jól

Kúl jólalög – rokk og grín

18. December, 2008 2 Comments

Tæplega vika í jólin… Er ekki málið að pumpa upp jólastemmninguna með smá jólatónlist? Þessi klassísku jólalög eru að óma í útvörpum og þau endast misvel. Sum finnst mér vera orðin frekar þreytt og síðan eru nokkur sem ég get bara ekki hlustað á (að vinna í Hagkaup um jólin þar sem sami diskurinn var spilaður á repeat í marga daga getur látið mann hata viss lög).

Hérna eru nokkur lög sem eru kannski ekki alveg hin hefðbundu jólalög en ættu að hjálpa manni að komast í jólaskapið.

Smá jákvæður jólaandi:
Blink 182 – It’s Christmas Time Again

Klassískt jóla rokklag:
Smashing Pumpkins – Christmastime

Tvíhöfði er alltaf hress á því – með góðan jólaboðskap:
Tvíhöfði – Jólalag

Svipað þema í þessu jólalagi hjá kanadíska snillingnum Jon Lajoie:
Jon Lajoie – Cold Blooded Christmas

Hann er meira að segja líka með alveg gífurlega skemmtilegt video:

Höldum áfram í húmor jólalögum:
Eric Cartman (South Park) – O Holy Night

Gífurlega hresst jólalag:
Botnleðja – Ave Maria

Þetta er líka nokkuð gott íslenskt rokkjólalag:
Dikta – Nóttin var sú ágæt ein

Síðan má ekki gleyma laginu sem mér finnst eiginlega eitt aðal jólalagið – kannski er það út af nostalgíu þar sem tónlistarmyndbandið var alltaf spilað reglulega í sjónvarpinu þegar maður var ungur á meðan maður beið óþreyjufullur á aðfangadag eftir að maturinn byrjaði:
Stefán Hilmarsson og Sniglabandið – Jólahjól
Veit ekki alveg hvort Stebbi Hilmars sé fáránlega stoltur af þessu lagi – hann vildi alla vega ekki spila það á árshátíðinni í fyrra þegar hann og Sniglabandið voru að spila. OK, það var október, en samt…

Er ég að gleyma einhverju góðu jólalagi? Hvað er þitt uppáhalds jólalag?

Hvernig er fólk að fíla þennan bláa play-takka sem er alltaf hjá MP3 lögum? Er fólk að nota hann til að spila lögin án þess að þurfa að vista þau fyrst á tölvunni sinni? Ætti ég að finna einhvern betri spilara til að spila tónlist beint á blogginu?

Viðbót: Ég var að rekast á þetta lag; Maus og Svala Björgvins – Ég hlakka svo til

Nokkuð gott :)

‘Cause if you litter, I’ll get all up in your grill like George Foreman. Thank you.

Gleðilega hátíð

31. December, 2007 3 Comments

Christmas lights

Ætlaði nú að vera löngu búinn að henda inn kveðju hingað, en whatever…: Gleðilega hátíð! Maður er bara búinn að vera svo upptekinn við að troða í sig kalkúni, riz a la mandé og öðru gúmmilaði, spila Cluedo, horfa á bíómyndir og síðan var ég nett veikur (örugglega eftir allt þetta át).

En já, sei, sei… það voru bara hvít jól eftir allt saman – alltaf jólalegra þegar jörðin er þakin snjó. [insert obligatory white christmas photo]:

white christmas

Síðan komu bara þrumur og eldingar þegar maður var nýbyrjaður að borða jólamatinn – frekar magnað.

Ég er líka búinn að vera leika mér svolítið með nýja leikfangið mitt:

Ég stefni á að taka mun fleiri myndir árið 2008 heldur en ég gerði í ár. Aldrei að vita nema ég fjárfesti í fleiri linsum og öðrum myndavélagræjum.

Hérna eru nokkrar jólamyndir í viðbót:

christmas tree

christmas ornaments

Hvað segiði, er þetta flickr material? Ætti ég að setja eitthvað af þessum myndum á flickr?

Jæja, sjáumst á nýju ári og passið ykkur að fjúka ekki í burtu ;)

I’m smiling because I have no idea what’s going on

Orðinn alvöru listamaður

29. November, 2007 9 Comments

Nú verður Hlynur alveg brjálaður – neyðir mig örugglega til að segja upp… En já, það virðist sem maður sé orðinn alvöru “listamaður” ;) Fyrsta ljósmyndasýningin sem ég tek þátt í byrjar núna næsta laugardag (1. desember). Ljósmyndasafn Reykjavíkur er með sýningu 1. desember 2007 – 17. febrúar 2008 tileinkuð ljósmyndum af Flickr. Ég las um þetta project í einhverju blaði í haust (eða kannski rakst ég á þetta á flickr eða annarri síðu, man það ekki) og ég sendi inn nokkrar myndir. Hluti af þessum myndum voru samþykktar en eftir að það var búið að skera smá niður voru 3 myndir eftir. Það er búið að prenta út 220 myndir eftir 94 ljósmyndara en síðan verður þeim myndum sem komust í forvalið (500 stykki) varpað á vegg úr myndvarpa.

