I am official station

Ljósmyndir, kvikmyndagagnrýni, ferðasögur, fréttir af Hannesi og annað skemmtilegt :)

Dexter kominn til Íslands

2 Comments

Ég var að renna í gegnum Moggann í morgun og rakst á grein um Mats Hägg:

Mats Hägg - Dexter?

Hann er s.s. “sérfræðingur í blóðferlum” og er staddur á landinu út af Hringbrautarmálinu. Nú er bara spurning hvort hann sé sjarmerandi seríalmorðingi eins og Dexter Morgan?

OK, þetta er stupid “filler” blogg – en þetta er bara svona rétt svo dyggir lesendur fari ekki algjörlega yfirum yfir þessari bloggþögn. Ég hlýt að geta fundið mér tíma til að dúndra út almennilegu bloggi… Stay tuned – það er ekki búið að loka officialstation.com

Þrátt fyrir bloggþögn hérna þá er ég að pósta reglulega á Tumblr blogginu mínu – bendi t.d. á póst um Muxtape (ég hefði hugsanlega átt að pósta um Muxtape hérna í staðinn fyrir á Tumblr. Spurning…). Random linkurinn gæti líka veitt fólki ómælda ánægju ;)

Oh, dammit… var að fatta að ég bloggaði ekki neitt í apríl – og ég sem var búinn að blogga (hérna) amk. einu sinni í hverjum mánuði síðan júlí 2006. Að maður skuli láta þetta gerast, skandall! Þetta gerist sko ekki aftur…

I’m not gonna hurt ya. I’m just gonna bash your brains in. I’m gonna bash ’em right the fuck in.

Bensínverð – Er þetta ekki komið gott?

13 Comments

Bensínverð - 147,9 kr.

Héldu þið að ég væri að grínast? En já, ég held að ég sé búinn að mótmælast nóg ;) Ég neyðist til að rjúfa þögnina til að mótmæla öðru, mikilvægara málefni: Bensínverðinu! Hvað er mufkn málið?!

Núna í byrjun vikunnar fór allt í bál og brand – krónan í frjálsu falli og það mætti halda að Kreppan Mikla 2 sé á leiðinni í bíóhús nálægt þér…

Það er rúmlega ár síðan ég keypti bílinn sem þýðir að ég er búinn að vera taka bensín reglulega í rúmlega ár. Til að reikna út hvað bíllinn var að eyða hélt ég smá bensínbókhald. Ég var að ná alveg úr 9,8 L per 100 km niður í 7,8 lítra núna síðast – meðaltal var kringum 8,8. En það sem var mest sjokkerandi var hækkun bensínverðs þessa ~13 mánuði. Svona lítur þetta út:

Bensínverð - tafla

Ég var reyndar meiri hlutann af þessu tímabili í einhverjum Atlantsolíu pakka með svona dælulykil þannig að ég fékk 2 kr. afslátt en 14.3.2008 var ég í Shell pakka þar sem afslátturinn kemur eftir á… þannig að ef við segjum að þetta hafi verið 110,40 kr. 28.2.2007 – síðan samkvæmt síðu Atlantsolíu þá kostar líter af bensíni 145,80 kr. Sem þýðir að á rúmlega ári er bensínverð búið að hækka um 35,40 kr. eða 32,1%! Er ekki hægt að segja það sé frekar freaking míkið? Mun bensínlíterinn kosta 192,55 kr. eftir ár?! Hvenær segir fólk bara stopp og hættir að keyra bíla? Þegar bensínið kostar 250 kr.?

Núna kostar það mig tæpar 400 kr. á dag bara að keyra í vinnuna. Ég er virkilega farinn að fylgjast með akstrinum og reyna að keyra sem sparneytast. Það væri ágætt ef maður gæti haldið meðaltalinu undir 8 lítrum á hundraðið.

Bjössi ráðlagði mér að keyra alltaf á 50 km/klst og ekki fara yfir 3000 snúninga. Ekki slæm ráð – er fólk með einhver fleiri góð ráð til að lifa af þessa kreppu? Maður þarf að læra á öll ljósin í borginni til að sleppa að þurfa að stoppa á rauðu ljósi – eða bara hakka sig inn í stjórnkerfið og búa til fjarstýringu til að setja alltaf grænt ljós þegar maður er að nálgast ;) En það lítur allt út fyrir að ég þurfi að hætta í spyrnukeppnum út á Granda, maður getur ekki endalaust verið að spreða bensíni í þetta – og ég sem var á góðu róli, kominn með pink slip fyrir alveg helling af imprezzum…

Ég held að málið sé að kaupa 20 tunnur af bensíni og geyma út í garði – ég meina, bensínverðið er ekkert að fara lækka… Hvernig gengur annars hjá okkur Íslendingum að finna olíu? Er það ekki alveg að fara koma?

