I am official station

hüt jólaglögg 2008 – einnota mofos

8. January, 2009 1 Comment

hüt menn héldu sitt árlega jólaglögg á b-street. Gott partý. Skruppum út í smá leiðangur í 10-11 til að ná í rjóma fyrir hvítan rússa.

Þessa einnota myndavél fékk ég í New York. Við fórum í sightseeing bus og það var auglýsing á miðanum frá B&H Photo um að maður fengi einhverja tösku ef maður keypti eitthvað hjá þeim. Það var m.a.s. svipað plögg á Empire State miðanum. Ég ætlaði hvort eð er að kaupa einhverjar myndavélagræjur hjá B&H Photo þannig að ég ákvað að nýta mér þetta gífurlega góða tilboð. En þegar ég kom voru töskurnar víst búnar og ég fékk þessa líka fínu einnota myndavél í staðinn.

Það er aðeins öðruvísi litur á myndunum úr þessari vélur heldur en í Barcelona vélinni – ekki jafn sterkur. Svolítið eins og þetta séu eldgamlar myndir. Síðan er líka meira noise – líklega hærra ISO á filmunni.

Mér sýnist nokkrar myndir hafa glatast – skemmst algjörlega. En það er áhættan við að nota einnota myndavélar. Maður getur ekkert séð hvernig myndirnar koma út fyrr en maður framkallar þær. Síðan gleymdi ég a.m.k. einu sinni að nota flass þannig að sú mynd var alveg svört (tekin úti).

Single-serving friends – 2 einnota partý

7. January, 2009 1 Comment

Þegar við vorum að túristast í Barcelona fattaði ég að myndavélin var að verða batteríslaus – áður en við fórum út sýndi batterístatusinn 2 strik af 3 en á Canon myndavélum þýðir það ekki að það er 67% eftir af batteríinu, meira svona 10-15% af því að ég var bara búinn að taka nokkrar myndir þegar myndvélin sýndi 1 strik og “low battery” aðvörun. Þannig að ég þurfti svona að semi-spara myndatökur… ekki alveg nógu heppilegt þar sem við vorum á leiðinni í sightseeing. Á einu stoppinu sá ég einnota myndavélar til sölu og ákvað að kaupa eina svona til öryggis. En ég þurfti ekki að nota hana þar sem batteríið rétt dugði – ég reyndar hefði pottþétt tekið aðeins fleiri myndir ef ég hefði haft nóg batterí.

Ég notaði einnota myndvélina ekkert í ferðinni þannig að ég fór með þessa vél heim og var ekki alveg viss hvað ég ætlaði að gera við hana. En eitt kvöldið, seint í nóvember, þegar ég var bókaður í tvö partý ákvað ég að taka með þessa einnota myndavél í gamni – það gæti komið eitthvað skemmtilegt úr því.

Já, það komu nokkuð áhugaverðar myndir úr þessari einnota syrpu – töluvert frábrugðið því að vera með 10 megapixla myndavél með klikkaðari linsu. Áferðin allt önnur og ýmsar smáskemmdir sem gefa myndunum svolítið sérstakan karakter.

Fyrri hlutinn er HR “reunion” partý og seinni hlutinn er afmæli Röggu og Siggu.

Ljómi 2009 – mega áramótapartý

6. January, 2009 Leave a Comment

Þegar búið var að skjóta upp nokkrum flugeldum fór maður að gera sig ferðbúinn til að fara í áramótapartý ársins – Ljómann. Bróðir minn og félagar hans voru s.s. búnir að skipuleggja mega partý í tómri verksmiðju og búnir að bjóða helling af fólki. Það var búið að redda pro DJs, setja upp killer hljóðkerfi, ljósaróbotta, reykvélar og allan pakkann. Þetta hljómaði of gott til að láta fram hjá sér fara. Þetta endaði í mega partý og mættu 500-600 manns.

