Ljósmyndir, kvikmyndagagnrýni, ferðasögur, fréttir af Hannesi og annað skemmtilegt :)
Já, já, aðfangadagur barasta á morgun… Reddaði síðustu jólagjöfunum í kvöld – alveg óþarfi að vera eitthvað að kaupa allar gjafirnar með góðum fyrirvara. Síðan er alltaf klassískt að tékka á Laugaveginum á Þorláksmessu – alltaf slatti af fólki þar.
Setti inn nýja mynd á flickr. Svona týpísk jólamynd sem ég tók í fyrra:
Gleðileg jól.
Já, viti menn – maður skellti sér bara til New York um þar-síðustu helgi. Það vildi þannig til að mamma og pabbi ætluðu að nýta einhverja vildarpunkta sem voru að renna út þannig að þau ætluðu að fara í stutta ferð til Bandaríkjanna. En síðan þurfti mamma að halda einhvern fyrirlestur í Úkraínu fyrir WHO þannig að hún komst ekki. Þau ætluðu þá bara að fresta ferðinni – en síðan kom það upp að ef miðarnir yrðu ekki notaðir fyrir 10. desember þá myndu þeir renna út.
Þannig að ég og pabbi hoppuðum stutt til New York. Maður er búinn að dreyma um að fara til New York í langan tíma þannig að þetta var náttúrulega algjör snilld. Ég missti mig svona nett á myndavélinni og var eins og versti japanski túristi – tók yfir 500 myndir á ca. 2,5 dögum og ég er búinn að setja megnið af þeim inn hérna.
Maður var nú aðallega að túristast og versla smá. Við skelltum okkur í svona hop on, hop off sightseeing bus – maður sá alveg helling af borgin á stuttum tíma þannig. Hoppuðum af í Soho og tékkuðum á frekar töff veitingastað sem heitir Balthazar.
Síðan var náttúrulega möst að tékka á Rockefeller trénu. Fórum líka á Times Square – alveg magnað pleis – það kom alveg hellidemba og þá kom einhver blökkukona og öskraði “Umbrellas, umbrellas, umbrellas!” stanslaust í 10 mínútur, eða s.s. þangað til að það stytti nokkurn veginn upp – en hún seldi líka alveg helling af regnhlífum ;)
Laugardagsmorguninn á meðan ég var að bíða eftir lestinni í borgina lenti ég í smá Phone Booth dæmi:
Ég sleppti því að svara – nennti ekki taka sénsinn á að það væri einhver sækó sniper á línunni… og þó, maður hefði kannski getað chattað við Kiefer Sutherland.
Við ætluðum upp í Empire State en það var 2 klst. biðröð þannig að við slepptum því. En við röltum bara um jarðhæðina… Skoðuðum Apple búðina sem er svona temmilega töff sjoppa. Bara glerkassi og síðan er allt batterýið neðanjarðar. Síðan þarf maður ekkert að fara á kassann til að borga – fullt af gaurum um alla búð með posa og síðan senda þeir þér bara reikninginn í e-mail.
Það var nóg af stretch Escalade/Hummer/whatever og öðrum limmum í NYC – nóg af bling bling… Síðan á leiðinni á Penn Station fór leigubíllinn niður Times Square þar sem ég tók þetta skemmtilega myndskeið:
Ég setti fleiri video á YouTube.
Við sáum fullt af frægu fólki í house of wax. Við löbbuðum eitthvað meira, versluðum smá og síðan þurftum við að drífa okkur á flugvöllinn.
Á JFK labbaði Mark Ruffalo framhjá mér – gífurleg gleði, ég ætlaði ekki að trúa því að ég færi til New York án þess að sjá eitthvað celebrity.
Það var reyndar yfir 2 klst. seinkunn á fluginu heim af því að einhver fugl flaug á flugvélina og það þurfti að tékka allt – en við fengum samt ekkert að vita fyrr en svona klukkutíma eftir að flugvélin hefði átt að fara af stað – það stóð bara alltaf Closing.
En mynd segir meira en 1000 orð þannig að ég hvet alla til að tékka myndunum sem ég setti inn – ekki gaman að eyða öllum þessum tíma í að setja þessar myndir inn ef engin skoðar þær ;) Síðan setti ég líka nokkrar vel valdar myndir á flickr – það er líka hægt að sjá þær sem voða fínt slideshow.
Ég er alveg að dýrka flickr – þetta er alveg AJAXað til helvítis þannig að það er allt bara click, drag & drop… maður getur edit-að nánast allt án þessa að þurfa að hlaða nýja síðu í hvert skipti. Kúl stöff.
Gífurleg gleði – prófin búin og núna tekur við 3ja vikna námskeið.
Ákvað að skanna inn nokkrar gamlar myndir – svart-hvítar myndir sem ég tók þegar ég var í Grundtvigs Højskole. Maður fór í ljósmyndanámskeið þarna og við fengum svona manual myndavélar til að leika okkur með – þar sem maður þurfti að stilla allt sjálfur. Ekkert automatic point & shoot eins og maður er vanur með stafrænu myndavélarnar.
Maður vandaði sig miklu meira við hverja mynd þar sem maður var að borga fyrir filmuna, pappírinn og síðan þurfti maður að framkalla þetta sjálfur. En það var virkilega skemmtilegt að leika sér í myrkraherberginu og prófa sig áfram.
Tékkidát: teningar, haustlauf, gosbrunnur.
Eftir að Yahoo keypti flickr eru þeir búnir að bæta við alls konar sniðugum fídúsum. Einn sem mér finnst frekar kúl er svona geotagging fídús. Með því getur maður skráð nákvæmlega hvar ákveðin mynd var tekin og þá er maður með svona ljósmyndaheimskort fyrir allar myndirnar manns.
Ég er á fullu í prófum núna – 2 búin, 1 eftir. En ætli maður skelli sér ekki samt á Zoolander 2. Hún er víst að fá ágæta dóma, Craig alveg að standa sig – hann kom meira að segja með nýtt lúkk sem hann kallar “Royale”:
Maður er búinn að sjá smá úr Casino Royale og hann er alltaf með þetta killer Zoolander lúkk. Þannig að upp á djókið bjó ég til þennan skemmtilega póster. Fólk getur smellt til að sjá stærri útgáfu.
Annars lá við að maður hefði snjóað inni í gær. Flestir á 3ja ári voru að klára sitt síðasta próf í gær þannig að það var smá hittingur í Kópavoginum. Þegar maður leit út um gluggann seinna um kvöldið var komin lárétt snjóhríð. Þetta leit nú ekki út fyrir að vera mikið en þegar maður var á leiðinni heim þá var búið að snjóa töluvert og það tók talsvert langan tíma að komast á leiðarenda þar sem farið manns var á rennisléttum sumardekkjum. Eins gott að maður gat reddað sér fari heim því það var víst allt í rugli – vesen með leigubíla, björgunarsveitir kallaðar til og læti…
Síðast uppfært 10. May, 2009
Var að koma af Borat – Sjúklega fyndin mynd… það er alveg ótrúlegt hvað þeir eru tilbúnir að gera, alveg sjokkerandi fyndið. Maður varð alls ekki fyrir vonbrigðum – sjaldan sem maður hefur hlegið jafn mikið yfir einni mynd. Ég meina, hvernig er ekki hægt að hlægja að þessum manni:
Síðustu helgi fór ég á The Departed. Virkilega góð mynd. Það vilja náttúrulega allir vinna með Martin Scorsese þannig að hann hefur ekki átt í vandræðum með að fá topp leikara í nokkurn vegin öll hlutverkin. Hörku handrit – hellingur af twist & turns, allir að svíkja alla – en samt ekki of flókið þannig að þetta var komið út í rugl. Ein af must-see myndum ársins fyrir kvikmyndaáhugafólk.
Maður ætti nú að vera að læra (þú ættir örugglega líka að vera að læra), en whatever…
Fann þetta video á jútjúbb – klippur úr snilldar þættinum Trigger Happy TV sem var sýndur á RÚV á sínum tíma:
Vildi rifja þetta upp af því að í tíma áðan var einhver kona ekki með á silent og það gjall þessi default Nokia hringing í símanum hennar.
Meira Trigger Happy TV stöff… (svona ef þið þurfið ekki að vera að læra)
Síðan var mér bent á þetta rugl – einhverjir vitleysingar í síma-búningum, rífa síma af fólki og stappa þá í klessu. Reyndar fáránlega lítil video, en sjokkerandi fyndið.