Er metro-lestarkerfið síðan ekki alveg að verða tilbúið? Allar kúl borgir þurfa að hafa neðanjarðarlestarkerfi.

Hver er til í að reyna fá magnafslátt á rafmagnsbílum? Ég held að það verði pottþétt heitasta trendið eftir smá… Eða fá sér einhverja hybrid græju…

Já, gleðilega páska og ekki vera að keyra neitt að óþörfu ;)

Inflation is a bitch.

Kvikmyndaárið 2007

8 Comments

Ég var nýlega spurður að því hvaða kvikmynd mér fannst best árið 2007 og ég var bara ekki alveg viss… Þá er mjög hentugt að geta tékkað á kvikmyndagagnrýninni minni til að hjálpa sér að rifja upp. Ég reyndar byrjaði ekki að skrá þar fyrr enn í júlí þannig að ég verð bara að notast við upplýsingar síðan þá – man ekki alveg hvaða myndir ég sá fyrri helming ársins. Ef fólk getur hresst upp á minnið mitt þá er það velkomið… svona ef ég er að gleyma einhverjum snilldar myndum.

Ef maður skoðar stjörnugjöfina þá ber hæst:

  • The Bourne Ultimatum *
  • The Simpsons Movie
  • I Am Legend
  • American Gangster *
  • Superbad
  • Knocked Up
  • Transformers *
  • Planet Terror
  • Live Free or Die Hard
  • Run, Fat Boy, Run
  • Disturbia
  • Hitman
  • Eastern Promises *
  • Astrópía
  • Vacancy
  • Death Proof
  • Rush Hour 3
  • The Lookout

..af þeim myndum sem ég sá árið 2007 (og sem voru gefnar út 2007). Ef ég tek líka með myndir sem voru gefnar út 2007 en ég sá 2008 þá eru líka ofarlega á lista:

  • Juno *
  • The Darjeeling Limited
  • No Country for Old Men *
  • Sweeney Todd: The Demon Barber of Fleet Street *

(* Myndir með stjörnu voru á einhvern hátt tilnefndar til Óskarsverðlaunanna.)

En ef ég ætti að segja til um hver var besta bíómyndin sem ég sá árið 2007 þá gefur stjörnugjöfin það sterklega til kynna – ég held að það sé bara jafntefli á milli The Bourne Ultimatum og The Simpsons Movie. Bourne 3 er alveg mögnuð spennumynd með pjúra hasar alveg í gegn, vel leikstýrð og heldur manni alveg “on the edge of your seat”. Simpsons myndin langþráða stóð algjörlega undir væntingum – góð saga og virkilega fyndin.

Nú eru bara nokkrar mínútur í Óskarinn og svona til gamans ætla ég að rúlla yfir helstu tilnefningarnar og skjóta á nokkra vinningshafa:

  • Actor in a Leading Role: Johnny Depp í Sweeney Todd The Demon Barber of Fleet Street (Johnny hefur nú staðið sig nokkuð vel yfir árin, hefur leikið ýmsar mismunandi og skrautlegar persónur – er ekki hans tími kominn?)
  • Actor in a Supporting Role: Javier Bardem í No Country for Old Men (honum tókst nokkuð vel að leika crazy mufkn sækó morðingja)
  • Actress in a Leading Role: Ellen Page í Juno (eina myndin sem ég var búinn að sjá – en það væri ekkert slæmt fyrir hana að fá Óskarinn, nýorðin 21 – fínasta afmælisgjöf)
  • Actress in a Supporting Role: Ruby Dee í American Gangster (væri ekki gott move að gefa gamalli svartri konu Óskarinn?)
  • Animated Feature Film: Persepolis (búið að vera svolítið hype í kringum þessa – ekta arty mynd sem fær helling af verðlaunum)
  • Art Direction: Sweeney Todd The Demon Barber of Fleet Street (virkilega flott umhverfi og skemmtilegir litir í myndinni)
  • Directing: No Country for Old Men (svolítið skrítin mynd, en hún var vel gerð – vel leikstýrð)
  • Makeup: Pirates of the Caribbean: At World’s End (já, þetta er ein mynd sem ég sá 2007 áður en ég byrjaði með stjörnugjöfina — öll þessi kvikyndi í Pirates ættu nú að fá verðlaun, trúi því varla að þeir láti Norbit fá Óskarinn – meira svona Razzie mynd)
  • Best Picture: Juno (ég gaf No Country for Old Men færri stjörnur en það er samt týpískt að hún fái Óskarinn, hún var svona meira “cinema”)
  • Writing (Original Screenplay): Juno (mörg skemmtileg samtöl í myndinni)

Já, ég veit – kannski ekki mikið að marka þar sem ég er alls ekki búinn að sjá allar myndirnar sem eru tilnefndar ;)

Það eru nokkrar Óskars-myndir sem ég á eftir að sjá og ætla að reyna sjá sem fyrst: The Assassination of Jesse James by the Coward Robert Ford, Charlie Wilson’s War, Ratatouille og Into the Wild – og síðan hugsanlega There Will Be Blood, Michael Clayton og Persepolis.