Þessar tvær myndir verða útprentaðar á sýningunni:

« Tók þessa í Apple búðinni á 5th Avenue í New York. Kom skemmtilega út að hafa tröppurnar svona glærar. Ef ég man rétt þá tók ég mynd af þessum tröppum af því að pabbi var að taka mynd af þeim ;)

« Þessi mynd var tekin aðfangadagskvöld 2005 – amma heitin og systir mín að “módelast” – alveg ekta jólamynd. Þetta var eiginlega svolítið heppni… ég var bara að leika mér eitthvað, ætlaði að sjá hvernig jólatréð kæmi út ef ég myndi slökkva á flassinu. Það að slökkva á flassinu þýddi að ljósopið var opið í heila sekúndu og alveg magnað hvað myndin er skörp þrátt fyrir það. Líka heppilegt að systir mín hafi verið með þessa jólasveinahúfu – gerir þetta enn jólalegra :)

Ef ég skildi þetta rétt þá verður þessum tveim myndum líka varpað á vegginn, ásamt þessari:

« Frekar töff mynd af Times Square. Öll þessi ljós koma skemmtilega út í þessu svartamyrkri. Þarna vorum við “fastir” í traffík en síðan tók ég aðra þar sem við vorum á hreyfingu sem mér finnst líka frekar flott. Eiginlega svipað og með Apple myndina þá fór ég að taka myndir út um gluggann á leigubílnum af því að pabbi var að gera það :)

Já, Flickr er alveg magnað fyrirbæri – vegna þess að ég ákvað að setja ákveðna mynd á Flickr þá er háskóli í New York að nota myndina í bæklingi hjá þeim – ..og núna eru barasta ljósmyndir eftir mig hluti af ljósmyndasýningu á safni. Ekki svo vitlaust að setja upp flickr síðu ef þú hefur áhuga á að koma ljósmyndunum þínum á framfæri.

Sýningin heitir flickr-flakk og heljarstökk (eða “flickr era – digital horizons” á enska mátann). Opnun er núna á laugardaginn 1. desember kl. 16 í Grófarhúsi, Tryggvagötu 15, 6. hæð (sama hús og Borgarbókasafnið). Aðgangur er ókeypis þannig að allir eru velkomnir — og það verða “léttar veitingar” í boði – veit ekki nákvæmlega hvað það er – en ég les bara eitt úr því: Free booze! ;) (ábyrgist samt ekkert)

Þeir sem komast ekki laugardaginn en vilja samt tékka á þessu hafa nægan tíma, eins og ég sagði verður þessi sýning í gangi til 17. febrúar 2008. Samkvæmt heimasíðunni þeirra þá er opnunartími sýninga 12-19 virka daga og 13-17 um helgar.

Hérna eru síðan nokkrar myndir sem ég hef sett nýlega á flickr:

« þessi mynd er alveg að eyðileggja symmetríið, var að spá í að sleppa henni bara… Þetta var svo flott síðast.

She looks like a model. Except she’s got a little more ass.

Gull, reykelsi og myrra

5. December, 2005 Leave a Comment

Það var víst ekki alveg eins mikið hangs og ég hafði gert ráð fyrir eftir síðasta prófið. Ég slappaði náttúrulega vel af en það vildi svo til að það vantað einhvern í afleysingar við útkeyrslu þannig að ég hljóp í skarðið.

En það er ekki svo slæmt að vinna stöku sinnum – maður fær náttúrulega smá auka pening – en síðan er maður líka að hlusta á útvarpið sem maður hefði líklega ekki gert hefði maður ekki verið að keyra út vörur. Það vildi svo skemmtilega til að þegar ég var að afhenda klósettupphækkun eða eitthvað á Melhaga var ég að browse-a á milli útvarpsstöðvanna og leita að einhverju skemmtilegu… Ég lenti á KissFM þar sem þeir voru með einhvern jólaleik.

