via Instagram http://instagr.am/p/ICh3ozj1h3/
brunahani
Filmu fetish vol. 4 – Partý fjör
Nei sko, fleiri myndir úr afmælinu mínu. 2 frá Eyjum, nokkrar úr afmæli Bjössa og djammið á Kaffibarnum eftir það. Meira random… annað djamm á KB und zo weiter.
Venjulega læt ég framkalla filmurnar mínar hjá Pixlum, en núna prófaði ég Ljósmyndavörur. Er svona að vega og meta hvort sé betra. Pixlar eru með hi-res skanna (kostar aðeins auka) og ég held að myndirnar sem ég fæ á geisladisknum séu aðeins betri en þær sem ég fæ frá Ljósmyndavörum. Þessar eru svolítið kornóttar/grófar… En síðan gæti það líka verið út af því að þessi filma var í raun útrunnin, þannig að maður getur ekki búist við toppgæðum. Ætla að gefa Ljósmyndavörum annan séns.
Haust í Vesturbænum – Haustlitirnir mættir
Skellti mér út í smá ljósmyndunargöngutúr um helgina… taka myndir af haustlitunum sem eru að brjótast út.
[Read more…] about Haust í Vesturbænum – Haustlitirnir mættir
Reykjavik sunset – sólsetur 25. júní 2009
Var að koma úr ræktinni og sá að það var þetta svakalega sólsetur – eins og himinninn væri alelda.
Þannig að strax og ég kom heim greip ég myndavélina og skellti mér út að smella.
[Read more…] about Reykjavik sunset – sólsetur 25. júní 2009
fisheye fisheye fisheye lomo lomo lomo
Nýjasti fisheye lomo pakkinn…
Það voru nokkrar myndir í byrjun (sem ég tók áður en ég framkallaði síðustu lomo myndirnar) sem eru eiginlega ónýtar, nánast bara gráar og sást ekkert hvað var í gangi. En núna ætti ég að vera búinn að læra á þetta og get vonandi komið í veg fyrir skemmdar myndir í framtíðinni. Ég prófaði nú að taka eina mynd með þreföldu multiple exposure (MX) þar sem það var takmörkuð birta til að sjá hvort það gæti reddað því, en svo var ekki – var bara grá klessa :)
Ég var töluvert að leika mér með multiple exposure (mynd tekin ofan á mynd) á þessari filmu og það kemur oft frekar skemmtilega út.
Var líka smá að testa long exposure (Bulb stillingin og síðan bara halda inni takkanum) – kom misvel út. Þarf að muna að reyna hafa myndavélina helst stöðuga á einhverjum fleti.
Falinn fjársjóður – gróf upp gamla APS filmu
Fyrsta myndavélin sem ég eignaðist var APS myndavél – Kodak Advantix 3600ix – sem ég fékk í fermingargjöf. Þá var þessi APS tækni frekar ný og þetta þótti voða kúl. Ég tók nú töluvert af myndum á hana – samt aðallega þegar ég fór í ferðalög eða það var eitthvað sérstakt í gangi. En ég hætti eiginlega alveg að nota hana þegar ég fékk stafræna myndavél.
Þannig að þessi myndavél hefur eiginlega bara legið upp í hillu frekar lengi… Einhvern daginn var ég að tékka á henni og mig minnti að það væri filma í henni og búið að taka nokkrar myndir á hana – en hún var batteríslaus. Þannig að ég keypti batterí og fór smá saman að vinna í því að klára filmuna. Aðallega af því ég var forvitinn að sjá þessar gömlu myndir sem var búið að taka á filmuna – mundi ekkert hvenær ég notaði myndavélina síðast.
Ég var að klára filmuna í gær og skellti henni í framköllun í dag hjá Pixlum. Þá kom loksins í ljós að fyrstu myndirnar á þessari filmu tók ég á InterRail ferðalaginu 2004 – í Hollandi og Þýskalandi.
Filman er frekar gömul (örugglega keypt 2003, jafnvel lengra síðan) og það koma svolítið sérstakir effect-ar – litirnir svolítið bjagaðir og rauð slikja yfir þessu. En þetta er bara töff – eiginlega smá lomo lúkk á þessu ;)
[Read more…] about Falinn fjársjóður – gróf upp gamla APS filmu