bíll

Akureyri 2009 – á leiðinni heim til Reykjavíkur

7. May, 2009 Leave a Comment

Nokkrar myndir sem ég tók á stóru vélina á leiðinni heim til Reykjavíkur. Nokkrar í Akureyri rétt áður en við lögðum af stað. Síðan stoppuðum við stutt í Borgarnesi – ég steig út til að teygja mig og notaði tækifærið til að smella af nokkrum myndum.

Þá er þessu ferðalagi lokið – keyrði vel yfir 800 km á þessum stutta tíma. Cruise control er snilld :) Maður hafði nú ekki komið oft til Akureyrar en það er greinilega vel hægt að djamma þar til að breyta aðeins til.

Akureyri 2009 – keyra til Reykjavíkur

6. May, 2009 Leave a Comment

Daginn eftir GusGus tónleikana var það bara að tékka sig út. Fórum síðan í sundlaugina þar sem lékum okkur í rennibrautunum – klikkað fjör :) Eftir að hafa buslað í lauginni fengum við okkur að borða á Bautanum. Ég fékk mér BLT samloku og hún var ekki eins góð og ég bjóst við… Stoppuðum líka til að fá okkur Brynju-ís.

Síðan var það bara að keyra heim. Hlynur co-driver greip í myndavélina og smellti af nokkrum…

Akureyri 2009 – rölta og keyra um Akureyri

18. April, 2009 Leave a Comment

Áður en við fórum út að borða á Friðrik V þá röltum við smá um Akureyri. Eftir að hafa labbað í kuldanum fórum við á Café Amour og fengum okkur heitt kakó til að hlýja okkur aðeins…

Aðstoðamaðurinn minn, Hlynur, tók yfir myndavélina mína í smástund og graffaði helling á meðan ég var að keyra…

Akureyri 2009 – keyra til Akureyrar

16. April, 2009 Leave a Comment

Ég skellti mér til Akureyrar um páskana með Hlyni, Lauritz og Óla. Palli (okkar inside man á Akureyri) fékk líka að fljóta með. Aðal ástæðan fyrir þessu ferðalagi voru tónleikar GusGus í Sjallanum (af því að við erum svo miklar grúppíur).

Ég tók náttúrulega slatta af myndum og ég ætla að setja þær inn í nokkrum pörtum.

Hérna eru myndir úr fyrsta hluta ferðarinnar – keyrslan til Akureyrar. Maður á kannski ekki að vera taka myndir á meðan maður er að keyra en eitthvað verður maður að gera á svona ca. 5 tíma ferðalagi ;)

Bensínverð – Er þetta ekki komið gott?

23. March, 2008 13 Comments

Bensínverð - 147,9 kr.

Héldu þið að ég væri að grínast? En já, ég held að ég sé búinn að mótmælast nóg ;) Ég neyðist til að rjúfa þögnina til að mótmæla öðru, mikilvægara málefni: Bensínverðinu! Hvað er mufkn málið?!

Núna í byrjun vikunnar fór allt í bál og brand – krónan í frjálsu falli og það mætti halda að Kreppan Mikla 2 sé á leiðinni í bíóhús nálægt þér…

Það er rúmlega ár síðan ég keypti bílinn sem þýðir að ég er búinn að vera taka bensín reglulega í rúmlega ár. Til að reikna út hvað bíllinn var að eyða hélt ég smá bensínbókhald. Ég var að ná alveg úr 9,8 L per 100 km niður í 7,8 lítra núna síðast – meðaltal var kringum 8,8. En það sem var mest sjokkerandi var hækkun bensínverðs þessa ~13 mánuði. Svona lítur þetta út:

Bensínverð - tafla

Ég var reyndar meiri hlutann af þessu tímabili í einhverjum Atlantsolíu pakka með svona dælulykil þannig að ég fékk 2 kr. afslátt en 14.3.2008 var ég í Shell pakka þar sem afslátturinn kemur eftir á… þannig að ef við segjum að þetta hafi verið 110,40 kr. 28.2.2007 – síðan samkvæmt síðu Atlantsolíu þá kostar líter af bensíni 145,80 kr. Sem þýðir að á rúmlega ári er bensínverð búið að hækka um 35,40 kr. eða 32,1%! Er ekki hægt að segja það sé frekar freaking míkið? Mun bensínlíterinn kosta 192,55 kr. eftir ár?! Hvenær segir fólk bara stopp og hættir að keyra bíla? Þegar bensínið kostar 250 kr.?

Núna kostar það mig tæpar 400 kr. á dag bara að keyra í vinnuna. Ég er virkilega farinn að fylgjast með akstrinum og reyna að keyra sem sparneytast. Það væri ágætt ef maður gæti haldið meðaltalinu undir 8 lítrum á hundraðið.

Bjössi ráðlagði mér að keyra alltaf á 50 km/klst og ekki fara yfir 3000 snúninga. Ekki slæm ráð – er fólk með einhver fleiri góð ráð til að lifa af þessa kreppu? Maður þarf að læra á öll ljósin í borginni til að sleppa að þurfa að stoppa á rauðu ljósi – eða bara hakka sig inn í stjórnkerfið og búa til fjarstýringu til að setja alltaf grænt ljós þegar maður er að nálgast ;) En það lítur allt út fyrir að ég þurfi að hætta í spyrnukeppnum út á Granda, maður getur ekki endalaust verið að spreða bensíni í þetta – og ég sem var á góðu róli, kominn með pink slip fyrir alveg helling af imprezzum…

Ég held að málið sé að kaupa 20 tunnur af bensíni og geyma út í garði – ég meina, bensínverðið er ekkert að fara lækka… Hvernig gengur annars hjá okkur Íslendingum að finna olíu? Er það ekki alveg að fara koma?

Er metro-lestarkerfið síðan ekki alveg að verða tilbúið? Allar kúl borgir þurfa að hafa neðanjarðarlestarkerfi.

Hver er til í að reyna fá magnafslátt á rafmagnsbílum? Ég held að það verði pottþétt heitasta trendið eftir smá… Eða fá sér einhverja hybrid græju…

Já, gleðilega páska og ekki vera að keyra neitt að óþörfu ;)

Inflation is a bitch.

Prince Polo

17. February, 2007 7 Comments

Já, Einar er ekki einn um það að vera orðinn stoltur bíleigandi… Eftir alltof margar strætóferðir er maður loksins kominn á sinn eigin bíl. Ekkert meira að bíða í nístingskulda eftir strætó eða að öskra á eftir strætó af því að hann kom of snemma – og maður þarf ekki lengur að reiða sig á aðra til að skutla manni (alla veganna minna um það). Nýjir og betri tímar, já, já…

Þetta er græjan:

Sweet ride - Prince Polo

VW Polo (árg. 2002) og eins og þið sjáið er hann grænn. Síðan stendur 74,8 hö (veit ekkert hvað hö er…) og 1390 slagrými (huh? hvað á maður að vera að slá?). En þetta er náttúrulega flottasti bíllinn á götum borg óttans og mun valda öngþveitum þar sem fólk mun ekki geta tekið augun af honum.

Ég er náttúrulega búinn að skrá mig í Live2Cruize – öllum boðið á hafnar-planið næsta fimmtudag þar sem ég verð innvígður. Næst á dagskrá er síðan að fá sér almennilegt spoiler-kit og henda 27″ keilu í skottið.

Girl we off in this jeep, fogging windows up, blasting the radio, in the back of my truck…