Ljósmyndir

In the shadow of the night…

15. August, 2008 1 Comment

Ég hef fundið nýja leið til að spara tíma svo ég sé fljótari að setja myndir á netið – bara henda öllu inn, ekki filter-a eða review-a þetta… bara láta þetta allt flakka, sama þótt það séu nokkrar eins myndir og einhverjar misgóðar myndir.

Síðan hjálpar það líka að ég er ekki lengur í böggi með Automate > Batch fídusinn í Photoshop. Ég lenti alltaf í því þegar ég keyrði þetta að JPEG Options glugginn opnaðist við hverja mynd og ég þurfti að ýta á OK – ekki svo automatic ;) En maður þarf víst að taka upp action þar sem maður Save-ar skrána (með Save As…), með Quality og skráarnafnið skráð í þetta action. Síðan þegar maður er í Automate > Batch hefur maður bara hakað við Override Action “Save As” Commands og þá er þetta allt í góðu :D

Ég fór eitt kvöldið út að taka myndir af umferðinni á Hringbraut – hérna er það sem kom út úr því. Þegar ég stóð á brúnni sá ég að það var kviknað í Tjörninni – það var víst að kveikja kerti til að minnast Hiroshima. Þannig að það er smá bonus footage þaðan.

Mér finnst svona nætur-umferðar ljósmyndir frekar töff – hef verið að prófa mig smá áfram og mun pottþétt taka fleiri svona myndir.

Annað í fréttum… ég er aftur á leiðinni í ferðalag. “Aftur? Hvað meinaru?” Jamm, ég er víst eitthvað búinn að vera að ferðast smá undanfarna mánuði og þetta er allt á todo listanum: blogga um ferðirnar, setja inn myndir, setja inn video, o.s.frv… Ég gæti tekið upp á því að taka bara skorpu í september og dúndra inn fullt af færslum, þúsundum ljósmynda, tuga kvikmyndaskeiða og örðu skemmtilegu. Stay tuned…

New York’s the greatest if you get someone to pay the rent.

Afmæli 2008

28. July, 2008 8 Comments

Þar sem maður átti víst stórafmæli í vikunni þá fannst mér viðeigandi að halda smá upp á að vera orðinn kvartöldungur og bauð til veislu. Það var grillað hið fínasta ungnauta rib eye og á meðan tókum við nett myndasession…

Þetta var bara rétt byrjunin – yfir kvöldið voru teknar kringum 400 myndir og eru þær komnar hingað. Takkinn “festist” stundum inni þannig að inn á milli koma svona 10-30 myndir af sama hlutinum ;) Yfirleitt þegar ég set inn myndir þá hendi ég út auka myndum sem eru frekar svipaðar eða af sama hlutinum – en ekki í þetta skiptið… þetta er bara allur pakkinn. Ég ætlaði reyndar fyrst að setja þessar myndir inn á Facebook til að geta taggað þær alveg í klessu en eftir að hafa prófað svona 6 sinnum og fá alltaf “Upload Failed. Please try again.” þá gafst ég upp – Facebook er nú kúl síða en mynda fídusinn þeirra fær ekki alveg 10 stjörnur.

Eftir matinn (sem var virkilega góður) var pakkatími. Ég fékk snilldargjafir – Svona Fisheye Lomography myndavél sem ég hef verið að spá í að fá mér nokkuð lengi – mér finnst lomo myndir frekar kúl og líka fisheye myndir, þannig að þetta er brillíant combo :)

Fisheye2

Fisheye2 camera

Þetta gerir myndavél númer 5 sem ég eignast – maður er kominn með nokkuð gott myndavéla arsenal ;) Langt síðan maður hefur tekið á filmu – verður spennandi að leika sér með það inn á milli. Strákarnir voru reyndar búnir að taka 18 myndir á filmuna áður en þeir mættu – verður spennandi að sjá hvað kemur út úr því… Ég ætlaði með filmuna í framköllun í dag en lókal búðin er ekki opin á sunnudögum – þá fer ég bara first thing in the morning.

Síðan fékk ég Courvoisier VSOP koníak sem er náttúrulega bara pimp :)

Le Cognac de Napoleon

Þá er náttúrulega við hæfi að skella inn smá tóndæmi:

Busta Rhymes – Pass the Courvoisier

Enda var þetta lag spilað þegar ég opnaði pakkann :)

Þótt margar af myndunum í þessu albúmi séu svona nokkuð random þá eru alveg frekar margar nokkuð flottar þarna inn á milli. Besta trikkið til að mynda partý er að skilja myndavélina eftir einhvers staðar þannig að hver sem er getur gripið hana og smellt nokkrum af – þannig að ég á ekki heiðurinn af nema litlum hluta af þessum myndum.

