Iceland Airwaves

Iceland Airwaves 2009 – Day 3 – part 2 – fleiri myndir

18. October, 2009 Leave a Comment

…og partýið heldur áfram. Eða svona næstum því. Næst voru Micachu & The Shapes en þau voru ekki alveg að virka, passaði ekki við hljómsveitirnar á undan og eftir – hálf skrítin tónlist, var ekki alveg að fíla hana. En maður beið spenntur eftir næsta atriði, Metronomy sem er svona stærsta nafnið á Airwaves í ár. Dúndrandi góð tónlist, gífurlegur hressleiki hjá þeim ..og dansinn dunaði. Þau voru náttúrulega klöppuð upp og tóku einn hressan smell í viðbót. Mjög góð stemning í Listasafninu.

Næst rölti maður yfir á NASA þar sem The Field voru í gangi – teknó stöff, nett e-pillu stemning í gangi, eða eitthvað… ;) Ágætt stöff, en skelltum okkkur samt á Kaffibarinn á smá off-venue dót með Kasper Bjørke og Jack Schidt / Margeir / Gluteus Maximus.
Smá viðbót: KB var gjörsamlega stappaður – alltof margir þarna inni, við hefðum eiginlega ekki átt að komast inn. Metronomy kom og tékkaði á röðinni en þau voru fljót að beila.

Hef þetta “review” nú ekki lengra… en hérna er restin af myndunum frá þessu kvöldi:

Iceland Airwaves 2009 – Day 3 – part 1 – photos, baby!

17. October, 2009 3 Comments

Dagur 3 af þessari mögnuðu tónlistarhátið sem Iceland Airwaves er. Fór beint úr vinnunni til að tékka á smá off-venue í Nikita búðinni. Það var norskt þema í gangi, eitthvað búið að breyta dagskránni þannig að The New Wine spiluðu fyrst í staðinn fyrir Kakkmaddafakka. Það var reyndar einhver töf, trommusettið var ekki mætt. En maður slakaði bara á og gæddi sér á Kalda í boði hússins. Þeir byrjuðu síðan loksins… ágætis stöff, rokk í hressari kantinum. Maður lét eitt gigg nægja og hélt heim í kvöldmat… en það var ekki stoppað lengi – maður hélt aftur út til að hefja kvölddagskrána.

Maður mætti ferskur beint í Listó til að tékka á The Drums – jolly surf rokk í gangi, gott stöff. Næst voru það norsku Casiokids – gott partý stuð… Þeir náðu aldeilis að pumpa upp stemninguna – komu með maskot, gaur í bjarnabúningi/górillubúningi sem kom með risablöðrur og pumpaði upp mannskapinn, tók smá crowd surf og lét almennt öllum illum látum.

Mér finnst miklu betra þegar það eru blá ljós á sviðinu – það koma miklu betri/flottari myndir heldur en þegar það er t.d. rauð ljós.

Ég tók svo margar ljósmyndir þetta kvöld að ég skipti þessu niður í 2 parta.

Iceland Airwaves 2009 – Day 2 – góð tónlist, góðar myndir

16. October, 2009 2 Comments

Tónlistar-orgían heldur áfram… dagur 2 af Airwaves. Við mættum fyrst í Hafnarhúsið/Listasafn Reykjavíkur þar sem Lights on the Highway voru nýbyrjaðir. Mjög gott íslenskt rokk – var virkilega að fíla síðasta lagið sem þeir tóku, algjör snilld, veit bara ekki hvað það heitir :)

Á meðan það var verið að hreinsa til og setja upp græjurnar fyrir næstu hljómsveit hoppuðum við yfir í Sódóma þar sem Króna voru að spila. Stoppuðum nú stutt þar en áður en við fórum aftur í Hafnarhúsið ákváðum við að rétt líta á Motoboy sem var á Batteríinu. En það entist ekki lengi, vorum þarna í kannski 1-2 mínútur… ekki alveg okkar tebolli. En þetta er það sem er svo magnað við Iceland Airwaves hátíðina, maður getur auðveldlega samplað á hinni og þessari tónlist… það er aldrei að vita nema maður detti niður á eitthvað gott.

En við hentum okkur inn í Listasafnið þar sem Dikta voru að byrja. Gott stöff, fíla þá live, standa sig alltaf með prýðindum. Þeir eru víst að koma með nýja plötu, kannski að maður kaupi sér hana. Við biðum rólegir eftir næsta atriði sem var Choir Of Young Believers – dönsk hljómsveit, spilaði rokk í hægari kantinum en það var samt stundum ágætur kraftur í þessu – en enginn head banging/partý hressleiki.

Síðan var það síðasta bandið í Listasafninu: When Saints Go Machine – þeir voru ekki alveg að heilla mig í byrjun en þeir unnu sig upp í góða stemmningu og enduðu í hressu partý stuði – vel dansvæn tónlist.

