Ferðalög

Rólex peoples…

26. August, 2006 5 Comments

Já, já, það kemur bráðum blöög um flakkið á manni. Ég ætlaði bara að skrifa eitthvað þegar ég væri kominn með myndir á netið… og ég er annþá að leita að einhverri góðri lausn. Það var mælt með þessu: Gallery – ætli maður skelli sér ekki bara á það, betra en ekkert. Maður getur bara prófað eitthvað annað betra seinna.

Annars er stutt útfærsla á ferðinni á hüt – líka nokkrar flottar myndir þar.

En svo dyggir lesendur missi sig ekki alveg þá skellti ég inn nokkrum myndum: ooooh, pretty…, kallarnir í Poreć og Piccadilly Circus.

Restin af myndunum kemur síðan… einhvern tíman.

Half a mill’ for bail cause I’m African…

Mér finnst rigningin góđ…

11. August, 2006 3 Comments

Jamm, mađur er ađ hanga á netkaffi hérna í Poreć af thví ađ thađ er rigning úti… Ekki alveg nógu sáttur viđ ađ vera kominn á thennan stađ sem á ađ vera svona sólstrandarstađur og síđan er bara einhver rigning. En mađur reynir ađ gera thađ besta úr thessu…

Thad var hins vegar dúndur veđur í gaer og mađur var náttúrulega ađ tan-a sig í drasl. Viđ thurftum reyndar ađ taka bát í bođi hótelsins út í eyju hérna rétt hjá thar sem mađur gat sólađ sig í klessu.

Kíktum á International Club í gaer sem á víst ađ vera vinsaelasti klúbburinn hérna. Ágaet stemmning thar en thad er pottthétt mun betri stemmning thegar klúbburinn er pakkađur – thetta var mjög stór stađur, getur örugglega tekiđ 1000-2000 manns auđveldlega. Var hinsvegar ekki sáttur viđ verđiđ á áfengi tharna – vorum ađ borga 30 kuna fyrir 0,25cl Tuborg sem er svona 360 íslenskar. Mađur er allaveganna vanur ađ borga mun minna hérna ;)

Síđan get ég vonandi skellt inn myndum hingađ úr ferđinni sem fyrst… Tharf bara ad finna eitthvađ gott system til ađ halda um myndirnar – getur fólk maelt med einhverju sérstöku kerfi?

Thetta er bloggađ á iMac – ekki alveg viss um ađ ég sé ađ fíla makkann… Tekur líklega smá tíma ađ venjast thessu. Ég meina, hvar er haegri músartakkinn ;)

Jetzt gleich…

Ostakaka í morgunmat…

3. August, 2006 1 Comment

Stundum vaknar maður aðeins of seint og hefur ekki alveg tíma fyrir allt vakna-ferlið. Þannig að maður þarf að sleppa einhverju eða láta það taka rosalega stuttan tíma… Ég nennti ekki að fara í vinnuna með alveg tóman maga þannig að ég leit í ískápinn og þar var þessi fína ostakaka. Tók mér væna skeið af vanillu og súkkulaði ostaköku og skolaði því niður með Sprite Zero. Umm… hollur og næringaríkur morgunmatur – þetta er nú einu sinni mikilvægasta máltíðin.

Í fréttum er þetta helst… ég er að fara í ferðalag til Slóveníu og Króatíu – og ég flýg til London eftir rúmlega 31 tíma. Frá London fljúgum við til Slóveníu þar sem við ætlum að lifa eins og kóngar í Ljubljana. Síðan er förinni haldið til strandarbæjar í Króatíu þar sem við ætlum að flatmaga í nokkra daga. Maður endar þetta síðan með verslunaræði í London.

Möguleiki að maður bloggi eitthvað á meðan maður er úti.

Let me get some action from the back section

Hvað meinaru með official station?

15. July, 2006

Já, fólk er kannski að velta fyrir sér af hverju ég valdi nafnið OfficialStation.com. Svarið er í raun einfalt – ~~LélegurBrandari.com~~ var ekki laust… OK, jú það hefur líka smá með InterRail að gera og eitthvað sem maður lenti í í Rúmeníu…

Ég fór s.s. í InterRail ferð með Bjössa í 5 vikur sumarið 2004. Við tékkuðum meðal annars á Austur-Evrópu og fórum frá Búlgaríu til Rúmeníu.

