app

Hress 2012: Stuð tónlist – meira partý, meira fjör :)

28. January, 2013 Leave a Comment

(1 árs) DJ Hannes kynnir Hress 2012:

Þú verður að tékka á þessum lögum maaar!

Ég hef verið að búa til þessa Hress lista nokkuð lengi. Ég fór smá yfir uppruna þeirra í Hress 2007 færslunni.

Þetta er ekki árslisti, bara lög sem ég var að fíla þetta árið, sem mér fannst hress. Þannig að það geta alveg komið inn gömul lög – sum nokkra ára gömul, sum töluvert eldri :)

Lögin geta verið allt frá því að vera guilty pleasure mainstream lög yfir í að vera hart bassayfirgnæfandi elektró-surg. Þetta eru oft remix, af því að ég fíla þau og þau eru oft hressari en upprunalega lagið. Svo hjálpar líka að það er mikið af remix-um á The Hype Machine (sem ég fylgist vel með, jafnvel daglega).

Tæknin er æðisleg, Shazam og SoundHound hafa bjargað mér nokkrum sinnum þegar ég hef heyrt eitthvað gott lag í útvarpinu og vil vita hver er flytjandinn og hvað það heitir. Án þessara snilldar app-a þá væru ekki sum lögin á þessum lista.

Jæja, here we go. Hérna eru lögin:

Foster The People – Pumped Up Kicks (Gigamesh Remix)
Möguleiki að ég hafi heyrt þetta fyrst 2011, en í byrjun 2012 “uppgötvaði” ég að ég væri að fíla það í tætlur, gott groove, góð stemning, hressleiki :)
(SoundCloud link)

Úlfur Úlfur – Ég er farinn
Hresst íslenskt. Smá MSTRKRFT fílingur með dash af Chromeo.
(gogoyoko link)

Justice – Ohio (Edgework Remix)
Justice maður! Það mætti alveg kalla þá kónga Hress listanna. Þeir hafa verið á Hress 2007, 2008, 2009 og 2011 – sem sagt næstum því á öllum Hress listum sem hafa verið gefnir út. Ég sá þá aftur live núna 2012 í Chicago á Lollapalooza tónlistarhátíðinni, gott partý, gott stuð :)

Mark Foster + A-Trak + Kimbra – Warrior
Mark Foster (úr Foster The People) mættur aftur með A-Trak. Nice.

Lana Del Rey – Blue Jeans (RAC Mix)
Gummi / gakera fær props fyrir þetta lag.

Flo Rida – Good Feeling
Lag sem ég var með í fyrra er mikið sample’að í þessu lagi… Levels með Avicii, sem sample’ar Something’s Got a Hold on Me með Etta James (sem lést í janúar 2012). Er að fíla þetta lag, kemur mér í gott skap. Hresst.

Diplo – Express Yourself Feat. Nicky Da B (Radio Edit)
Hlynur fær props fyrir þetta lag. Hann skellti myndbandinu á Facebook – sem er líka nokkuð hresst ;)

(SoundCloud link)

M.I.A. – Bad Girls
Austurlenskur fílingur – í takt við myndbandið sem er líka kúl:

Hot Chip – Flutes
Strákarnir í Hot Chip alltaf hressir :) Þeir voru líka á Hress 2007.

NSFW – Coconut
Mér finnst eitthvað svo skemmtilega mikið sumar í þessu. Viðeigandi þar sem lagið heitir “Kókoshneta” :)
(SoundCloud link)

Marky Mark – Good Vibration
Eitt old school – Mark Wahlberg í góðu stuði :) DJ Shuffle gróf þetta upp úr safninu.

Dragonette – Riot
Dragonette var á Hress 2011 með lagið Hello ásamt Martin Solveig. Hún er greinilega að gera góða hluti :)

Florence + The Machine – Spectrum (Calvin Harris Remix)
Ég missti af Florence + The Machine þegar þau mættu á Iceland Airwaves, en ég sá þau live á Lollapalooza síðasta sumar.

Gossip – Perfect World (RAC Mix)
RAC með 2 remix á listanum. Vel gert. RAC stendur víst fyrir Remix Artist Collective.