Þar sem leikir ýmiskonar vekja yfirleitt áhuga minn ákvað ég að staldra við og tékka aðeins á þessu. Var nú samt ekki alveg að nenna að hringja inn þar sem maður þarf nú oft að hringja inn svona 10 mínútum fyrir til að ná inn. Doddi tók inn hlustanda og lagði fyrir hann spurningu: “Vitringarnir sem heimsóttu jesúbarnið, hvað voru þeir margir og hvaða gjafir komu þeir með?”. Gaurinn svaraði: “Þeir voru 12… nei, uh, 3 og þeir komu með myrru… og, uh…”. Þá var Doddi ekki að nenna þessu: “5, 4, 3, 2, 1… sorry, við þurfum að taka inn annan hlustanda.”. Þá brást ég hinn snarasti við og hringdi inn – og viti menn, ég náði strax inn. Þar sem ég stundaði nú sunnudagsskólann af kappi á sínum tíma var ég náttúrulega með þetta allt á hreinu. Vitringarnir voru 3 og þeir komu með gull, reykelsi og myrru.

Bingó! Jackpot! Í vinning fyrir þetta mikla afrek mitt að hafa svona lágmarksþekkingu á þessu jóladóti þá fékk ég flugmiða fyrir 2, til og frá London/Köben einhvern tíman kringum jólin! ..and I quote: “Ég er ekki búinn að fara í ruglferð til útlanda í alltof langan tíma og þarf að gera eitthvað í því – jafnvel næsta vor/sumar eða bara um jólin…”. Viti menn, það rættist bara úr því :)

Þannig að ég mun að öllum líkindum vera í London með ónefndum lögfræðinema dagana 17.-21. desember. Garanteraðir punktar: túrismi, Ministry of Sound klúbburinn, almennt kaupæði (eða svona eins og fátækir námsmenn geta leyft sér) og góð jólastemmning í London.

En að öðrum hlutum… Námskeiðið í tölvusjón heldur áfram, nokkur skemmtileg atriði sem er fjallað um eru meðal annars eftirlitskerfi sem geta greint einstakar persónur og elt þær eins og í Las Vegas – og svona ryksugu-róbot eins og í Arrested Development.

OK, ég vil ekki hjóma eins og gamall kall en hvert er heimurinn að fara þegar unglingar hrækja í strætó?! Var á leiðinni upp í skóla þegar það komu nokkrir krakkar í strætóinn á Bústaðaveginum – “punks” væri líklega ágætt orð til að lýsa þeim (samt ekki pönkarar sko). Síðan þegar ein stelpan gekk aftur í strætóinn hrækti hún beint á gólfið eins og ekkert væri sjálfsagðara! ..og þetta var ekkert lítil slumma. Ég veit ekki… ég var alla veganna orðlaus – ég meina, hvað er málið?!

En svona á léttari nótunum, þá er þetta BARA fyndið: Q-Unit – Greatest Hits

random quote | They wouldn’t evict you at Christmas. You’d be ho-ho-homeless.

Kominn heim

21. December, 2003 Leave a Comment

Jæja, þá er maður loksins kominn heim til Íslands eftir 112 daga dvöl í Danaveldi. Þetta var mjög góð dvöl, ótrúleg lífreynsla, algjörlega frábærar 16 vikur (fyrir utan síðasta kvöldið). Maður lenti í gær eitthvað eftir 16 og fór strax í fríhöfnina að kaupa alskonar góðgæti, gaman það. Síðan fór maður heim þar sem fjölskyldan tók á móti manni með smá óvæntan glaðning: Þau voru gjörsamlega búin að breyta herberginu mínu! Þau nýttu s.s. tíman á meðan ég var í burtu til að t.d. setja falskt loft með halogen ljósum, rífa út hluta af veggnum og skella stórum glugga þar, mála herbergið hvítt (það var dökkgult og ljósgrátt – góð breyting) og endurskipuleggja herbergið smá. Þetta voru allt jákvæðar breytingar og er ég bara nokkuð sáttur – ég held að þetta sé smá trick hjá þeim til að halda mér heima örlítið lengur ;)

Við Bjössi skelltum okkur síðan um kvöldið á alvöru íslenskt djamm, gaman að prófa það aftur. Höfðum við heyrt að nokkrir fyrrverandi verzlingar væru að fagna próflokum/afmælum á Felix og skelltum við okkur þangað. Þetta reyndist verða nokkuð gott kvöld, góð stemmning og virkilega gaman að hitta gömlu skólafélagana aftur. Þótt við Bjössi værum komnir í íslensku stemmninguna þá héldum við okkur smá í danska stílin og sötruðum bara Tuborg – Bjössi greip mig meira að segja að biðja um Tuborg með dönskum hreim, verð að laga það ;) Eftir djammið var náttúrulega leiðinni haldið að Bæjarins Bestu sem mig er búið að dreyma um í tæplega 4 mánuði – klárlega bestu pylsurnar í heimi – alsæla : )

Gaman að vera kominn heim, nú er bara að komast í ekta íslenskt jólaskap.