Þegar lestin okkar kom til Bucharest hoppaði maður út, en var var um sig – maður hafði nú verið varaður við að meðal mánaðarlaun þarna eru nú ekki mjög há og fólk gæti verið ansi desperate. Það komu strax til okkar einhverjir gaurar og buðust til að bera töskurnar okkar. Ég afþakkaði það, ég er nú hraustur ungur maður og get alveg borið bakpokann minn sjálfur. Bjössi lét nú gabbast og endaði með að þurfa henda í þá einhverjum Evrum til að losna við þá. Jamm, það virðist vera svolítið um að maður þurfi að borga fólki til að losna við það þarna…

Næst á dagskrá var að redda sér miða til Budapest. Við fórum að miðasölunni og vorum eitthvað að leita að réttum bás til að kaupa miðana til Ungverjalands. Þá kom lítill og þybbinn maður til okkar sem vildi endilega hjálpa okkur með að kaupa miða. Hann sagði að til að kaupa miða til Ungverjalands þyrftum við að fara í aðra byggingu niðri í bæ. Hann sagði:

No problem, I am official station…

..og sýndi okkur einhver skilríki. Hann var náttúrulega með einhverja félaga sem áttu leigubíl sem átti að taka okkur að þessari byggingu. Maður var nú ekki alveg að treysta þessum gaur 100% en við hefðum bara buffað hann ef þetta færi út í eitthvað rugl.

Ég geri fastlega ráð fyrir að þeir hafi sett “túrista taxta” á þennan leigubíl – hann kostaði 650.000 og við vorum ekkert að fara neitt fáránlega langt. En við komumst loksins að þessari byggingu. Gaurinn var náttúrulega alltaf að fylgja okkur og sýndi okkur nákvæmlega hvar við gætum keypt miðana – hann talaði líka eitthvað við miðasölu-konuna og sagði hvert við ætluðum.

Glæsilegt, komnir með miðana… Við þökkuðum manninum fyrir hjálpina en þá vildi hann endilega eyða meira tíma með okkur – fara í sightseeing og eitthvað. En við vorum ekki alveg að nenna því. Þá fór hann eitthvað að tjá sig:

I am station. I am not taxi. I am official station…

..hann var svona örlítið pirraður en við vorum nú ekki alveg að skilja hann fyrst. En síðan fattaði ég að við þyrftum að borga fyrir leigubílnum hans aftur á lestarstöðina. Allt í lagi… fyrst vildi hann fá 600.000 en síðan er náttúrulega hættulegt að geyma alla peningana sína á sama stað – hann sá hvað við vorum vel múraðir og vildi fá 400.000 frá hvorum en síðan endaði þetta með að við borguðum honum samanlagt 1.100.000.

Jamm, hann fékk s.s. rausnarlegt “þjórfé” fyrir þessa hjálp. Síðan labbaði hann léttur á fæti í burtu með milljónina okkar – það voru sko jól hjá honum og fjölskyldu hans. Það má kannski nefna að 100.000 lei (gjaldeyrinn í Rúmeníu) var ca. 217 íslenskar krónur ;) Þannig að við vorum nú ekkert gífurlega ósáttir með þetta – við vorum komnir með miðana okkar svo við kæmumst á næsta áfangastað.

En það eru örugglega margir þarna sem eru mjög góðir í að “löglega” ræna túrista. Þessi rúmlega 2000 kall var nú ekkert fáránlega mikið fyrir okkur – en gaurinn hefur örugglega verið mjög ánægður með þennan auka bónus. Ég held ég hafi heyrt að meðal mánaðarlaun þarna hafi verið ca. €60

Já, þar hafið þið það… mér fannst þessi setning “I am official station” bara svo skemmtileg að ég ákvað að nota hana.

En er ekki alveg óþarfi að vera blogga mörgum sinnum í viku? Vill fólk fá meira blogg? – það yrði náttúrulega bara um allt og ekkert…

Síðan er ég búinn að bæta við töff myndum.

That’s a shrimp ass.

Gleðilegt ár

7. January, 2006 Leave a Comment

Ákvað að skella report um London ferðina á hüt þar sem maður getur sett inn fallegar myndir í færslurnar þar. Færslan er hérna en það er skemmtilegra að lesa hana með því að fara bara á http://hotmotherfuckers.lazycomet.com/ (kemur betur út þar).

