Archives for 2007

Video

9. August, 2007 2 Comments

Já, töluvert bloggleti í gangi (mér sýnist ég ekki vera einn um það). En á meðan ég bíð þess að “blogg andinn” komi yfir mig ætla ég að skella inn nokkrum klippum.

Þetta er náttúrulega snilldar titill á mynd: Doggy Poo

a heart warming fable for all ages

Nýjasta “hittið” (bara búið að horfa á þetta 4.186.445 sinnum) á netinu: Chocolate Rain
Crazy rödd hjá þessum gaur.

Chocolate Rain
Build a tent and say the world is dry
Chocolate Rain
Zoom the camera out and see the lie

Holy crap… vá hvað ég hélt að þessi gaur væri að fara klúðra þessu og gera sig að fífli:

Bjóst ekki við svona rosalegri óperu.

Let’s hug it out, bitch

Það er alltaf gaman að taka myndir… Maður hefur verið að taka fleiri og fleiri myndir með árunum og hefur maður átt nokkrar myndavélar. Þegar ég fermdist fékk ég Kodak APS myndavél og reyndi maður að nota hana þegar tækifæri gafst – en mig minnir að hún hafi aðallega verið notuð í ferðalögum. Síðan þegar ég útskrifaðist úr Verzló fékk ég líka þessa fínu Sony DSC-P32 sem hefur reynst mér vel síðustu 4 ár og hefur skilað mér nokkrum frekar flottum myndum. En mig hefur alltaf langað í “alvöru” myndavél – þar sem ég get breytt öllum hugsanlegum stillingum, sett á mismunandi linsur, o.s.frv…

Fyrir stuttu var maður víst að útskrifast aftur og hvað ætli maður hafi fengið — þessa líka glæsilegu Canon EOS 400D. Þetta er sko alvöru myndavél og er maður ennþá að læra almennilega á hana. Síðan langar mig að kaupa fljótlega fleiri linsur. Ég held ég kaupi mér næst fisheye linsu – mér finnst þannig effectar fáránlega töff.

Ég er búinn að vera bæta við nokkrum “töff myndum”… Fólk á náttúrulega að tékka reglulega á flickr síðunni minni – en svona til öryggis ætla ég að birta nýjustu myndirnar hérna:

Ætla ekkert að hafa þetta mikið lengra því þá myndi ég örugglega fresta því enn frekar að pósta þessari færslu. Segir mynd hvort eð er ekki meira en þúsund orð? Þá ætti ég að vera kominn með vel yfir 10.000 orð – það ætti að vera nokkuð gott :)

You could be my black Kate Moss tonight…

Random thoughts…

6. July, 2007 10 Comments

Það er ekkert lítið hvað maður er sáttur með þetta veður – bara sól og blíða marga daga í röð. Svona á þetta að vera. Ég held að fólk ætti alveg að sleppa því að kolefnisjafna sig – þessi gróðurhúsaáhrif eru að gera góða hluti ;) Það er nú búið að hóta manni verra veðri næstu daga en ég segi að þetta sé bara eitthvað tímabundið – svona rétt til að bændurnir fái smá rigningu. Ég ætla að panta svona gott veður út sumarið (og jafnvel eitthvað lengur).

Sumar (og sérstaklega þegar það er svona gott veður) þýðir náttúrulega eitt: Grill. Maður er búinn að grilla nokkrum sinnum nú þegar og enginn ástæða til að hætta núna – alltaf til að í að grilla með einhverju góðu crew-i.

Fór á tónleika með The Rapture í síðustu viku – mjög góðir tónleikar. Motion Boys hituðu upp með nokkrum hressum lögum áður en The Rapture stigu á stokk. The Rapture eru hressir New York gaurar sem spila skemmtilega tónlist sem mætti kannski kalla “fast-tempo rock”, “e-pillu rokk” eða bara “partý rokk” og náðu þeir að halda uppi nokkuð góðri stemmningu. Gaman að heyra í þeim aftur, þetta er svona hljómsveit sem er eiginlega skemmtilegra að hlusta á/sjá á tónleikum heldur en bara að hlusta á af plötu – maður man ennþá hvað þeir komu skemmtilega á óvart á Airwaves 2002.

Ég held að það sé næsta víst að Vegamót sé langbesti staðurinn – enginn annar sem er nærri því jafn góður. ’nuff said.

Já, Die Hard 4.0.3 beta segiru… Alveg að fíla hana, olli sko ekki vonbrigðum – John McClane er ennþá badass. Fínasta action-mynd og klassískur sumarsmellur. The Lookout er líka nokkuð góð mynd, kannski svolítið róleg á köflum en fín spennumynd.

Nákvæmlega! – ég hef lengi verið að velta fyrir mér af hverju það er ekki til eitthvað svona. Það væri t.d. hægt að setja upp svæði þar sem fólk gæti eyðilagt bíla sem á hvort eð er að kremja í kassa. Þá þyrftu sumir kannski ekki að fríka út á nýja og fína bíl í Hafnarfirði.

Samkvæmt mínum heimildum varð bloggið 1 árs í vikunni – ég trúi því ekki að það sé enginn búinn að gefa mér gjafir. Jæja, þá fáið þið enga köku. Það er möguleiki að ég geri eitthvað sérstakt til að fagna þessum áfanga – flikka eitthvað upp á lúkkið eða henda inn smá dóti sem ég er víst búinn að lofa í langan tíma.