Destiny’s Child – Say My Name (Don Winsley Remix)
Uppgötvaði þetta remix þegar ég var að hlusta á annað smooth remix eftir Cyril Hahn. The Hype Machine flokkar núna remix af sama laginu saman – þannig að þegar ég var búinn að hlusta á Cyril Hahn remix-ið byrjaði þetta (nokkuð hressara) remix hjá Don Winsley strax eftir.

Monsta – Where Did I Go (Dillon Francis & Kill Paris Remix)
Oft er maður með lög á Hress listunum frá tónlistarmönnum sem maður kannast ekkert við. En það er snilldin við Internetið – það er svo auðvelt að uppgötva nýja gullmola.
(SoundCloud link)

Blaz Roca & Ásgeir Trausti – Hvítir skór
Annað hresst íslenskt. Alveg hægt að segja að þetta lag komi manni í stuð :)

Labrinth – Earthquake (feat. Tinie Tempah & Busta Rhymes)
Þessi útgáfa með Busta Rhymes tekur þetta á allt annað level. Ég dýrka flæðið hjá Busta – hann er ótrúlegur :)

Tiësto vs. Diplo feat. Busta Rhymes – C’mon (Catch ‘Em By Surprise)
Jájá… annað lag þar sem Busta kemur sterkur inn. Snilldar þríeyki.

Mord Fustang vs. Basto – We Are Connected Rave (Dylan Sanders Re-Rub)
Annað lag frá tónlistarmönnum sem ég kannast ekki við. Rakst á þetta einhvers staðar á Netinu.

Axwell feat. Errol Reid – Nothing But Love For You (Radio Edit)
Gott vibe. Jolly. Smooth tónar. Gott stöff.

Þar höfum við það… Nú er bara að byrja setja saman í Hress 2013 :)

Tölfræði

Til gamans er hérna smá tölfræði yfir Hress listana og fjölda laga.

Hress 2007-2012

Í Hress 2011 færslunni var ég með vangaveltur varðandi að það væru færri lög á listanum en árin áður. En kringum 20 lög er bara fínn fjöldi held ég.

Endum færsluna eins og svo oft áður á random quote-inu:

Nein mann, Ich will noch nicht gehen

Annáll: 2011 – Það helsta sem gerðist þetta árið

31. December, 2012 4 Comments

Ég er aðallega að setja þetta inn fyrir mig, til að punkta hjá mér það helsta sem gerðist til að rifja upp seinna. Þannig að það skiptir ekki máli að þetta birtist ~12 mánuðum of seint ;) ..og til að flýta fyrir þá er ég frekar stuttorður varðandi sum atriði. Ef einhverjir þarna úti hafa áhuga að fá að vita nánar um eitthvað þá bara láta vita. Ég fjalla með glöðu geði nánar um það sem fólk er forvitið um :)

Hliðarverkefni

Snemma á árinu bjó ég til The Big List of Icelandic Developers. Þessi listi fékk smá athygli og ég er ennþá að fá beiðnir frá fólki sem vill komast á listann. Það er gaman að vinna í svona litlum hliðarverkefnum sem fólk er að fíla og deilir með vinum sínum. Svipað og með Hvað eru vinir þínir að fíla á flickmylife.com? sem ég gerði árið áður.

iPhone!

Ég keypti mér iPhone 4 í febrúar. Að hlutur geti breytt lífi manns er kannski stórt til orða tekið… en samt, það að fá sér snjallsíma/iPhone hefur klárlega breytt lífinu mínu að mörgu leyti.

Fjallgöngur

Við Birna fórum í Eitt fjall á mánuði. Við stunduðum það eftir hentugleika ;) Maður komst ekki alltaf – var t.d. alltaf upptekinn á laugardögum um haustið/veturinn (sjá fyrir neðan). En við fórum t.d. upp á Eyrarfjall í Kjós.

