Annað draumaverkefni sem ég náði að töfra fram með nýjustu tækni er Mini Movie Reviews punktur Com. Núna í júlí eru 19 ár síðan ég setti fyrst inn umsögn um kvikmynd sem ég var nýbúinn að sjá á officialstation bloggið mitt.
Á þeim tíma (2007) fann ég WordPress plug-in sem hjálpaði mér að skrá og halda utan um kvikmyndagagnrýni. Það var bara einn random gaur á Internetinu sem bjó til þetta ókeypis plug-in – og það er geggjað að hann er ennþá að viðhalda því og uppfæra 🙌
En viðmótið í kringum efnið sem þetta plug-in skilar af sér er frekar takmarkað. Það er engin leit og hver umsögn fær ekki sína eigin síðu (hlekk) – þetta er bara allt í röð sem þarf að fletta sig í gegnum.
Þannig að í nokkuð langan tíma hefur mig langað að bæta virknina og viðmótið í kringum þennan gagnagrunn hjá mér sem telur núna 1,321 kvikmynd. Mig langaði að það væri sér undirsíða fyrir hverja mynd og góð leið til að leita að ákveðnum myndum.
..og nú er þessi snilld komin í loftið! 🚀 Samhliða GSDMF þróuninni er ég líka búinn að vera þróa þessa nýju vefsíðu í hjáverkum undanfarna mánuði.
[Read more…] about Mini Movie Reviews: Kvikmyndadagbókin mín frá 2007 er komin á nýja vefsíðu