Ég var að frétta að ónefndur einstaklingur hefur átt erfitt með að commenta – hafa fleiri lent í því? Ef svo er, endilega commentið ;) Aglavegna – reynið að ná sambandi við mig gegnum aðrar leiðir. Ég veit ekki til þess að það ætti að vera eitthvað að valda vandræðum…

Já, eitt í viðbót – ég er víst búinn að færa mig yfir til Símans. En ég held vissulega númerinu mínu. Kannski vert að láta fólk vita af því svo það fái ekki áfall þegar það fær himinháan reikning eftir að hafa talað við mig í fleiri klukkustundir samfleytt (á meðan það hélt að það væri að borga geðveikt ódýran Vodafone í Vodafone taxta).

Ya lookin’ good in that Gucci bikini

Síðast uppfært 31. December, 2012

Loft tónleikar

21. June, 2007 4 Comments

AIR by Hrefna S.

Já, já, dúndur tónleikar. Eins og kom fram þá er Air ein af mínum uppáhaldshljómsveitum – virkilega sáttur með að þeir hafi komið hingað. Bjóst eiginlega við að ég myndi þurfa að fara á tónleika erlendis til að sjá þá.

Það var einhver norsk grúppa sem hitaði upp með söngkonunni Kate Havnevik í fararbroddi – ágætlega gaman af þeim, voru með nokkur hress lög. Kate var reyndar með svolítið “Bjarkar” takta, veit ekki alveg hvort það var eitthvað að hjálpa þeim.

Þar sem Air semur svona stúdíó-tónlist þar sem er verið að mixa saman ýmsum mismunandi hljóðum þá var það nokkuð áhugavert að sjá hvernig þeir fluttu þetta Live. Lögin voru mörg nokkuð frábrugðin því sem maður er vanur að heyra – en kom skemmtilega út, þeir voru oft með alls konar útidúra sem voru alveg að virka.

Þeir voru með fínt setup – Nicolas var örugglega með 7 mismunandi gítara sem hann var alltaf að skipta á milli og Jean-Benoît var með fullt af hljómborðum, synthesizers og ég veit ekki hvað og hvað í kringum sig. Þeir voru síðan með 3 aðra hljóðfæraleikara með sér. Það voru ljósa róbottar út um allt sem sköpuðu góða stemmningu. Síðan var ég alveg að fíla stjörnurnar í bakgrunninum – það var búið að þekja allt bakvið hljóðfærin með teppi eða einhverju með litlum perum á sem voru oft í takt við tónlistana.

Veit ekki hvort það sé eitthvað Frakka dæmi en þeir voru gífurlega hógværir. Síðan létu þeir klappa sig upp tvisvar sem var alveg að vekja góða lukku. Síðasta lagið var örugglega kringum 7 mínútur þar sem þeir voru bókstaflega að spila af fingrum fram (ég held að ein ástæðan fyrir því var að einn synthesizer-inn var eitthvað að klikka og þeir voru bara eitthvað að leika sér á meðan það var verið að laga hann).

Þetta var náttúrulega hluti af Pocket Symphony túrnum þannig að þeir voru aðallega að taka lög af þeirri plötu en skelltu inn á milli vinsælum slögurum af hinum plötunum þeirra. Þannig að maður fékk að heyra lög eins og Cherry Blossom Girl, Don’t Be Light, Talisman, Sexy Boy, Kelly Watch the Stars, Surfing On A Rocket og önnur lög sem ég man ekki alveg í augnablikinu.

Hérna eru 2 hress tóndæmi af plötunum “10 000 Hz Legend” og “Talkie Walkie”:

Don’t Be Light
Alpha Beta Gaga

Önnur mynd frá tónleikunum:

YA 7902 by Eythor.

I was born with the voice of a riot

Þetta er kolefnisjafnað blogg

14. June, 2007

Það er allt að verða vitlaust. Fólk er alveg fáránlega grænt og ógeðslega mikið að hugsa um náttúruna og kolefnisjafna allt og alla. Maður getur örugglega kolefnisjafnað ömmu sína ef maður hefur áhuga á því… En þetta er allt gott og blessað, það þarfa að passa upp á þessa blessuðu plánetu ef við viljum lifa hérna eitthvað örlítið lengur. Ég vil nú ekki vera minni maður og vil stoltur tilkynna að þetta blogg er sko þokkalega grænt:

(Það er hægt að smella til að staðfesta það sko.)

En er fólk að kaupa þetta Kolviðar dæmi? Þetta er nú ekki góðgerðarstofnun – hvað ætli fari mikill hluti í að virkilega planta trjám? Þessar auglýsingar eru nú ekki ókeypis og starfsmennirnir þurfa að fá sín laun (þeir eru samt líklega ekki mjög margir). En þetta er sniðugt, voða trendy – það er til alveg slatti af svona batterýum erlendis. Íslendingar þurfa nú líka að vera með í að bjarga þessari plánetu frá glötun. Ætli við séum ekki nú þegar að kolefnisjafna mest í heimi? (…miðað við höfðatölu)

They say jump, you say how high?

Síðast uppfært 19. December, 2009

Partý!

11. June, 2007 1 Comment

Já, já, dúndur partý. Góð stemmning… eins og einhver sagði: “…það var góðmennt”. Henti inn nokkrum myndum úr veislunni. Það var nóg af veitingum og fólk var alveg endalaust hresst:

2060

Reykingarbann, já… – í staðinn fyrir reykingarlykt þá fann maður bara í staðinn svitalykt og áfengislykt… spurning hvort það sé eitthvað skárra ;) En maður vaknaði alveg eiturhress þannig að það er kannski bara fínt að henda fólkinu út í rigninguna :)

You better look at me straight up and down. Six o’clock bitch, check it out now.

Síðast uppfært 16. June, 2009