Það er alltaf gaman að fylgjast með hvaða myndir eru á leiðinni. Rakst á eina með alveg snilldar titli: Snakes on a Plane. Með svona titil þá getur ekkert klikkað, ekki verra að vera með Samuel L. Jackson í aðalhlutverki. Það er meira að segja kominn útvarps trailer (ok, kannski ekki official trailer en whatever…): MP3.

Gleðilegt nýtt ár lesendur góðir.

random quote | Are you happy now? Is your British ass happy now?!

Gull, reykelsi og myrra

5. December, 2005 Leave a Comment

Það var víst ekki alveg eins mikið hangs og ég hafði gert ráð fyrir eftir síðasta prófið. Ég slappaði náttúrulega vel af en það vildi svo til að það vantað einhvern í afleysingar við útkeyrslu þannig að ég hljóp í skarðið.

En það er ekki svo slæmt að vinna stöku sinnum – maður fær náttúrulega smá auka pening – en síðan er maður líka að hlusta á útvarpið sem maður hefði líklega ekki gert hefði maður ekki verið að keyra út vörur. Það vildi svo skemmtilega til að þegar ég var að afhenda klósettupphækkun eða eitthvað á Melhaga var ég að browse-a á milli útvarpsstöðvanna og leita að einhverju skemmtilegu… Ég lenti á KissFM þar sem þeir voru með einhvern jólaleik.

Þar sem leikir ýmiskonar vekja yfirleitt áhuga minn ákvað ég að staldra við og tékka aðeins á þessu. Var nú samt ekki alveg að nenna að hringja inn þar sem maður þarf nú oft að hringja inn svona 10 mínútum fyrir til að ná inn. Doddi tók inn hlustanda og lagði fyrir hann spurningu: “Vitringarnir sem heimsóttu jesúbarnið, hvað voru þeir margir og hvaða gjafir komu þeir með?”. Gaurinn svaraði: “Þeir voru 12… nei, uh, 3 og þeir komu með myrru… og, uh…”. Þá var Doddi ekki að nenna þessu: “5, 4, 3, 2, 1… sorry, við þurfum að taka inn annan hlustanda.”. Þá brást ég hinn snarasti við og hringdi inn – og viti menn, ég náði strax inn. Þar sem ég stundaði nú sunnudagsskólann af kappi á sínum tíma var ég náttúrulega með þetta allt á hreinu. Vitringarnir voru 3 og þeir komu með gull, reykelsi og myrru.

Bingó! Jackpot! Í vinning fyrir þetta mikla afrek mitt að hafa svona lágmarksþekkingu á þessu jóladóti þá fékk ég flugmiða fyrir 2, til og frá London/Köben einhvern tíman kringum jólin! ..and I quote: “Ég er ekki búinn að fara í ruglferð til útlanda í alltof langan tíma og þarf að gera eitthvað í því – jafnvel næsta vor/sumar eða bara um jólin…”. Viti menn, það rættist bara úr því :)

Þannig að ég mun að öllum líkindum vera í London með ónefndum lögfræðinema dagana 17.-21. desember. Garanteraðir punktar: túrismi, Ministry of Sound klúbburinn, almennt kaupæði (eða svona eins og fátækir námsmenn geta leyft sér) og góð jólastemmning í London.

En að öðrum hlutum… Námskeiðið í tölvusjón heldur áfram, nokkur skemmtileg atriði sem er fjallað um eru meðal annars eftirlitskerfi sem geta greint einstakar persónur og elt þær eins og í Las Vegas – og svona ryksugu-róbot eins og í Arrested Development.

OK, ég vil ekki hjóma eins og gamall kall en hvert er heimurinn að fara þegar unglingar hrækja í strætó?! Var á leiðinni upp í skóla þegar það komu nokkrir krakkar í strætóinn á Bústaðaveginum – “punks” væri líklega ágætt orð til að lýsa þeim (samt ekki pönkarar sko). Síðan þegar ein stelpan gekk aftur í strætóinn hrækti hún beint á gólfið eins og ekkert væri sjálfsagðara! ..og þetta var ekkert lítil slumma. Ég veit ekki… ég var alla veganna orðlaus – ég meina, hvað er málið?!

En svona á léttari nótunum, þá er þetta BARA fyndið: Q-Unit – Greatest Hits

random quote | They wouldn’t evict you at Christmas. You’d be ho-ho-homeless.