkrar myndir sem mér finnst sérstaklega skemmtilegar/flottar/áhugaverðar:

Bjössi

Eðla að éta mús

úúú, symmetry

Goldfrapp

Er glasið að verða tómt? Jebb. Dos combinados!

Ben Watt - eitthvað töff við þessa mynd...

Ringulreið í kringum Hlyn

Að rita ævisögu mína: "Ungur eg var"

Whoa... I'm like, really tall

Justice á fullu

Neon on black

Rave!

Hvað meinaru? Ég er ekki á eiturlyfjum.

Þessi var í góðum fíling

úúú, geðveikur skuggi

SonarPub

Soulwax

A-Trak og DJ Mehdi

Just go over there

John Woo?

Rule of thirds, bitches!

Eitursvart, eitursvalt

Ég hef mikinn á huga á kvikmyndum, mér finnst gaman að horfa á kvikmyndir og ég geri töluvert af því… Ég hef stundum skrifað stuttlega um myndir sem ég hef verið að sjá – en reyndar ekki svo mikið upp á síðkastið. Hugsanlega af því að ég var að skrá það annars staðar. Ég nefninlega setti upp sérstakt svæði fyrir kvikmyndagagnrýni. Átti bara eftir að tilkynna það – twitter aðdáendur fengu reyndar að vita af því fyrir 2 mánuðum.

Til þess að höndla gagnrýnina og stjörnugjöfina nota ég WordPress plug-inið WP Movie Ratings – Gífurlega sniðugt, ég fer bara á IMDb síðuna fyrir myndina og smelli á takka sem ég er búinn að bæta við í browserinn. Síðan skrifa ég smá, gef myndinni stjörnur og sendi þetta inn – voila! Upplagt til að hafa safn yfir þær myndir sem maður er búinn að sjá og hvernig maður var að fíla þær. Síðan er líka möguleiki að einhverjir lesendur hafi áhuga á að vita hvaða kvikmyndir ég hef verið að sjá og hvort ég mæli með þeim – eða hvað?

Hérna eru síðan nokkrar kvikmyndir sem ég ætla að sjá á næstunni:

Untitled J.J. Abrams Project (aka. Cloverfield)

Veit voða lítið um þessa mynd… en þessi teaser er mjög áhugaverður. Á YouTube síðunni fyrir þetta video er fullt af linkum á skrítnar teaser síður sem eru líklega hluti af markaðssetningunni…

[HD trailer á Apple.com]

Wanted

Angelina Jolie og byssur, ég þarf ekki meira ;)

[Trailer í betri gæðum á síðu myndarinnar]

Be Kind Rewind

Jack Black og Mos Def – gæti verið góð blanda. Lítur út fyrir að vera í súrari kantinum, en held að hún gæti verið fyndið.

[Trailer í betri gæðum á Apple.com]

I Am Legend

…þetta er eiginlega teaser. Þessi trailer segir manni aðeins meira:

Síðan eru líka aðrar útgáfur á YouTube.

Gæti verið töff mynd – Will Smith að leika “Palli var einn í heiminum” ;) Bara það að sjá New York algjörlega tóma bætir alveg við kúlskalann.

[HD trailers á Apple.com]

Hérna er líka stutt “prequel” teiknimynd – vel gerð, frekar töff.

Hefur þú áhuga að sjá þessar myndir? Einhverjar aðrar myndir sem þú bíður spennt(ur) eftir að sjá?

Ég veit að bloggið mitt er alveg æðislegt, fáránlega vel skrifað og stútfullt af fróðleik sem þúsundir aðdáenda bíða spenntir eftir að lesa… en mér finnst þetta frekar gróft [ok, hún hefur líklega tekið eftir að fólk var búið að fatta hvað hún gerði þannig að hún er búin að læsa blogginu núna - en hérna sjáið þið screenshot af færslunni - síðan er líka alltaf hægt að nota Google cache]. Kannast lesendur eitthvað við textann þarna? Þið getið skoðað færsluna mína Iceland Airwaves 2007 og borið saman – hún hefur bara ákveðið að kópera stóran hluta af færslunni minni og nota á blogginu sínu. Síðan bætir hún við einhverju bulli sjálf í lokinn á færslunni. Já, hún setti líka svona glæsilega (og viðeigandi) hreyfi gif-mynd af hundi þarna efst. Gaman að þessu.

En ég virðist ekki vera eina fórnarlambið í stóra ritstuldar málinu. Rakst fyrir tilviljun á þetta blogg (áður en ég fattaði að fossvogskonan hafði stolið frá mér líka). Síðan er DrumaTix búinn að finna fleiri síður sem hafa lent í þessu. Eitt sem ég tók eftir – fórnarlömbin eiga eitt sameiginlegt, þau nota öll WordPress. Kannski er Fossvogskonan að nota einhverja WordPress leitarvél til að finna efni…

Eftir smá rannsóknarvinnu fann ég út að hún stendur líklega líka bakvið http://www.123.is/lalla/ – Hún er reyndar búin að læsa þessu bloggi en Google er með gamalt afrit þar sem kemur fram:

Önnur vefsíða:

http://fossvogskonan.blogspot.com/

Um:
Er komin með nýtt blogg, þetta verður aðeins fyrir myndir, sem eru ennþá opnar

Síðan ef maður fer að grafa aðeins lengra virðist sem hún heiti Þorbjörg og búi… jú, í Fossvoginum.

Hún er líklega líka með þetta blogg – þetta virðist líka verið að mestu stolið (myndirnar þarna eru alla veganna af mörgum mismunandi 123.is bloggum). [ok, hún er líka búin að læsa þessu bloggi - busted! It's all over]

Þetta er kannski trick hjá henni til að fá smá athygli. Það virðist alla veganna sem það hafi tekist. Þetta er líka sniðug lausn ef þú veist ekki hvað þú átt að blogga um – bara nota það sem aðrir eru að blogga ;)

En nú þegar hún er búin að loka bloggunum sínum væri fróðlegt að vita hvort hún haldi áfram að kópera blogg færslur hjá öðrum og setja á bloggin sín… Kannski er hún bara að safna saman skemmtilegum færslum svo hún geti auðveldlega skoðað þær aftur seinna. Hver veit…

Þetta er frekar fyndið allt saman. Gaman að svona rugli :)

Á gamla blogginu var ég á tímabili með svona “spam dagsins” í lokinn á öllum færslum – þetta var s.s. áður en ég byrjaði á “random quote dagsins”. Þetta var yfirleitt subject línur úr e-mail spami sem ég var að fá – eða brot úr spam póstum.

En spammarar láta sér ekki tölvupóstinn nægja – þeir eru alltaf að leita að nýjum leiðum til að selja meira viagra… Þannig að þeir eru líka að spam-a blogg með því að senda inn endalaust af bull kommentum sem innihalda linka á vafasamar síður hýstar í Azerbaijan.

En sem betur fer er ég með svona gífurlega sniðugt anti-spam plug-in sem er búið að stoppa 1049 drasl comment. Ég reyndar þarf að eyða tíma í að fara í gegnum þessi komment áður en ég hendi þeim af því að einstaka sinnum læðast inn alvöru comment frá aðdáendum.

Til að stoppa eitthvað af þessu spam-i og spara mér tíma þá ætla ég að prófa smá tricks – breyta nafninu á skránni sem höndlar kommentin (wp-comments-post.php) í eitthvað allt annað svo þessir vitleysingar eiga erfiðara með að reyna kommenta á bloggið. Þetta þýddi reyndar að ég þurfti líka að breyta template-inu smá, en þetta ætti allt að virka – dyggir lesendur ættu að geta kommentað á fullu. Sjáum til hvort þetta nægi – annars fer ég bara út í eitthvað drastískara.

Til að fagna því að þetta blogg mun vonandi fá minna spam ætla ég að birta nokkur vel valin spam-subject úr pósti sem ég hef fengið undanfarið. Hérna eru nokkur subject úr hinum vinsæla lima-flokki:

• Re-Charge Your sausage!
• Be a supermacho!
• Charge your weenie for 110% and have a lifetime fiesta with y0ur chick.
• With Super Viagra you dont have to worry about unwanted side effects.

Hvað er síðan málið með þessi fáránlega löngu subject?

• Howard said that Jeff the Vomit guy left a message asking to meet Ashley Blue the porn star because she said she’s fascinated by vomit.
• That led to Artie wondering if Bubba tells the truth about his age because in 1989 that would have made Bubba 22 years old.
• The second is that I haven’t been picking up cookbooks because many of mine have sat largely sat unused for some time and have been gathering dust as I don’t have a lot of time to cook.

Síðan eru þessi klassísku bull subject:

• and btw – gattlestar ballactic is pretty g33ky 2, d00d.
• sledgehammer folk music

Já, já… alltaf gaman að þessu.

Ég var nú ekki alveg sáttur þegar ég ætlaði að tékka á síðunni áðan – fyrst var hún ekkert að birtast en síðan komu þessi skemmtilegu skilaboð.

Manni datt náttúrulega í hug að einhverjir sniðugir hefðu hakkað síðuna í klessu (af því að þetta er náttúrulega svo merkileg síða..) eða að síðan hefði bara brotnað niður vegna álags (af því að hún er náttúrulega svo fáránlega vinsæl..). En ég held að þetta hafi bara verið eitthvað vesen hjá DreamHost – þeir voru að uppfæra einhvern server eða eitthvað.

Eftir minni bestu ágiskun myndi ég segja að bloggið hafi verið niðri í mesta lagi 5 klst. Ég ætla að vona að fólk hafi ekki panikað of mikið…