Ljósmyndir, kvikmyndagagnrýni, ferðasögur, fréttir af Hannesi og annað skemmtilegt :)
Óli átti afmæli “um daginn” (nóvember á síðasta ári). Ég var beðinn um að ljósmynda partýið. Ég tók 761 mynd á stóru vélina – veit ekki hvort ég muni setja eitthvað af þeim myndum á netið, þeir helstu ættu að vera búnir að sjá myndirnar. Það er hægt að biðja mig um VIP passa og ég sé til hvað ég get gert.
Ég tók líka með Lomography vélina – alltaf gaman að lomo fisheye partýljósmyndum. Njótið:
[Read more…] about Afmæli Óla 2009 eins og fiskarnir sáu það
Já, það voru kannski frekar mörg lög á Hress 2008 listanum… Einhverjir voru að kvarta að það tæki endalaust langan tíma að fara í gegnum þetta allt. En ég mæli bara með að fólk skipti listanum (og Hress 2009 sem mun birtast vonandi snemma á næsta ári) í kannski 7-10 parta og hlusti á nokkur lög í einu með nokkra daga millibili. Upplagt t.d. þegar ég blogga ekkert í tæplega 2 mánuði ;) Þá getur fólk bara ímyndað sér að ég sé að pósta 5 lögum í hvert skipti á 3. daga fresti :D
Bjössi stakk upp á að setja saman 10 laga best of lista. Ekki galin hugmynd… Reyndar erfitt að velja 10 langbestu lögin úr þessum magnaða lista en þetta eru nokkur sem má alls ekki missa af:
Junkie XL – 1967 Poem (feat. Steve Aoki)
Justice – Phantom II (Boys Noize Unreleased Turbine)
The Bloody Beetroots – Rombo (feat. Congorock)
Soulwax – KracK (Live)
50 Cent – In Da Club (The Disco Villains Remix)
Foals – Electric Bloom (Blaze Tripp Remix)
John Legend – Green Light feat. André 3000 (MSTRKRFT Remix)
LCD Soundsystem – Get Innocuous (Soulwax Remix)
Benny Benassi – I Am Not Drunk (The Bloody Beetroots Remix)
MSTRKRFT – Bounce (The Bloody Beetroots remix)
Man… það er alltof mikið af góðum lögum á þessum lista :) Það er ekki hægt að velja bara 10 – farið bara í gegnum listann!
The Bloody Beetroots – Cornelius (Radio Oi!)
Tommy Sparks – I’m A Rope (Yuksek Remix)
EyeSight – Lightmare
Notorious B.I.G. – Party and Bullshit (Ratatat remix)
Maskinen – Alla Som Inte Dansar
Thunderheist – Jerk It
Síðasti myndapakkinn frá Iceland Airwaves 2009… Frekar skrítið að hafa GusGus tónleikana á sunnudegi – svolítið öðruvísi stemning. Fólk var ekki útúrölvað og tryllt á dansgólfinu en mér fannst samt góð stemning, var alveg að fíla mig. Þeir voru náttúrulega klappaðir upp eins og stórhljómsveitum sæmir og tóku mjög gott encore session.
Þeir tóku aðallega 24/7 slagarana en hentu líka með Ladyshave mixi og Moss – nokkuð svipað og tónleikarnir á Akureyri (skiljanlega þar sem þetta var eiginlega partur af sama 24/7 túrnum).
[Read more…] about Iceland Airwaves 2009 – Day 5 – part 2 – GusGus
Bíddu var Iceland Airwaves 2009 ekki 5 dagar? Jú, það er víst… Ég tók líka myndir síðasta daginn þannig að það er um að gera að skella þeim myndum inn þó fyrr hefði verið ;)
Þegar ég mætti var DJ Margeir að mixa saman með 5 strengjahljóðfæraleikurum – saman voru þau DJ Margeir & Sinfó. Þetta kom virkilega vel út. Mjög áhugaverð og skemmtileg blanda – var alveg að virka. Krafturinn/hressleikinn stigmagnaðist og endaði í trylltu stuði – þetta var algjört eyrnakonfekt. Maður var nú í klassísku píanónámi í alltof langan tíma þannig að maður hefur alltaf kunnað að meta klassíska tónlist og maður er mikill elektró/dans-haus þannig að þetta var fullkomin blanda.