I’m not a business man. I’m a business, man.

Það sem þú misstir af

2 Comments

Finnst þér langt síðan ég bloggaði síðast? Þá ertu greinilega ekki að fá hinn ráðlagða dagsskammt af Hannesi frá öllum helstu stöðunum. Þetta er ekki eini staðurinn þar sem ég set inn nýtt efni…

Sem dæmi horfði ég á 20 kvikmyndir í desember, 5 í janúar og nú þegar komnar 5 í febrúar og ég er búinn að gefa þeim öllum stjörnur og rita stuttlega um þær. Reyndar finnst maple það of margar myndir – hvað segja aðrir? Of mikið? Of lítið? Reyndar, í desember sá maður líka brot (örugglega allt frá 10-75%) úr slatta af myndum – en ég er ekki að færa þær þarna inn. Þannig að ég sá í rauninni fleiri myndir ;) En ég meina, þetta eru jólin, hvað á maður að gera annað en að tjilla með fjölskyldunni og horfa á bíó? En já, ég hvet fólk til að kommenta ef það hefur eitthvað að segja/bæta við varðandi þessa “kvikmyndagagnrýni”.

Síðan er ég búinn að bæta við nokkrum myndum á flickr.

Svo er maður náttúrulega að örbloggast – microblogging is so hot right now ;)

Að lokum má ekki gleyma Tumblr blogginu sem er nánast að replace-a þetta blogg. Það er bara svo miklu skemmtilegra og auðveldara að blogga á Tumblr. Sem dæmi er það af einhverjum ástæðum búið að taka mig að eilífu að klára þessa færslu… Á Tumblr þá hendi ég bara upp einhverri mynd/video, skrifa smá texta og þá er það komið – maður þarf að hugsa sem allra minnst ;) Ég er t.d. búinn að vera bæta við nýju efni á I am not taxi nánast daglega – og stundum nokkrum sinnum á dag. Nokkur dæmi:

Síðan er líka hægt að skoða safnið. Eða bara notfæra sér þennan gífurlega skemmtilega fídus: farðu á random færslu – þú getur skemmt þér klukkutímum saman :)

Ef þú kíkir reglulega á þetta blogg hérna þá held ég að það væri ekkert vitlaust að tékka líka stundum á Tumblr blogginu ;) Síðan fyrir þá sem eru RSS áskrifendur að þessu bloggi þá er náttúrulega Tumblr líka með RSS – þannig að þið getið fóðrað ykkur hérna.

Smá viðbót (útfrá athugasemd frá Bjössa og þar sem ég held að það séu ekki allir sem lesa alltaf kommentin): En hvað segir fólk, er meiri áhugi fyrir bloggfærslum hérna heldur en kæruleysis færslum á Tumblr? Vill fólk frekar efnismeiri bloggfærslur hérna sem er kannski aðeins meira vit í heldur en einhver fyndin video og aðra vitleysu?

I’m tired of using technology, why don’t you sit down on top of me?

Hress 2007

7 Comments

Fólk er greinilega alveg æst í að sjá Hress 2007 listann ;)

Já, “Hress Collezion” byrjaði allt með því að ég ætlaði að skrifa nokkur lög á disk seint árið 2002. Ætli ég hafi ekki skrifað þetta til að geta blastað eitthvað þegar ég var að krúsa um borg óttans… Mig vantaði eitthvað nafn til að krota á diskinn og þar sem flest lögin voru nokkuð hress (fjörug, skemmtilegur taktur, koma manni í gott skap…) þá skrifaði ég á diskinn Hress 2002. Árið 2003 hlustaði ég töluvert á þennan disk og var greinilega ekkert að búa til nýjan disk – Hress 2003 er ekki til. Meirihluta 2004 var ég nokkurn veginn tölvulaus [sjá “Stóra Grundtvigs ránið“] þannig að ég var ekki mikið að braska í að skrifa diska eða safna tónlist þá. En 2005 byrjaði ég aftur að safna og bjó til playlista í iTunes sem ég kallaði náttúrulega Hress 2005.