Já, ég segi bara takk fyrir mig – maður þarf klárlega að gera svona aftur fljótlega…

We got food everywhere as if the party was catered.

Gleðilega hátíð

31. December, 2007 3 Comments

Christmas lights

Ætlaði nú að vera löngu búinn að henda inn kveðju hingað, en whatever…: Gleðilega hátíð! Maður er bara búinn að vera svo upptekinn við að troða í sig kalkúni, riz a la mandé og öðru gúmmilaði, spila Cluedo, horfa á bíómyndir og síðan var ég nett veikur (örugglega eftir allt þetta át).

En já, sei, sei… það voru bara hvít jól eftir allt saman – alltaf jólalegra þegar jörðin er þakin snjó. [insert obligatory white christmas photo]:

white christmas

Síðan komu bara þrumur og eldingar þegar maður var nýbyrjaður að borða jólamatinn – frekar magnað.

Ég er líka búinn að vera leika mér svolítið með nýja leikfangið mitt:

Ég stefni á að taka mun fleiri myndir árið 2008 heldur en ég gerði í ár. Aldrei að vita nema ég fjárfesti í fleiri linsum og öðrum myndavélagræjum.

Hérna eru nokkrar jólamyndir í viðbót:

christmas tree

christmas ornaments

Hvað segiði, er þetta flickr material? Ætti ég að setja eitthvað af þessum myndum á flickr?

Jæja, sjáumst á nýju ári og passið ykkur að fjúka ekki í burtu ;)

I’m smiling because I have no idea what’s going on

Orðinn alvöru listamaður

29. November, 2007 9 Comments

Nú verður Hlynur alveg brjálaður – neyðir mig örugglega til að segja upp… En já, það virðist sem maður sé orðinn alvöru “listamaður” ;) Fyrsta ljósmyndasýningin sem ég tek þátt í byrjar núna næsta laugardag (1. desember). Ljósmyndasafn Reykjavíkur er með sýningu 1. desember 2007 – 17. febrúar 2008 tileinkuð ljósmyndum af Flickr. Ég las um þetta project í einhverju blaði í haust (eða kannski rakst ég á þetta á flickr eða annarri síðu, man það ekki) og ég sendi inn nokkrar myndir. Hluti af þessum myndum voru samþykktar en eftir að það var búið að skera smá niður voru 3 myndir eftir. Það er búið að prenta út 220 myndir eftir 94 ljósmyndara en síðan verður þeim myndum sem komust í forvalið (500 stykki) varpað á vegg úr myndvarpa.

Þessar tvær myndir verða útprentaðar á sýningunni:

« Tók þessa í Apple búðinni á 5th Avenue í New York. Kom skemmtilega út að hafa tröppurnar svona glærar. Ef ég man rétt þá tók ég mynd af þessum tröppum af því að pabbi var að taka mynd af þeim ;)

« Þessi mynd var tekin aðfangadagskvöld 2005 – amma heitin og systir mín að “módelast” – alveg ekta jólamynd. Þetta var eiginlega svolítið heppni… ég var bara að leika mér eitthvað, ætlaði að sjá hvernig jólatréð kæmi út ef ég myndi slökkva á flassinu. Það að slökkva á flassinu þýddi að ljósopið var opið í heila sekúndu og alveg magnað hvað myndin er skörp þrátt fyrir það. Líka heppilegt að systir mín hafi verið með þessa jólasveinahúfu – gerir þetta enn jólalegra :)

Ef ég skildi þetta rétt þá verður þessum tveim myndum líka varpað á vegginn, ásamt þessari:

« Frekar töff mynd af Times Square. Öll þessi ljós koma skemmtilega út í þessu svartamyrkri. Þarna vorum við “fastir” í traffík en síðan tók ég aðra þar sem við vorum á hreyfingu sem mér finnst líka frekar flott. Eiginlega svipað og með Apple myndina þá fór ég að taka myndir út um gluggann á leigubílnum af því að pabbi var að gera það :)

Já, Flickr er alveg magnað fyrirbæri – vegna þess að ég ákvað að setja ákveðna mynd á Flickr þá er háskóli í New York að nota myndina í bæklingi hjá þeim – ..og núna eru barasta ljósmyndir eftir mig hluti af ljósmyndasýningu á safni. Ekki svo vitlaust að setja upp flickr síðu ef þú hefur áhuga á að koma ljósmyndunum þínum á framfæri.

