afmæli

Filmu fetish vol. 4 – Partý fjör

20. December, 2010 1 Comment

Nei sko, fleiri myndir úr afmælinu mínu. 2 frá Eyjum, nokkrar úr afmæli Bjössa og djammið á Kaffibarnum eftir það. Meira random… annað djamm á KB und zo weiter.

Venjulega læt ég framkalla filmurnar mínar hjá Pixlum, en núna prófaði ég Ljósmyndavörur. Er svona að vega og meta hvort sé betra. Pixlar eru með hi-res skanna (kostar aðeins auka) og ég held að myndirnar sem ég fæ á geisladisknum séu aðeins betri en þær sem ég fæ frá Ljósmyndavörum. Þessar eru svolítið kornóttar/grófar… En síðan gæti það líka verið út af því að þessi filma var í raun útrunnin, þannig að maður getur ekki búist við toppgæðum. Ætla að gefa Ljósmyndavörum annan séns.

Filmu fetish vol. 3 – Fisheye lomography myndir

5. November, 2010 2 Comments

Já, já… fullt af myndum sem ég hef náð í úr framköllun nýlega. Fyrstu myndirnar virðast vera nokkrar (misgóðar) frá New York. Síðan nokkrar úr Vesturbænum, sumarbúðstaðurinn og svo afmælið í sumar.

Alltaf gaman að fisheye og double exposure.

Filmu fetish vol. 2 – Afmæli 2010

2. November, 2010 1 Comment

En síðan er maður stundum bara nokkrar mínútur að klára eina filmu ;) Reyndar bara 15 myndir á þessari filmu, en samt…

Þetta eru myndir úr afmælisteitinu núna í sumar – þegar það var farið að líða svolítið á kvöldið og ég ákvað að hvíla “stóru” vélina (flassið var líka búið að ofhitna). Upplagt að grípa þá í litlu og nettu APS filmuvélina.

Filmu fetish vol. 1 – APS myndir

2. November, 2010 1 Comment

Eitt við það að taka á filmu – maður er svolítið að spara þetta, reyna að vanda sig við hverja mynd og svo grípur maður ekki alltaf í filmuvélarnar. Þannig að það getur tekið heilt ár að klára eina filmu. Mér sýnist að á þessari filmu séu aðallega myndir frá sumrinu 2009 og sumrinu 2010. Kannski er það eitthvað við sumarið sem fær mann til að draga filmuvélarnar fram?

Afmæli 2009 – the music video

16. August, 2010 Leave a Comment

Þar sem ég er loksins kominn með almennilega græju þar sem er auðvelt og skemmtilegt að klippa video tók ég mig til og tók allar myndirnar frá afmælinu í fyrra og bjó til þetta myndband:

Um að gera að tékka á þessu á Vimeo fyrir HD útgáfuna.

Ég er virkilega sáttur með þetta, þó ég segi sjálfur frá. Ég get horft á þetta aftur og aftur, þetta er svo mikil snilld – náttúrulega dúndrandi gott lag og síðan er svo mikil stemning í þessum myndum :)

I got too much life running through my veins

Afmæli Óla 2009 eins og fiskarnir sáu það

12. January, 2010 Leave a Comment

Óli átti afmæli “um daginn” (nóvember á síðasta ári). Ég var beðinn um að ljósmynda partýið. Ég tók 761 mynd á stóru vélina – veit ekki hvort ég muni setja eitthvað af þeim myndum á netið, þeir helstu ættu að vera búnir að sjá myndirnar. Það er hægt að biðja mig um VIP passa og ég sé til hvað ég get gert.

Ég tók líka með Lomography vélina – alltaf gaman að lomo fisheye partýljósmyndum. Njótið: