Tækni

Ritstuldur! Fossvogskonan svífst einskis…

27. October, 2007 9 Comments

Ég veit að bloggið mitt er alveg æðislegt, fáránlega vel skrifað og stútfullt af fróðleik sem þúsundir aðdáenda bíða spenntir eftir að lesa… en mér finnst þetta frekar gróft [ok, hún hefur líklega tekið eftir að fólk var búið að fatta hvað hún gerði þannig að hún er búin að læsa blogginu núna – en hérna sjáið þið screenshot af færslunni – síðan er líka alltaf hægt að nota Google cache]. Kannast lesendur eitthvað við textann þarna? Þið getið skoðað færsluna mína Iceland Airwaves 2007 og borið saman – hún hefur bara ákveðið að kópera stóran hluta af færslunni minni og nota á blogginu sínu. Síðan bætir hún við einhverju bulli sjálf í lokinn á færslunni. Já, hún setti líka svona glæsilega (og viðeigandi) hreyfi gif-mynd af hundi þarna efst. Gaman að þessu.

En ég virðist ekki vera eina fórnarlambið í stóra ritstuldar málinu. Rakst fyrir tilviljun á þetta blogg (áður en ég fattaði að fossvogskonan hafði stolið frá mér líka). Síðan er DrumaTix búinn að finna fleiri síður sem hafa lent í þessu. Eitt sem ég tók eftir – fórnarlömbin eiga eitt sameiginlegt, þau nota öll WordPress. Kannski er Fossvogskonan að nota einhverja WordPress leitarvél til að finna efni…

Eftir smá rannsóknarvinnu fann ég út að hún stendur líklega líka bakvið http://www.123.is/lalla/ – Hún er reyndar búin að læsa þessu bloggi en Google er með gamalt afrit þar sem kemur fram:

Önnur vefsíða:
http://fossvogskonan.blogspot.com/

Um:
Er komin með nýtt blogg, þetta verður aðeins fyrir myndir, sem eru ennþá opnar

Síðan ef maður fer að grafa aðeins lengra virðist sem hún heiti Þorbjörg og búi… jú, í Fossvoginum.

Hún er líklega líka með þetta blogg – þetta virðist líka verið að mestu stolið (myndirnar þarna eru alla veganna af mörgum mismunandi 123.is bloggum). [ok, hún er líka búin að læsa þessu bloggi – busted! It’s all over]

Þetta er kannski trick hjá henni til að fá smá athygli. Það virðist alla veganna sem það hafi tekist. Þetta er líka sniðug lausn ef þú veist ekki hvað þú átt að blogga um – bara nota það sem aðrir eru að blogga ;)

En nú þegar hún er búin að loka bloggunum sínum væri fróðlegt að vita hvort hún haldi áfram að kópera blogg færslur hjá öðrum og setja á bloggin sín… Kannski er hún bara að safna saman skemmtilegum færslum svo hún geti auðveldlega skoðað þær aftur seinna. Hver veit…

Þetta er frekar fyndið allt saman. Gaman að svona rugli :)

My cup size and IQ work in perfect harmony

I am not taxi – Tumblr linka blogg

25. September, 2007

The IT Crowd eru snilldar þættir – þetta er clip úr nýjustu seríunni sem allir verða að tékka á (hvort sem þú ert nörd eða ekki). Fáránlega gott spoof af anti-piracy auglýsingunni sem maður sér þegar maður leigir sér DVD.

Þetta video var í boði I am not taxi sem er smá Tumblelog sem ég setti upp. Þeir sem fylgjast vel með twitter síðunni fengu sneak preview fyrir nokkrum dögum – en núna er ég officially búinn að opna þessa síðu. Ég er að nota Tumblr kerfið til að keyra þetta “linka blogg” – þetta er nokkuð nett kerfi til að henda inn linkum, video, myndum, quote-um eða einhverju öðru sem maður vill rétt skella inn án þess að skrifa eitthvað mikið í kringum það (eins og maður myndi kannski gera á venjulegu bloggi). Ég ætla að nota þetta til að pósta video-um og öðru skemmtilegu sem ég rekst á.