Sýningin heitir flickr-flakk og heljarstökk (eða “flickr era – digital horizons” á enska mátann). Opnun er núna á laugardaginn 1. desember kl. 16 í Grófarhúsi, Tryggvagötu 15, 6. hæð (sama hús og Borgarbókasafnið). Aðgangur er ókeypis þannig að allir eru velkomnir — og það verða “léttar veitingar” í boði – veit ekki nákvæmlega hvað það er – en ég les bara eitt úr því: Free booze! ;) (ábyrgist samt ekkert)

Þeir sem komast ekki laugardaginn en vilja samt tékka á þessu hafa nægan tíma, eins og ég sagði verður þessi sýning í gangi til 17. febrúar 2008. Samkvæmt heimasíðunni þeirra þá er opnunartími sýninga 12-19 virka daga og 13-17 um helgar.

Hérna eru síðan nokkrar myndir sem ég hef sett nýlega á flickr:

« þessi mynd er alveg að eyðileggja symmetríið, var að spá í að sleppa henni bara… Þetta var svo flott síðast.

She looks like a model. Except she’s got a little more ass.

Airwaves 2007 – part 2

24. October, 2007 5 Comments

Iceland Airwaves 2007 búið… ég er strax farinn að hlakka til Airwaves 2008.

Dagur 4

Þá var það dagurinn sem maður var búinn að bíða eftir… Maður fór beint á Listasafnið – mjög sáttur hvað það var stutt röð og hvað maður var fljótur inn – líklega þar sem það var svo mikið annað í gangi annars staðar (bæði kostur og galli). En við mættu stuttu áður en Annuals byrjuðu. Ég var bara að fíla Annuals nokkuð vel – hafði eiginlega ekkert heyrt í þeim áður en það var bara mjög góður kraftur í þeim – dugleg á trommurnar. Síðan voru þau skiftandi um hljóðfæri – m.a. bara í miðju lagi – mixing it up. Söngvarinn fór t.d. á trommurnar og þá fór annar af tveim trommurum á gítar. Gott stöff.

Hérna eru þau að taka eitt hressandi lag (veit ekki hvað það heitir):

Meðal áhorfandanna var gaur að búa til hatta úr dagblöðum og dreifa þeim út um allt, fólk var síðan byrjað að hjálpa honum að búa til fleiri hatta – áhugaverður gjörningur. Strax eftir Annuals myndaðist (eins og við mátti kannski búast) töluverð löng röð á klósettið. En það lá líklega meira á sumum þar sem gaurar voru byrjaðir að míga í vaskinn – nice. Hvernig er það, eru ekki klósett á 2. hæðinni? Annað – á undan Bloc Party var spilað alveg dúndrandi partý dans tónlist – Darude, Aphex Twin og annað hressandi. Mér fannst eitthvað skrítið við að hita þannig upp fyrir rokk-tónleika, en fólkið var greinilega að fíla þetta – dans tónlist kemur manni alltaf í gott stuð.

Þá var það bara að bíða eftir aðal númeri hátíðarinnar: Bloc Party. Eins og alvöru rokkurum sæmir létu þeir bíða smá eftir sér – held að þeir hafi byrjað svona 20 mínútum á eftir dagskránni. En þetta voru brillíant tónleikar eins og við mátti búast – tóku alla helstu slagarana og héldu uppi góðri stemmningu. Reyndar skandall að það var eins og þeir gerðu ekki ráð fyrir að láta klappa sig upp, eða nenntu því ekki – það var alla veganna alveg slatti af fólki sem reyndi að klappa þá upp en það var bara sett eitthvað Grease lag í hljóðkerfið og ljósin kveikt.

Hérna er Bloc Party að taka Banquet:

Endirinn á Flux:

..og síðan Like Eating Glass:

Eftir þetta var maður ekki alveg viss hvert skildi halda… En við ákváðum að fara á Gaukinn þar sem hr. partý var þar. Þegar við komum var FM Belfast að klára settið sitt – hellingur af fólki á sviðinu og það virtist vera ágæt stemmning í gangi. Þegar þau voru búin ákváðum við Bjössi að tjillla aðeins á meðan við kláruðum bjórinn okkar. Eftir það komu tvær hressar gellur frá NYC – Roxy Cottontail. Samkvæmt MySpace síðunni hennar (Roxy er víst bara ein gella, hin gellan var líklega vinkona hennar sem hjálpar stundum til) spilar hún “Rap / Punk / Disco House”. Hvað sem þetta var þá var ég að fíla það.