Fyrirlestur

Ég hélt minn fyrsta “opinbera” (s.s. ekki bara fyrir vinnu- eða skólafélaga) fyrirlestur hjá Ský 2. mars 2011 á ráðstefnu um leitarvélar. Ég var smá stressaður, en það gekk bara nokkuð vel fannst mér. Hérna eru glærurnar:

Everyday

Ég byrjaði á Everyday verkefninu 21. mars 2011. Eitt af myndböndunum sem ég bjó til vakti athygli þeirra sem standa bakvið app-ið sem ég nota og ég fékk skemmtileg hrós frá þeim :)

Hérna er 10 mánaða útgáfan:

Bílakaup

Keypti mér nýjan bíl í apríl: Suzuki Grand Vitara, 2005 árgerð. Seldi Póló-inn, búinn að eiga hann í 4 ár. Þeir hjá Bílalíf voru alveg skuggalega fljótir að selja bílinn – og ég fékk uppsett verð. Very nice :) “Súkkan” er búin að standa sig mjög vel. Mjög smooth að keyra hann og lítið sem ekkert vesen.

Kanada

Í júní fór ég til Kanada (í fyrsta skipti!) með Birnu og fjölskyldu hennar. Nánar tiltekið til Halifax. Mjög fínt frí. Vorum bara að tjilla og leika okkur, túristast og slæpast. Við vorum með bílaleigubíl og keyrðum smá um Nova Scotia – m.a. til Peggys Cove. Villtumst reyndar smá á leiðinni, en það var bara skemmtilegt ævintýri :)

Sumarið

Birna fór til Indlands í 7 vikur. Það var smá spes – mjög gaman þegar hún kom aftur heim :D

Gekk Laugaveginn með hluta af Þotuliðinu (húrra fyrir mér!). Þetta tók á, sérstaklega síðasta daginn. En þetta var ævintýri og rosalega fallegt þarna. Til að fagna þessum merka áfanga bjó ég til smá verðlaunaskjal fyrir mig :)

Fór á Bræðsluna í fyrsta skipti með góðum hópi (ROAD TRIP!). Ég hélt upp á afmælið mitt þar – um daginn fórum við nokkur saman í smá hliðar road trip og urðum næstum því bensínlaus lengst uppi á fjalli! Skemmtilega klikkað ævintýri ;) Við stoppuðum bílinn þegar við þorðum ekki lengra og böðuðum okkur í læk þar nálægt. Heimferðin reyndi á taugarnar – KOMUMST VIÐ HEIM?! ;)

Fór á Þjóðhátið með crew-inu. Mér fannst skemmtilegra árið áður, kannski af því að það var stærri hópur og fyrsta Þjóðhátíðin hjá mörgum, meiri spenna.

Það mætti segja að Úlfur úlfur með Berndsen & Bubba hafi verið sumarlagið 2011. Mikið spilað.

Atvinnutilboð

Í ágúst þurfti ég að ákveða hvort ég ætti að gerast CTO hjá sprotafyrirtæki og flytja til San Francisco. Frekar erfið ákvörðun – kostir og gallar… Spennandi tækifæri, en ég endaði á því að hafna tilboðinu. Hentaði mér ekki alveg.

Meira nám

Ég settist aftur á skólabekk – fór í námsbraut í Opna háskólanum í HR sem nefnist Markaðssamskipti og almannatengsl. Það var mjög gaman. Spennandi og krefjandi (það reyndi á að vera í nokkuð tímafreku námi og fullri vinnu). Það var kennt miðvikudagskvöld og laugardagsmorgna. Þannig að maður komst eiginlega ekki í fleiri fjallgöngur þar sem þær voru alltaf á laugardögum.

Nýtt lögheimili

Í september flutti ég inn til Birnu. Yay! :)

Æsifréttamennska

Ég gerðist tímabundið fréttaljósmyndari fyrir dv.is ;) Tveir gaurar reyndu að stela bíl sem var í gangi á bensínstöðinni fyrir utan vinnuna. Við heyrðum lætin þegar þeir bökkuðu á staur og eigandi bílsins fór að hrópa. Fólk nálægt handsamaði strákana. Svo kom lögreglan. Ég tók nokkrar myndir á símann minn og setti á Twitter:

Allt að gerast á Borgartúni. 2 gaurar reyndu að ræna bíl, klesstu á staur og hlupu í burtu. Citizen arrest. twitpic.com/6hvu1d

— Hannes (@officialstation) September 8, 2011

Blaðamaður hjá DV sem er að fylgjast með mér á Twitter hafði samband og spurði hvort þeir mættu nota myndina mína :) Ég leyfði það og myndin mín var notuð með fréttinni.

Vinnan

Meira tengt vinnunni – Ég vann að því að gefa út fyrstu útgáfuna af The Tempo Times. Ég var aðstoðarritstjóri og leiddi þetta verkefni að vissu leyti. Þetta var blað sem við notuðum til að kynna tímaskráningarkerfið Tempo. Blaðinu var dreift út um allt, m.a. á ráðstefnu í London.

Teymið mitt vann Ofurhetjudaginn hjá TM Software. Verkefnið sem við unnum að var vefverslun og ég sá um að búa til mobile útgáfu af henni.

Í október var ég kjörinn í stjórn SVEF. Ég var reyndar sjálfkjörinn þar sem það voru alveg passlega margir sem buðu sig fram ;) Skemmtilegt að hlúa að vefiðnaðinum (af því að ég elska Internetið). Við erum m.a. að skipuleggja Íslensku vefverðlaunin, vinnusmiðjur og fyrirlestra/bjórkvöld.

Frægð og frami

Ég lék í auglýsingu fyrir Íslandsbanka. My 15 seconds of fame ;) Eða meira svona 10 sekúndur í byrjun á þessu myndbandi:

Smá skrýtið reyndar hvernig þeir breyttu útlitinu á þessu (birta, contrast…). En já, það var svolítið síðan að ég spáði í þessum brandara þegar ég sá að Íslandsbanki var með þennan leik um besta sparnaðarráðið. Ég rifjaði upp brandarann og sendi hann inn :)

Brandarinn er s.s. sá að í staðinn fyrir að kaupa 55″ sjónvarp þá getur þú keypt 32″ sjónvarp og bara fært sófann nær ;) Þá virðist myndin vera jafn stór og á 55″ sjónvarpi.

Þetta var valið eitt af frumlegustu hugmyndunum og notað m.a. í fréttatilkynningunni.

Bækur

Ég var að lesa ýmsar bækur, t.d.:

Create Stunning HTML Email That Just Works eftir Mathew Patterson
Linchpin: Are You Indispensable? eftir Seth Godin
Outliers: The Story of Success eftir Malcolm Gladwell
Making Ideas Happen: Overcoming the Obstacles Between Vision and Reality eftir Scott Belsky

Kvikmyndir

Ég horfði á 66 kvikmyndir árið 2011. Árið 2010 horfði ég á 78 kvikmyndir. Það er hægt að sjá kvikmyndagagnrýnina fyrir þessar myndir hér.

Quantified self

Samkvæmt your.flowingdata fór ég 8 sinnum í klippingu árið 2011 og kostaði það mig 31.700 kr (að meðaltali 3962,50 kr. hver klipping).

Þannig var nú það… 2011 í hnotskurn :)

Deliver me from Swedish furniture

3 mánuðir af Hannesi – Everyday verkefni í vinnslu

26. June, 2011 3 Comments

Jæja, verkefnið heldur áfram. Þetta eru 3 mánuðir af mér:

Ég ætla að reyna að halda þessu áfram í töluvert lengri tíma… alla vega ná þessu upp í 1 mínútu. Þegar ég bý til myndband á “Slow” stillingunni er 1 mánuður kringum 6 sekúndur. Þannig að ég þarf að safna í a.m.k. 10 mánuði.

Lagið sem ég er að nota heitir In The Pines og er með Supergood. Eitt af 6 lögum sem fylgja með Vimeo app-inu.

Smá viðbót: Já, síðan má nefna að síðasta myndin í myndbandinu var tekin í trailer park sem við enduðum óvart á í Kanada. Við ætluðum að fara á Peggys Cove og slóum það inn í GPS tækið. En við s.s. enduðum á Peggys Cove Trail ;) En það var bara mjög gott ævintýri :) Vorum að busla í þessu stöðuvatni, tékka á sveitinni og leika okkur í sólinni. Stoppuðum svo í Peggys Cove á leiðinni til baka til Halifax, sáum það við sólsetur og fínerí.

