Ljósmyndir, kvikmyndagagnrýni, ferðasögur, fréttir af Hannesi og annað skemmtilegt :)
Ég reyni stundum að drekka á meðan ég labba (þú veist, TIL AÐ SPARA TÍMA™). En það gengur (no pun intended) ekki alltaf upp. Þannig að ég er að labba, voða busy og sulla yfir mig. Þetta er nú yfirleitt vatn, þannig að það er allt í lagi. En manni líður samt hálf kjánalega, það lítur út fyrir að maður hafi aldrei almennilega lært að drekka…
Jæja, þá er ég búinn að taka myndir af mér í 2 mánuði:
Þetta er alveg tvisvar sinnum lengra en fyrsta myndbandið. Tvisvar sinnum skemmtilegra/áhugaverðara/flottara? Hugsanlega ;)
Smá að prófa nýju útgáfuna af WordPress app-inu.
Fyrir tæpum tveim mánuðum keypti ég Everyday app-ið. Ég er búinn að fylgjast lengi með Noah Kalina – hann er einn af mínum uppáhalds ljósmyndurum – og mér finnst Everyday verkefnið hans nokkuð skemmtilegt/áhugavert.
Þannig að mig langaði til að prófa að gera svona myndband (time-lapse video) af mér yfir nokkurn tíma.
Hérna er fyrsti mánuðurinn – 21. mars 2011 til 22. apríl 2011:
Frekar stutt… ég þarf að taka mynd af mér á hverjum degi í nokkra mánuði í viðbót til að geta búið til aðeins áhugaverðara myndband ;)
Já, ég notaði Vimeo app-ið til að skella title credits á þetta og tónlist undir. Ótrúlegt hvað maður getur gert með iPhone ;)
Áður en við Birna skelltum okkur í Eurovision-partý röltum við smá um miðbæinn. Við skoðuðum mismunandi menningu á Alþjóðadeginum hjá Ráðhúsinu – ég keypti mér mjög flottan handmálaðan bol til styrktar Japan. Síðan litum við inn í Kolaportið þar sem ég keypti How To Make Friends með FM Belfast (Kimi Records voru með bás). Að lokum fórum við í Hörpu, tónlistarhúsið fræga – mjög flott, hlakka til að mæta á skemmtilega viðburði þar (t.d. Iceland Airwaves).
Ég tók nokkrar myndir á símann – hann hefur eiginlega tekið við sem myndavélin sem ég nota í götuljósmyndun. Svo hentugt, ég er alltaf með hann við höndina.
Já, ég er að senda þessa færslu úr símanum (nota WordPress app-ið). Aðeins að prófa, myndirnar koma líklega ekki í fullri upplausn. Þarf að skoða hvort ég geti ekki reddað því.
Uppfært: Ég fiktaði smá í þessu og fann út hvernig ég gat sett inn stórar myndir. Bara upload-a þeim í Original Size og nota síðan gallery shortcode til að birta thumbs af myndunum.
Nýr flokkur: Kvikmyndir sem mig langar að sjá. Ég hef reyndar áður póstað um bíómyndir sem mig langar að sjá á næstunni en mér fannst ágætt að búa til sér flokk um þetta + markmiðið er að gera meira af því að skella inn stuttum færslum sem eru í raun bara myndbrot/auglýsingar úr kvikmyndum sem ég ætla að sjá (í bíó eða heima).
Verður maður ekki að sjá Hangover 2? Af þessum trailer að dæma gæti hún verið kúl + fyndin. Greinilega með aðeins meiri budget ;)