Þeir bjóða upp á svona custom domain name möguleika og ég ákvað að setja upp sérstakt subdomain (ísl. undirlén) fyrir þetta: iam – sem (ásamt heitinu “I am not taxi”) vísar í official station söguna góðu. Það tók mig samt smá stund að átta mig á hvernig ég ætti að setja þetta custom dót upp – af því að samkvæmt leiðbeiningum þeirra átti maður að breyta stillingum þar sem lénið er skráð (hjá domain registrar). Var að prófa það fram og til baka en það var ekki að virka.

Áður en ég fer út í frekari tæknilýsingar fáum við örstutt innslag frá hressum Finnum:

And we’re back…
Þannig að ég loggað bara inn á DreamHost [ btw, hérna er kóði/discount coupon til að fá $50 afslátt: FITTYBUCKS ] og fór í Domains > Manage Domains. Þar smellti ég á Add New Domain / Sub-Domain og bætti við léninu iam.officialstation.com – þá gat ég smellt á DNS linkinn við nýja lénið og bætt við nýju Type: A record með Value: 72.32.231.8 — Ákvað bara í gamni að henda þessu info með ef svo skemmtilega vildi til að þetta myndi gagnast einhverjum :)

Smá viðbót: OK, þetta var víst ekki alveg nóg. Sumir voru að fá “Index of /” þegar þeir fóru á http://iam.officialstation.com/ þannig að ég ákvað að kanna þetta betur. Svo virðist sem það hafi verið að valda smá conflict af því að ég var ennþá að hýsa iam.officialstation.com hjá DreamHost – sem þýddi að stundum var fólk sent á DreamHost IP addressuna og stundum á Tumblr IP addressuna. Þannig að ég þurfti bara að smella á “Delete” í “Web Hosting” dálknum hjá “iam.officialstation.com” og þá ætti þetta að virka fínt eftir nokkrar klst. — Ég hefði víst upprunanlega bara átt að fara í DNS stillingarnar undir “officialstation.com” og bæta þar við “Type: A record” fyrir “iam”.

Maður getur ekki talað um sniðug video án þess að nefna snilldar seríu frá R. Kelly: Trapped in the Closet – alveg 22 kaflar/þættir í seríunni með endalaust af plot-twistum… kafli 9 er rosalegur ;)

Síðan er bara að tékka á I am not taxi fyrir fleiri video og annað sniðugt. Ég reyndar hef áhyggjur af því að Tumblr kerfið býður ekki upp á comment möguleika – og þar sem lesendur mínir eru svo óðir í að kommenta á allt og alla þá verður fólk bara að býða þangað til ég pósta hérna svona “best of” færslum með nokkrum video-um.

Það er möguleiki að það sé einhver DNS (dótið sem tengir lén við IP addressur) böggur – þannig að látið mig endilega vita ef þið lendið í vandræðum með að komast á http://iam.officialstation.com/

Just because I rock doesn’t mean I’m made of stone.

Hvað er í gangi?? – Twitter?

22. August, 2007 10 Comments

Fólk hefur kannski tekið eftir þessu “Hvað er í gangi?” dóti sem ég setti hérna fyrir ofan. Veit ekki hvort að fólk hafi mikið verið að tékka á þessu en þetta er s.s. tekið frá Twitter. Twitter er eitt af þessum hipp og kúl Web 2.0 síðum og þar sem maður er svo mikill “early adopter” þá ákvað ég að testa þetta til að sjá hvort það væri eitthvað varið í þetta. Það má segja að Twitter sé eins konar örblogg, en það gengur út á að svara spurningunni “What are you doing?” og getur þú uppfært í gegnum netið, úr símanum þínum (SMS) eða með IM.

Þetta er kannski ekki ósvipað “Status Updates” á facebook – en þetta er aðeins meira líbó, það sem maður skrifar þarf ekki að vera í framhaldi af “Hannes is…”. Síðan getur maður líka svarað twitter skilaboðum frá öðrum og sett inn linka með skilaboðunum. Það má líka segja að það séu svipaðar pælingar bakvið þetta og “personal message” á MSN. Margir nota það til að setja inn skilaboð um eitthvað sem þeir voru að gera eða eru að fara gera. Þannig að ef þú setur það (líka) á twitter ertu kominn með safn af sniðugum skilaboðum sem þú vildir endilega koma á framfæri.