Áramót 2008/2009 – flugeldar

5. January, 2009 Leave a Comment

Það var náttúrulega skotið upp nokkrum flugeldum. Ég fékk m.a.s. eitt stykki í mig – einhverjar leyfar úr flugeldi hrundu á mig. Þetta eru aðallega myndir teknar rétt fyrir og rétt eftir miðnætti – þegar það voru flestir flugeldar í gangi. Síðan var þetta ansi fljótt að deyja eftir miðnætti – ekki mikið í gangi eftir svona 0:30. Það er náttúrulega möst að vera með þrífót ef maður ætlar að ná almennilegum flugeldamyndum – ég var ekkert með þrífót í fyrra og náði engum klikkuðum myndum af flugeldum. Það getur verið að veðrið í fyrra hafi líka ekki verið optimal. En núna var alveg logn og ég náði alveg nokkrum frekar flottum myndum, þótt ég segi sjálfur frá…

Gamlárskvöld 2008 – brennan við Ægisíðu

4. January, 2009 Leave a Comment

Árið 2009 bara komið… fínustu áramót – áramótaskaupið var bara nokkuð gott, nokkur vindhögg sem voru ekki að virka á mig en annars nokkuð fyndið. Ég bjóst reyndar við að það yrði gert meira grín að gas man.

Hérna eru nokkrar myndir af áramótabrennunni við Ægisíðu. Tók þrífótinn með mér og smellti af nokkrum ljósmyndum af brennunni og öðru í kring.

Kúl jólalög – rokk og grín

18. December, 2008 2 Comments

Tæplega vika í jólin… Er ekki málið að pumpa upp jólastemmninguna með smá jólatónlist? Þessi klassísku jólalög eru að óma í útvörpum og þau endast misvel. Sum finnst mér vera orðin frekar þreytt og síðan eru nokkur sem ég get bara ekki hlustað á (að vinna í Hagkaup um jólin þar sem sami diskurinn var spilaður á repeat í marga daga getur látið mann hata viss lög).

Hérna eru nokkur lög sem eru kannski ekki alveg hin hefðbundu jólalög en ættu að hjálpa manni að komast í jólaskapið.

Smá jákvæður jólaandi:
Blink 182 – It’s Christmas Time Again

Klassískt jóla rokklag:
Smashing Pumpkins – Christmastime

Tvíhöfði er alltaf hress á því – með góðan jólaboðskap:
Tvíhöfði – Jólalag

Svipað þema í þessu jólalagi hjá kanadíska snillingnum Jon Lajoie:
Jon Lajoie – Cold Blooded Christmas

Hann er meira að segja líka með alveg gífurlega skemmtilegt video:

Höldum áfram í húmor jólalögum:
Eric Cartman (South Park) – O Holy Night

Gífurlega hresst jólalag:
Botnleðja – Ave Maria

Þetta er líka nokkuð gott íslenskt rokkjólalag:
Dikta – Nóttin var sú ágæt ein

Síðan má ekki gleyma laginu sem mér finnst eiginlega eitt aðal jólalagið – kannski er það út af nostalgíu þar sem tónlistarmyndbandið var alltaf spilað reglulega í sjónvarpinu þegar maður var ungur á meðan maður beið óþreyjufullur á aðfangadag eftir að maturinn byrjaði:
Stefán Hilmarsson og Sniglabandið – Jólahjól
Veit ekki alveg hvort Stebbi Hilmars sé fáránlega stoltur af þessu lagi – hann vildi alla vega ekki spila það á árshátíðinni í fyrra þegar hann og Sniglabandið voru að spila. OK, það var október, en samt…

Er ég að gleyma einhverju góðu jólalagi? Hvað er þitt uppáhalds jólalag?

Hvernig er fólk að fíla þennan bláa play-takka sem er alltaf hjá MP3 lögum? Er fólk að nota hann til að spila lögin án þess að þurfa að vista þau fyrst á tölvunni sinni? Ætti ég að finna einhvern betri spilara til að spila tónlist beint á blogginu?

Viðbót: Ég var að rekast á þetta lag; Maus og Svala Björgvins – Ég hlakka svo til

Nokkuð gott :)

‘Cause if you litter, I’ll get all up in your grill like George Foreman. Thank you.