Smá tóndæmi:

Roxy Cottontail – Playmate (Jesse Rose remix)

Næst var haldið á Barinn þar sem Moonbootica héldu upp góðri elektró-dans stemmningu þar sem maður dansaði af sér rassgatið langt fram á nótt. hr. partý var með fáránlega töff gleraugu sem fara öllum alveg skuggalega vel ;)

Dagur 5

Þá var það lokahnykkurinn – fórum á Nasa og náðum síðasta laginu hjá Horsebox. Síðan byrjuðu The Magic Numbers alveg á slaginu. Þau voru mjóg góð. Virkilega pro performance – lögðu mikið í þetta. Þau spiluðu bæði rólega og hress rokk lög – flottur endir á Airwaves. Fannst reyndar magnað að þau voru með lengra show en Bloc Party – ca. 1,5 klst. – kannski áttu þau bara til meira efni.

Hérna eru þau að flytja… já, nei, veit ekki hvaða lag þetta er – finnst samt ég hafa heyrt það áður – veit einhver hvaða lag þetta er?:

Uppfært: maple segir að þetta sé lagið Love Me Like You:

Þar hafiði það… Iceland Airwaves árið 2007.

Það er magnað hvað það er svo allt öðruvísi að upplifa tónlist live – tónlist sem maður hlustar á í tölvunni og finnst vera svona “meh, allt í lagi” getur verið virkilega góð live. Maður verður að muna að fara reglulega á tónleika – alltaf hressandi.

Ég held að það fari ekkert á milli mála að Bloc Party stóð upp úr Iceland Airwaves 2007. En eins og í fyrra þá lendir maður oft í að rekast á bönd sem maður veit ekkert um en koma manni skemmtilega á óvart – þetta árið var það Roxy Cottontail. Eiginlega bara heppni að maður tékkaði á þeim… of Monreal voru líka mjög góð ..og Annuals – ok, ok, þetta var mest allt brilliant :)

Hefði í rauninni getað farið á mun fleiri tónleika en ég er nokkuð sáttur við það sem ég sá – live tónlist 5 daga í röð er nokkuð gott. Spurning að reyna kannski að mæta fyrr á næsta ári – sjáum til…

Held að það sé næsta víst að Andy flippari frá Kaliforníu sé eftirminnilegasti túristinn (gaurinn með jólaseríuna). Síðan var brillíant þegar við sáum [áberandi mann í íslensku viðskiptalífi] vera draga á eftir sér kvenmann kl. 5 að nóttu til í rigningunni – eitthvað sem ég bjóst ekki við að sjá :)

Myndir! Já, já, hérna eru myndir frá seinni hluta Iceland Airwaves 2007 – ég mynni líka fólk á að tékka fyrra Airwaves 2007 settið. Allt í allt eru þetta 207 myndir. Alltaf gaman af photos – er það ekki annars?

Síðan eru öll video-in (10 stykki) sem ég tók á þessum YouTube playlista – var t.d. ekki búinn að linka í annað video með The Magic Numbers og eitt stutt með Roxy Cottontail.

Ég þarf að redda mér lögum með Annuals og of Montreal + fleiri lög með Roxy Cottontail og The Teenagers …og með fleirum ef ég rekst á það. Verst að Íslendingar geta ekki auðveldlega keypt í gegnum iTunes búlluna – jæja, maður reddar sér einhvern veginn.

Iceland Airwaves ’07 var snilld – þetta festival er ég held barasta það besta sem gerist (menningarlega séð) á Íslandi á hverju ári. Virkilega gott framlag – eiginlega bara fyndið/fáránlegt að norska ríkið sé að styrkja þessa hátíð en ekki íslenska ríkið.

Þá er bara spurning hvaða mega-band Bjössi ætlar að panta fyrir næsta Airwaves? Hvað með Rage Against The Machine?

Me without a rhyme is like a pimp without an afro

Airwaves 2007 – part 1

20. October, 2007 5 Comments

Iceland Airwaves í fullum gangi… Bjössi var með nokkuð gott review af fyrstu tveim dögunum. En ég ætla samt að pósta því sem ég var búinn að skrifa hjá mér.