Maður er miklu frekar til í að skrifa reglulega svona stuttar “uppfærslur” heldur en að skrifa daglega blogg færslur (sem geta tekið dágóðan tíma)… Það er ekki eins mikil pressa að skrifa eitthvað af viti þegar þú hefur bara pláss upp á 140 stafi ;)

Maður getur skráð sig á Twitter og bætt við einhverju liði sem maður vill fylgjast með – síðan getur þú valið um að fá uppfærslur sendar í gegnum SMS og/eða á vefnum. Annars getur fólk bara tékkað á Twitter síðunni minni – það er meira að segja boðið upp á RSS feed.

Það sem mér finnst sniðugast við Twitter er að þú getur uppfært í gegnum símann þinn. Mér tókst reyndar ekki fyrst að staðfesta símann minn (þegar ég var hjá Vodafone) – en eftir að ég skipti yfir til Símans þá ákvað ég að prófa aftur… og það gekk.

Ég veit ekki hversu mikill áhugi er fyrir svona örbloggi – en fólk vill “vita allt um hvað ég geri” er það ekki? Ég held samt að þetta væri líklega aðeins áhugaverðara ef maður væri að gera eitthvað sérstakt – eins og þegar maður er á ferðalagi (t.d. á InterRail) eða á festivali (eins og Iceland Airwaves). Ég mun t.d. hugsanlega uppfæra aðeins oftar en venjulega þegar ég skrepp til Manchester núna um mánaðarmótin – er áhugi fyrir því?

Til að birta þessi update á blogginu nota ég twitterRSS plug-inið (með smá breytingum) – en það er eitthvað bögg með íslensku stafina. Nenni varla að hakkast í þessu til að fiffa það – þannig að ég held ég skipti bráðum yfir í javascript lausnina sem Twitter býður upp á.

Talandi um web 2.0 þá er ný síða frá digg liðinu sem heitir Pownce. Þeir opnuðu núna í sumar og þetta er “invite only”. Maður er nú ekki búinn að testa þetta alveg nóg en þetta er hugsað til þess að senda skilaboð til vina þinna, skipuleggja atburði og auðveldlega senda skrár þvers og kruss. Ég held að sniðugasti fídusinn sé að maður getur sent (frekar) stórar skrár sín á milli – skrárnar geta reyndar verið max 10 MB (nema þú sért Pro – sem kostar $20 á ári). En það er upplagt til að skiptast á sniðugum MP3 lögum. Ef fólk hefur áhuga á að prófa þetta látið mig vita – ég er með 6 5 [Einar búinn að taka eitt] invite.

OK, þetta var kannski of mikið nördatal fyrir suma lesendur… Ætti ég kannski frekar bara að setja inn einhver sniðug video?

Oprah does my laundry…

Spam dagsins redux

26. March, 2007

Á gamla blogginu var ég á tímabili með svona “spam dagsins” í lokinn á öllum færslum – þetta var s.s. áður en ég byrjaði á “random quote dagsins”. Þetta var yfirleitt subject línur úr e-mail spami sem ég var að fá – eða brot úr spam póstum.

En spammarar láta sér ekki tölvupóstinn nægja – þeir eru alltaf að leita að nýjum leiðum til að selja meira viagra… Þannig að þeir eru líka að spam-a blogg með því að senda inn endalaust af bull kommentum sem innihalda linka á vafasamar síður hýstar í Azerbaijan.

En sem betur fer er ég með svona gífurlega sniðugt anti-spam plug-in sem er búið að stoppa 1049 drasl comment. Ég reyndar þarf að eyða tíma í að fara í gegnum þessi komment áður en ég hendi þeim af því að einstaka sinnum læðast inn alvöru comment frá aðdáendum.

Til að stoppa eitthvað af þessu spam-i og spara mér tíma þá ætla ég að prófa smá tricks – breyta nafninu á skránni sem höndlar kommentin (wp-comments-post.php) í eitthvað allt annað svo þessir vitleysingar eiga erfiðara með að reyna kommenta á bloggið. Þetta þýddi reyndar að ég þurfti líka að breyta template-inu smá, en þetta ætti allt að virka – dyggir lesendur ættu að geta kommentað á fullu. Sjáum til hvort þetta nægi – annars fer ég bara út í eitthvað drastískara.