I like ya hair and every style that ya wear it

Mánuður af Hannesi – Everyday verkefni í vinnslu

17. May, 2011 3 Comments

Fyrir tæpum tveim mánuðum keypti ég Everyday app-ið. Ég er búinn að fylgjast lengi með Noah Kalina – hann er einn af mínum uppáhalds ljósmyndurum – og mér finnst Everyday verkefnið hans nokkuð skemmtilegt/áhugavert.

Þannig að mig langaði til að prófa að gera svona myndband (time-lapse video) af mér yfir nokkurn tíma.

Hérna er fyrsti mánuðurinn – 21. mars 2011 til 22. apríl 2011:

Frekar stutt… ég þarf að taka mynd af mér á hverjum degi í nokkra mánuði í viðbót til að geta búið til aðeins áhugaverðara myndband ;)

Já, ég notaði Vimeo app-ið til að skella title credits á þetta og tónlist undir. Ótrúlegt hvað maður getur gert með iPhone ;)

Remember when I caught your eye. You gave me rainbows and butterflies.

Göngutúr um miðbæinn 14.5.2011

15. May, 2011 Leave a Comment

Áður en við Birna skelltum okkur í Eurovision-partý röltum við smá um miðbæinn. Við skoðuðum mismunandi menningu á Alþjóðadeginum hjá Ráðhúsinu – ég keypti mér mjög flottan handmálaðan bol til styrktar Japan. Síðan litum við inn í Kolaportið þar sem ég keypti How To Make Friends með FM Belfast (Kimi Records voru með bás). Að lokum fórum við í Hörpu, tónlistarhúsið fræga – mjög flott, hlakka til að mæta á skemmtilega viðburði þar (t.d. Iceland Airwaves).

Ég tók nokkrar myndir á símann – hann hefur eiginlega tekið við sem myndavélin sem ég nota í götuljósmyndun. Svo hentugt, ég er alltaf með hann við höndina.

Já, ég er að senda þessa færslu úr símanum (nota WordPress app-ið). Aðeins að prófa, myndirnar koma líklega ekki í fullri upplausn. Þarf að skoða hvort ég geti ekki reddað því.

Uppfært: Ég fiktaði smá í þessu og fann út hvernig ég gat sett inn stórar myndir. Bara upload-a þeim í Original Size og nota síðan gallery shortcode til að birta thumbs af myndunum.

Nokkur góð iPhone/iPod Touch apps

9. July, 2010 1 Comment

Ég keypti iPod Touch þegar ég var í New York – meðal annars þar sem gamli iPod-inn minn var ónýtur, en líka til að vera með flotta lófatölvu; geta komist á netið í gegnum WiFi og fá aðgang að öllum þessum sniðugu forritum sem eru í App Store.

Hérna eru nokkur forrit sem ég er búinn að prófa og er að fíla ágætlega:

Instapaper
Frekar sniðugt forrit. Ég hef notað Instapaper nokkuð lengi til að geyma greinar sem ég ætla að lesa seinna. En ég hef aðallega notað það síðan til að lesa greinar (á litla skjánum) í símanum mínum. Ég keypti Pro útgáfuna á $4.99 sem er með alls konar kúl fídusa – t.d. nær forritið í allt að 250 greinar sem þú hefur bætt við og vistar þær í iPod-inum (í staðinn fyrir 10 sem er hámarkið í ókeypis útgáfunni) og maður getur hallað iPod-inum til að láta textann flæða upp eða niður (algjör snilld að þurfa ekki að “swipe-a” til að halda áfram að lesa). Ég vildi líka bara styrkja þróunina á Instapaper. Þetta koma sér vel í flugvélinni á leiðinni heim.

VLC Remote
Fjarstýring fyrir VLC Media Player – algjör snilld! Ég náði bara í ókeypis útgáfuna, veit ekki hvort ég þurfi að splæsa $2.99 í “alvöru” útgáfuna til að fá auka fídusa – get gert allt það helsta í VLC Remote Free. Ég væri frekar til í að kaupa forrit sem gæti stýrt hverju sem er (eða alla vega mörgum forritum) í Makkanum.

Onion News Network
Ókeypis forrit til að hafa greiðan aðgang að snilldar myndböndum frá The Onion. Gott stöff.

Cyanide and Happiness
Kostaði alveg heil 99 cent en í gegnum þetta forrit getur maður auðveldlega skoðað öll comics frá explosm.net ásamt video clips/animated shorts + aðrir sniðugir fídusar.

—–

Ég spila nú ekki mikið tölvuleiki. Dett í einstaka Flash leik sem maður rekst í á netinu, en endist yfirleitt stutt. Mér fannst samt um að gera að prófa nokkra leiki. Megnið af vinsælustu forritunum í App Store eru leikir og síðan er líka fjör að stjórna leikjum með þessum skemmtilega snertiskjá.

Angry Birds
Kostar $0.99 (reyndar til lite útgáfa sem er ókeypis). Miðað við aðra leiki í þessum verðflokki þá fær maður nokkuð mikið “gameplay” – yfir 150 borð. En þetta er skuggalegur tímaþjófur – mörg borðin eru erfið en ekki það erfið, maður nær þessu næstum því þannig að maður prófar “bara einu sinni í viðbót”. Úff, hættulegt… En fínt að grípa í þetta sér til skemmtunar endrum og sinnum. Maður þarf líka að nota smá kænsku til að klára borðin – aldrei leiðinlegt að nota heilann smá ;) Þetta er vinsælasta app-ið (og top grossing) í App Store – búið að ná í það 4 milljón sinnum!

Canabalt
Ég var búinn að prófa þennan leik á netinu en ákvað að testa þetta líka í iPod. Kostaði $2.99. Mjög smooth að spila hann í iPod, skemmtilegra heldur en að nota lyklaborð eða mús í tölvunni. Tónlistin er líka frekar kúl. Einföld pæling, en samt nokkuð fjölbreytilegt. Skemmtilega útfært – maður er aldrei að spila í sama borðinu, veit aldrei hvað kemur næst.

Words With Friends
Nokkuð skemmtilegt að geta spilað Scrabble (eða s.s. Scrabble rip-off) við vini eða ókunnuga út um allan heim. Svolítið svipað og bréfskák – þú gerir og sendir síðan “boltann” yfir til mótspilarans sem gerir síðan þegar hann hefur tíma til (sem getur verið nokkrum sekúndum seinna eða næsta dag). Þeir eru reyndar líka með Chess With Friends, hef ekki prófað það.

Ég prófaði bara ókeypis útgáfuna sem er með auglýsingum. Efast um að ég sé að fara splæsa í $2.99 útgáfuna (ég veit, RISAstórar fjárhæðir) – held ég sé ekki að fara spila þennan leik það mikið, get alveg sætt mig við að sjá auglýsingar eftir hverja umferð. En ef einhver vill spila þá er notandanafnið mitt: funkpunk

i-Gun
Fjör að leika sér að skjóta úr hinum og þessum byssum (Glock, AK-47, uzi, haglabyssu…). Ókeypis.

Dawn of the Dead
Leikurinn kostar venjulega $1.99 en hann var ókeypis á tímabili á meðan þeir voru að laga bögg tengdan iOS 4.0. Nokkuð spennandi leikur, lítur vel út og góðir hljóð effektar. Það er reyndar ekki mjög mikið gameplay – maður er tiltölulega fljótur að klára öll borðin og þrautirnar og þá er lítið eftir. En alltaf gaman að rústa zombies :)

Síðan er ég náttúrulega með klassísk forrit eins og Facebook, Twitter, Tumblr, Foursquare, WordPress (notaði það m.a.s. til að skrifa brot af þessari færslu), TweetDeck, MSN Messenger…

Þetta eru nokkur af þeim forritum sem ég hef prófað á þeim stutta tíma sem ég hef átt græjuna. Átt þú iPhone, iPod Touch eða jafnvel iPad? Einhver forrit sem þú mælir með?

My brother has ADD, which is weird because he drives a Ford Focus.