Dagur 1

Eftir baddann skellti maður sér á Nasa þar sem Lights on the highway voru að spila. Fín lög – ég hélt ég hefði bara náð rétt í lokinn á prógramminu þeirra en ég náði víst öllu sem var víst alveg heil 3 lög. Eftir það kom Shadow Parade sem var allt í lagi, fínt íslenskt rokk – þeir voru með 1-2 nokkuð góð lög.

Dagur 2

Byrjaði á Nasa þar sem Best Fwends voru í hressandi spassakasti – minntu svolítið á Kid Carpet. Þetta voru bara tveir gaurar með iPod fyrir playback, 2 hljóðnema og síðan voru þeir hoppandi um sviðið, öskrandi – sýnir sig að það þarf ekki að vera mjög erfitt að búa til tónlist ;)

Eftir það kom Retro Stefson – íslenskur fjöllistahópur, fín lög. Síðan kom The Teenagers – hressandi rokk með playback af MacBook – tóku Homecoming og fengu hjálp frá söngkonunni úr Slow Club – stutt video sem ég tók:

Eftir það hoppaði maður yfir í Listasafnið af því að þar voru að fara að byrja Grizzly Bear sem var svona mælt með – þegar við komum var alveg góð röð – náði alveg út á horn. Sem betur fer fór röðin að hreyfast og maður þurfti ekki að bíða alltof lengi. Frekar skrítin tónlist – róleg, sýrukennd… Eftir að hafa gefið þeim smá séns beiluðum við Bjössi aftur á Nasa til að ná Late of the pier — þeir voru bara nokkuð góðir með kraftmikið og hressandi rokk. Reyndar skandall að þeir spiluðu bara í 30 mínútur og það virtist ekki vera mikill áhugi í áhorfendahópnum fyrir að klappa upp… Þannig að með því endaði annar dagur Airwaves.

Dagur 3

Maður var ekkert að stressa sig að mæta snemma… stefnan var tekin á Listasafnið þar sem ég var að vonast til að ná í seinni hlutann af Trentemöller – en maður lenti í frekar langri röð… maður var orðinn bjartsýnn þegar hún fór að hreyfast nokkuð hressilega en síðan þegar það var næstum komið að okkur stoppaði hún bara algjörlega og var ekki hleypt inn fyrr en Trentemöller var búinn.

En maður komst loksins inn – Múm fór að spila og maður svona hlustaði á það með öðru eyranu – ekkert að fíla þá tónlist í klessu. Ég rakst á Andra Sig í Listasafninu og hann var að flassa AAA passanum sínum – lucky bastard. Já, það getur borgað sig að vera í vefsíðubransanum ;) Loksins byrjuðu of Monreal sem var mikið stuð – mjög sáttur við að hafa tékkað á þeim. Eftir það skunduðum við á Nasa og rétt náðum í endasprettinn á GusGus – sem var algjör snilld. Á sviðið voru komnir með þeim Ghostigital, Krummi og Hairdoctor – góð stemmning. Síðan var Hr. Örlygur á kantinum þarna – kannski að hafa áhyggjur að það væri ekki verið að fylgja dagskránni nógu vel.

Síðan dróg GusGus sig í hlé og Ghostigital byrjaði að spila seamlessly – nokkuð töff. Hef ekki hlustað mikið á Ghostigital en þetta var ágætt – elektró craziness. Þegar þeir voru búnir fór maður á Lídó til að tékka á The Viking Giant Show. Að lokum endaði maður á Vegó – það var byrjað að rigna og of löng röð á Barinn þannig að maður nennti því ekki.

Jæja, nenni ekki að bulla meira – þarf að drífa mig á tónleika.

Búinn að henda inn myndum sem ég tók – 100 stykki. Nennti ekki að keyra þessar myndir í gegnum einhvern filter, laga liti og svona… hefði bara þýtt að myndirnar hefðu ekki farið á netið fyrr en kannski rétt fyrir jól ;)

Annars er pælingin að setja saman hljómsveit svo maður geti reddað sér Artista-passa fyrir næsta Airwaves. Það ætti ekki að vera svo erfitt – bara redda sér MacBook sem maður notar í playback á töktunum sem við semjum, síðan bara öskra í hljóðnema og hoppa um sviðið (sbr. Best Fwends). Síðan getur maður jafnvel bætt við gítara og þá er maður golden.

Síðan eru 2 video í viðbót sem ég tók: GusGus og The Viking Giant Show

Your hips, your thighs, you got me hypnotized