Til að fagna því að þetta blogg mun vonandi fá minna spam ætla ég að birta nokkur vel valin spam-subject úr pósti sem ég hef fengið undanfarið. Hérna eru nokkur subject úr hinum vinsæla lima-flokki:

Re-Charge Your sausage!
Be a supermacho!
Charge your weenie for 110% and have a lifetime fiesta with y0ur chick.
With Super Viagra you dont have to worry about unwanted side effects.

Hvað er síðan málið með þessi fáránlega löngu subject?

Howard said that Jeff the Vomit guy left a message asking to meet Ashley Blue the porn star because she said she’s fascinated by vomit.
That led to Artie wondering if Bubba tells the truth about his age because in 1989 that would have made Bubba 22 years old.
The second is that I haven’t been picking up cookbooks because many of mine have sat largely sat unused for some time and have been gathering dust as I don’t have a lot of time to cook.

Síðan eru þessi klassísku bull subject:

and btw – gattlestar ballactic is pretty g33ky 2, d00d.
sledgehammer folk music

Já, já… alltaf gaman að þessu.

If you could make everybody poor just so you could be rich – would you do it?

Back to school…

13. January, 2007 6 Comments

Skólinn byrjaður aftur alveg á fullu… Fékk þessa gífurlega skemmtilegi stundatöflu – á bara að mæta í skólann á þriðjudögum og þá vill svo skemmtilega til að ég á að vera í tveim fögum á nákvæmlega sama tíma. Þannig að ég er eiginlega í fjarnámi í tveim fögum, frekar skrítið.

En síðan er maður náttúrulega á fullu í lokaverkefni, erum að undirbúa, skipuleggja, gera áætlanir og skýrslur núna. Ætli maður verði ekki nokkurn veginn 24/7 í þessu þangað til í sumar. En þá er maður líka búinn með þetta allt saman. Ekki hugmynd hvað tekur við eftir það… ætli ég fari ekki á sjóinn.

Já, þeir taka vel á móti manni hérna í skólanum á nýrri önn… Ég var uppi í skóla um daginn og ætlaði að tékka á blogginu mínu og fékk þessi skemmtilegu skilaboð:

Þeir settu upp svona filter stuttu fyrir jól – líklega til að reyna stoppa torrent traffík – en þeir eru líka að blokka alls konar aðrar síður. Hvað, erum við í menntaskóla?! Er okkur ekki treystandi að vafra á netinu eins og við viljum?

En það lítur út fyrir að þeir séu núna búnir að taka þetta fallega blogg af bann-listanum. Hef reyndar ekki hugmynd af hverju bloggið fór á bann-listann til að byrja með – kannski af því að það er svo ógesslega vinsælt eða vegna þess að ríkisstjórnin fílar ekki pólitískar skoðanir mínar.

Hinsvegar ef það gerist aftur að bloggið verður blokkað þá geta dyggir lesendur notað þjónustur eins og HideMyAss.com, proxify.com eða StupidCensorship.com.

I spit kisses and hugs like .45 slugs

WordPress › Error

17. July, 2006

Ég var nú ekki alveg sáttur þegar ég ætlaði að tékka á síðunni áðan – fyrst var hún ekkert að birtast en síðan komu þessi skemmtilegu skilaboð.

Manni datt náttúrulega í hug að einhverjir sniðugir hefðu hakkað síðuna í klessu (af því að þetta er náttúrulega svo merkileg síða..) eða að síðan hefði bara brotnað niður vegna álags (af því að hún er náttúrulega svo fáránlega vinsæl..). En ég held að þetta hafi bara verið eitthvað vesen hjá DreamHost – þeir voru að uppfæra einhvern server eða eitthvað.

Eftir minni bestu ágiskun myndi ég segja að bloggið hafi verið niðri í mesta lagi 5 klst. Ég ætla að vona að fólk hafi ekki panikað of mikið…

So I’m guilty of violating Section 34 Double-D?