Ég hef svo verið að búa til nýjan lista á hverju ári síðan þá. Án þess að það hafi verið markmiðið þá eru allir listarnir hingað til svipað langir. Þeir innihalda 27-29 lög og eru 1,9-2,2 klst. – alveg upplagt til að gefa út sem tvöfalt albúm ;)

En að Hress 2007. Þetta eru yfirleitt lög sem hafa verið gefin út 2007 – en ekkert endilega… kannski heyrði ég þau fyrst 2007 eða bara var að fíla þau 2007. Þannig að það eru ekkert mjög strangar reglur í kringum þetta, nema kannski að það meikar kannski ekki sens að hafa sama lagið á fleiri en einum lista. Þetta eru mörg mismunandi lög, úr mismunandi tónlistargreinum – en þau eiga eitt sameiginlegt að þau eru öll alveg gífurlega hress :) Sum lögin eru þó hressari en önnur.

Here we go:

Fischerspooner – Emerge

Brazilian Girls – Jique (MSTRKRFT Remix)

Tiga – You Gonna Want Me
– held ég þurfi að gefa hr. partý credit fyrir að kynna mér fyrir þessu

GusGus – Hold You (Hermigervil’s remix)
– sum lögin hef ég nú póstað áður

Simian Mobile Disco – Hustler
– var búinn að pósta video-inu á I am not taxi

Justice – D.A.N.C.E (MSTRKRFT Remix)
– Justice maður… þeir væru örugglega með fleiri lög á listanum ef ég væri búinn kynna mér þá betur, alveg að klikka á þessu – eru einhver lög sem er alveg möst að tékka á betur?

Seal – Amazing (Thin White Duke Main Mix)

Britney Spears – And Then We Kiss (Junkie XL Remix)

Justin Timberlake – What Goes Around… / …Comes Around

Teddybears – Cobrastyle

The O’Jays – Put Your Hands Together
– klárlega elsta lagið á listanum (frá 1973), en ég var að fara í gegnum safnið mitt og áttaði mig á því hvað það er gífurlegur hressleiki í þessu lagi :)

Paulo Nutini – New Shoes

Air – Mer du Japon

Hot Chip – My Piano
– heyrði þetta fyrst hjá Hjalta

Bloc Party – She’s Hearing Voices

Metric – Monster Hospital (MSTRKRFT remix)

Bangers & Cash – Loose
– video á I am not taxi

The Fiery Furnaces – Automatic Husband
– Einar benti mér á þetta

MSTRKRFT – Street Justice

Bloc Party – The Prayer

Kanye West – Stronger

Beyoncé – Upgrade U (Feat. Jay-Z)

Rihanna – Shut Up and Drive

Britney Spears – Piece Of Me

Seal – Amazing

GusGus – Moss

The Prodigy – Goa

GusGus – David (Darren Emerson Mix)
– ég tók mér það bessaleyfi að bæta þessu við listann bara núna – rak augun í þetta þegar ég var að skoða mp3 möppuna á officialstation.com – auðvitað á þetta heima hérna… Ari á heiðurinn af því að plögga þetta lag.

Já, MSTRKRFT komu nokkuð sterkir inn 2007 – eiga eitt lag á listanum og 3 remix. Síðan er GusGus náttúrulega að standa sig nokkuð vel með 3 lög af 28.

Ef fólk er að fíla þennan lista þá er aldrei að vita nema ég sé til í að pósta líka Hress 2002, Hress 2005 og Hress 2006 – hvað segir dómnefnd? Síðan er ég meira að segja líka með lista sem heitir Hress – Rock & Roll ;)

I like it. I like it a lot.

Ed Harris að auglýsa fyrir SÍBS?

7 Comments

Ég var að tékka á mbl.is og var bara að skrolla niður þegar mér sýndist ég sjá mynd af Ed Harris í auglýsingu þarna… þetta var s.s. auglýsing fyrir Happdrætti SÍBS. Efaðist nú um að SÍBS hefði sama budget og Kaupþing til að fá Hollywood celebrity til að auglýsa fyrir sig – og þegar auglýsingin var búin að rúlla einn hring og myndin af gaurnum kom aftur sá ég nú að þetta var ekki Ed Harris. En finnst ykkur þeir ekki svolítið líkir?

Ed Harris lookalike

Ed Harris

Hey, ein pæling… nú fékk ég svona meh viðbrögð síðast þegar ég tékkaði hvort fólk hefði áhuga á því að ég væri að pósta tónlist. Síðustu ár hef ég í gamni verið að setja saman playlista sem ég kalla “Hress 200#”. Þannig að ég er með á tölvunni þennan gífurlega hressa playlista Hress 2007 – nú er bara spurning hvort einhver þarna úti hafi áhuga á að ég pósti þeim lista (með tóndæmum)?

All I want to do is be more like me and be less like you