Næst tékkuðum við á Kidcrash á Sódóma – hardcore rokk með moshpit og alles. Eftir að það var búið vorum við ekki alveg vissir hvert ætti að halda næst – tékkuðum á dagskránni og ákváðum að tékka á einhverju Bodi Bill dóti á NASA. Maður vissi ekkert um þessa hljómsveit og hafði ekki hugmynd við hverjum maður ætti að búast við. En þeir komu mjög skemmtilega á óvart – þetta voru 3 hressir Þjóðverjar sem spiluðu gífurlega hresst og hart elektró, en nokkuð melódískt.

Þetta var góð tónlistarveisla ..og þetta er bara rétt að byrja.
Tók helling af myndum…

Iceland Airwaves 2009 – Day 1 – Ramses, Retro Stefson, Dynamo Fog… – myndir, maður!

15. October, 2009 7 Comments

Já, já… Iceland Airwaves 2009 er hafið – snilld! Airwaves er klárlega stærsti menningarviðburður Íslands á hverju ári. Ég er ekki frá því að ég sé sammála Söru í Nakta Apanum með það að þetta sé skemmtilegra og meira spennandi en jólin.

Ég byrjaði að fara í Batteríið til að sjá Ramses opna hátiðina. Hann var með fínustu hljómsveit með sér. Töff íslenskt hip-hop. Rétt leit inn á Nasa þar sem maður náði nokkrum lögum með Morðingjunum – ágætis rokk í harðari kantinum. Síðan hoppaði ég yfir á Sódóma þar sem maður rétt náði í restina af Cynic Guru. Stuttu seinna fóru Retro Stefson að setja upp sínar græjur. Það var gott partý hjá Retro Stefson, gífurlegur hressleiki. Góðar líkur á að maður tékki á þeim aftur á laugardaginn á Nasa.

Næstir á dagskrá voru Dynamo Fog – var ekki alveg að fíla fyrstu lögin þeirra, kannski var það bara söngurinn, annars var þetta fínt rokk. Svo fór maður aftur yfir á Nasa þar sem Juvelen voru að ljúka sér af, veit ekki alveg… var ekkert að heilla mig upp úr skónum. Beið í smá stund eftir Kimono og hlustaði á hægt og rólegt rokk hjá þeim í smá tíma áður en maður sagði þetta gott fyrir fyrsta kvöldið af Iceland Airwaves ’09.

Þetta var bara nokkuð góð byrjun á Airwaves – hef aldrei tekið svona massívan miðvikudag áður.

Já, og sjá… það eru myndir. Ég tók náttúrulega ljósmyndir hægri vinstri eins og ég er vanur. Njótið.

Iceland Airwaves 2008 – video recap

5. December, 2008 2 Comments

OK, það er nokkuð síðan Iceland Airwaves 2008 lauk. En ég er smám saman búinn að vera setja video sem ég tók upp á netið.

Ég er að nota Vimeo af því að ég er að fíla viðmótið þar betur, spilarinn er flottari, meira clean og skemmtilegra heldur en hjá YouTube. Reyndar einn galli við Vimeo að maður getur bara upload-að 500MB á hverri viku (nema maður kaupi Pro account) – á meðan það er unlimited hjá YouTube.

Jæja, náðu þér í popp og kók… njóttu:

Day 1

Biffy Clyro – Who’s got a match @ Iceland Airwaves 2008
[Horfa á stærri útgáfu]

Biffy Clyro – Mountains @ Iceland Airwaves 2008
[Horfa á stærri útgáfu]

Biffy Clyro – Living is a problem because everything dies @ Iceland Airwaves 2008
[Horfa á stærri útgáfu]

Day 2

Fuck Buttons @ Iceland Airwaves 2008
[Horfa á stærri útgáfu]

Gus Gus @ Iceland Airwaves 2008
[Horfa á stærri útgáfu]

Gus Gus – Moss @ Iceland Airwaves 2008
[Horfa á stærri útgáfu]

Gus Gus – Moss (part 2) @ Iceland Airwaves 2008
[Horfa á stærri útgáfu]

Day 3

Kap10Kurt @ Iceland Airwaves 2008
[Horfa á stærri útgáfu]

Familjen live at Tunglið @ Iceland Airwaves 2008
[Horfa á stærri útgáfu]

Familjen – Huvudet I Sanden (part 1) @ Iceland Airwaves 2008
[Horfa á stærri útgáfu]

Familjen – Huvudet I Sanden (part 2) @ Iceland Airwaves 2008
[Horfa á stærri útgáfu]

Familjen – Det Snurrar I Min Skalle (part 1) @ Iceland Airwaves 2008
[Horfa á stærri útgáfu]

Familjen – Det Snurrar I Min Skalle (part 2) @ Iceland Airwaves 2008
[Horfa á stærri útgáfu]

Familjen – Det Snurrar I Min Skalle (part 3) @ Iceland Airwaves 2008
[Horfa á stærri útgáfu]

Familjen – Det Snurrar I Min Skalle (part 4) @ Iceland Airwaves 2008
[Horfa á stærri útgáfu]

Gus Gus (Instrumental) – Dance You Down @ Iceland Airwaves 2008
[Horfa á stærri útgáfu]

Gus Gus (Instrumental) – David @ Iceland Airwaves 2008
[Horfa á stærri útgáfu]

Simian Mobile Disco (DJ set) @ Iceland Airwaves 2008
[Horfa á stærri útgáfu]

Simian Mobile Disco: MGMT – Kids (part 1) @ Iceland Airwaves 2008
[Horfa á stærri útgáfu]

Simian Mobile Disco: MGMT – Kids (part 2) @ Iceland Airwaves 2008
[Horfa á stærri útgáfu]

Simian Mobile Disco: MGMT – Kids (part 3) @ Iceland Airwaves 2008
[Horfa á stærri útgáfu]

Day 4

Munich – The Young Ones @ Iceland Airwaves 2008 (off venue)
[Horfa á stærri útgáfu]

Yelle – Je Veux Te Voir – Live @ Iceland Airwaves 2008
[Horfa á stærri útgáfu]

Yelle – Ce Jeu – Live @ Iceland Airwaves 2008
[Horfa á stærri útgáfu]

Yelle – À Cause Des Garçons – Live @ Iceland Airwaves 2008
[Horfa á stærri útgáfu]

Jahá… þetta voru nokkur video. Ef ég reiknaði þetta rétt þá eru þetta allt í allt 16 mínútur og 53 sekúndur. Nokkuð gott – fínasta stuttmynd :)

Bestu tónleikar Airwaves 2008? Hmm… ætli það sé ekki Familjen, PNAU og Yelle – það var mesti krafturinn í þeim, mesta partýið – þótt Tunglið sé nú ekkert fáránlega hentugur tónleikastaður. Hefði verið alveg allt í lagi að losna við þenna troðning, ýting og svitabað – en það er náttúrulega bara stemmning í því ;)

Til gamans má geta að miðinn kostaði í ár 8.900 kr. – árið 2006 kostaði hann 6.900 kr. og hann hefur líklega kostað svona 7500-8000 árið 2007. Það er spurning hvað miðinn á Iceland Airwaves 2009 muni kosta… 10.900 kr.? 14.900? 19.900? ;)

Óskalistinn minn fyrir Iceland Airwaves 2009 hljóðar upp á: MSTRKRFT, The Bloody Beetroots, Steve Aoki… fleiri? Já, Little Boots (sem átti að vera núna á Airwaves 2008).

Ljósmyndirnar frá Airwaves ’08 eru hérna: Dagur 1, dagur 2, dagur 3 og dagur 4. Þetta mun hafa verið allt í allt 527 myndir, nokkuð gott :)

Hérna eru nokkrar velvaldar:

I like electro, I like retro, I like ghetto, house and techno.

Iceland Airwaves 2008 – day 4 – partýið heldur áfram – myndir!

20. October, 2008 2 Comments

Síðasti dagur Iceland Airwaves 2008. Skellti mér á smá off-venue dæmi í Skífunni – hef ekki gert það áður. Við Bjössi ætluðum að tékka á Munich sem áttu að vera kl. 17 en þegar við komum rúmlega fimm var einhver íslensk hljómsveit að stilla sér upp – greinilega búið að breyta dagskránni, aftur, án þess að tilkynna það neins staðar, aftur. En það var nú bara fínt – þetta var s.s. Mammút sem voru að spila þarna – fín íslensk tónlist. Síðan spilaði Munich kl. 18 – ágætt danskt rokk í rólegri kantinum.

Fór heim, borðaði kvöldmat og undirbjó að fara aftur út… Planið var að byrja á Listasafni Reykjavíkur en þegar við komum var röðin fyrir utan sú lengsta sem ég hef séð á Airwaves – hún náði að Tollhúsinu og lengra. Maður var ekki að nenna að húka í þessari röð í 2 tíma eða meira þannig að við ákváðum bara að fara á Tunglið þar sem var engin biðröð. Þar var Steed Lord að klára settið sitt. Næst var það Pnau sem var algjör snilld – þvílíkur kraftur í þeim, klikkað partý. Ég var líka að fíla þessa visuals sem voru á skjánum fyrir aftan þá – animated graphics fyrir hvert lag. Viðbót: Reyndar skandall að þeir kláruðu ekki settið sitt af því að rafmagnið klikkaði eitthvað, slökknaði á græjunum í miðju lagi…

Næst á dagskrá var Crystal Castles – það var svona nett geðveiki, crazy hardcore elektró og söngkonan var svona nett psycho á því. Þegar þau voru búin henti trommarinn trommusettinu ofan á áhorfendur – rock & roll.

Þá beið maður bara spenntur eftir aðalatriðinu, Yelle. Það var náttúrulega snilld, klikkað partý og ég lifði tónleikana af án þess að slasa mig alvarlega ;) Smá photo mania í gangi – tók alveg slatta af myndum af Yelle. You have been warned… Total pakkinn fyrir þetta kvöld er 229 myndir. Eftir Yelle var það bara áfram partý, partý, partý… Hópurinn fór á Nasa og síðan aftur á Tunglið.

Ég hefði nú verið til í að sjá CSS og Vampire Weekend en kvöldið heppnaðist samt mjög vel, var í raun algjör snilld. Það hefði pottþétt endað allt öðruvísi ef maður hefði komist inn á Listasafnið, þá hefði maður hugsanlega ekki komist inn á Tunglið til að sjá Yelle.