Næstur var Oculus – fínasta teknó í gangi, nokkuð smooth, gott mix. Svo komu hinir þýsku Wareika – byrjuðu nokkuð vel, fínasti bassi og smooth tónar, en síðan var það eitthvað… kannski of einhæft. Alls ekki slæmt, en engin snilld.
Maður beið spenntur eftir aðalatriði kvöldsins, GusGus að ljúka Komm tanz mit mir túrnum sínum og ljúka Iceland Airwaves 2009 í leiðinni.
[Read more…] about Iceland Airwaves 2009 – Day 5 – part 1 – Rafmagnað partý
Jæja… höldum áfram sögunni. FM Belfast byrjaði strax á eftir Retro Stefson – þeir lóðsuðu fartölvunni inn á svið á meðan Retro Stefson voru ennþá að spila. Það var eiginlega engin pása á milli – þetta flæddi bara saman, kom mjög vel út… góð leið til að halda áfram stuðinu sem var búið að koma upp, fólk hafði ekki tíma til að kólna. Næst tók við ein svakalegasta dans- og stuðveisla sem maður hefur lent í. Þau komu upp klikkaðari stemningu, fólk var hoppandi um eins og enginn var morgundagurinn – maður svitnaði svo mikið, þetta var eins og eftir tvöfaldan spinningtíma. Þau fengu ýmsa aðila upp á svið til að hjálpa sér og bara til að halda uppi stemningunni. Krakkarnir í Retro Stefson voru t.d. þarna í fullu fjöri – einn var kominn í bjarnarbúninginn og crowd surf-aði nokkrum sinnum. Ótrúlega mikið fjör þarna, virkilega góðir tónleikar.
Næstur var Trentemøller sem hélt uppi klikkaðari klúbbastemningu – ljúfir tónar og dúndrandi beats. Svo tók viðstöðulaust við Kasper Bjørke og Jack Schidt / DJ Margeir / Gluteus Maximus og héldu áfram góðri partýstemningu… þeir lentu reyndar í smá vandræðum með hljóðkerfið/rafmagnið, slökknaði á því þegar þeir voru að maxa þetta aðeins of mikið.
Þetta var gott partýkvöld, eins og laugardagskvöldin á Airwaves eru yfirleitt. Gott fjör, góð stemning.
Já, frekar týpískt… ef ég set ekki myndirnar inn strax þá dettur procrastination í fullt swing. En hérna er restin af myndunum frá næstsíðasta kvöldi Airwaves 2009:
[Read more…] about Iceland Airwaves 2009 – Day 4 – part 2 – party pics
Gleðin heldur áfram! Við byrjuðum á Batteríinu þar sem við ætluðum að sjá XXX Rottweiler. Mættir tímanlega og Ghostigital var ennþá að spila. Já, þetta er frekar skrítin tónlist, 100% surg, en samt ekki alveg svona surg sem maður fílar í tætlur – þótt það sé ágætur bassi í gangi á köflum. Nett geðveiki. Svo byrjaði atriðið sem maður kom til að sjá, Rottweiler hundarnir sem héldu uppi mjög góðri stemningu. Þeir tóku helstu slagarana og fólkið trylltist.
Næst var skundað yfir á NASA. Reyndar, þegar við komum út úr Batteríinu sáum við að Dr. Spock voru búnir að leggja trukki á Tryggvagötunni og voru með útitónleika þarna – þeir voru meira að segja með eldspúara (is that even a word?). Skemmtilegt uppátæki hjá þeim – það var fullt af fólki búið að safnast í kringum trukkinn þeirra. Á NASA var Jessica 6 næst á dagskrá, eða meira svona Jessica Sex… Outfit í anda Lady GaGa. Seiðandi tónar… ágætt stöff.
Svo var það Retro Stefson – reyndar búinn að sjá þau fyrr á Airwaves en þetta var aðeins öðruvísi, mun stærri staður, mun fleiri áhorfendur, meiri partýstemning. Hressir og krúttlegir krakkar. Héldu uppi mjög góðri stemningu – crowd surf og almennur hressleiki. Partýið hélt bara beint áfram þegar…
Framhald í næsta þætti!
En hér koma síðan myndir: