Iceland Airwaves

Iceland Airwaves 2008 – day 3 – elektró partý á Tunglinu – myndir

18. October, 2008 1 Comment

Þriðji dagur Iceland Airwaves ’08, húrra fyrir því. Maður fór beinasta leið á Tunglið og var þar allt kvöldið – nokkuð heppilegt þegar það er góð dagskrá allt kvöldið á einum stað, þá þarf maður ekki að vera hlaupa á milli tónleikastaða og bíða í biðröð í skítakulda. Við mættum kringum 21 og þá voru BB & Blake að klára settið. Maður sá á einum vegg þarna dagskrána fyrir kvöldið og það var örlítið öðruvísi en plan-ið í official schedule bæklingnum sem maður var að nota til að plana Airwaves kvöldin. Það var búið að breyta tímasetningunum aðeins, taka út Michael Mayer og bæta við Kap10Kurt. Veit ekki af hverju…

Þótt það hafi nú ekki haft mikil áhrif á mig þá finnst mér frekar lélegt að breyta dagskránni án þess að tilkynna það neins staðar. Það hefði nú ekki verið flókið að tilkynna það á icelandairwaves.is eða senda póst á póstlistann – jafnvel að pósta því á twitter (af hverju er Iceland Airwaves ekki með twitter account?).

Eftir BB & Blake tóku við Bloodgroup – kúl stöff, flott íslenskt elektró. Svo kom Kap10Kurt sem af hreim aðal gaursins að dæma er líklega þýskur – mjög góð keyrsla í gangi, hardcore electro. Nordpolen voru næstir – það var engin geðveik stemmning í þeim, það fækkaði líka töluvert á staðnum eftir Kap10Kurt.

En það var fljótt að fyllast aftur – greinilega mikill áhugi fyrir næsta atriði, Familjen. Það var gjörsamlega stappað á stuttum tíma. Gífurlegur troðningur og maður ósjálfrátt endaði nánast fremst í þvílíku svitabaði – en það er bara stemmning í því… Familjen voru að gera góð hluti – áhorfendur voru alveg að missa sig og nokkrir hrópuðu ákaft eftir slagaranum Det snurrar i min skalle sem er örugglega eina lagið sem margir þarna hafa heyrt.

Síðan sá maður gusgus annað kvöldið í röð, í þetta skiptið var þetta Gus Gus (Instrumental) – s.s. með minimal söng. Gott session – voru að taka marga góða slagara sem var áhugavert að heyra instrumental.

Síðasta sem maður sá var Simian Mobile Disco – var reyndar ekki alveg full mannað, bara einn gaur að DJ-ast en gott session, gott partý.

Photos. Photos. Photos. Fullt af ljósmyndum! Check it…

Iceland Airwaves 2008 – day 2 – Fuck Buttons, Gus Gus og Young Knives – myndir

17. October, 2008 4 Comments

Annar dagur Airwaves ’08. Mætti svona í seinna lagi, kringum 22, á Listasafn Reykjavíkur þar sem Fuck Buttons voru byrjaðir að spila. Mjög sérstök tónlist sem þeir spila – temmilegt elektró surg, en þeir voru með ágætlega melódískt surg inn á milli. Ég var líka að fíla trommu session-ið þeirra. Áhugavert stöff…

Síðan var það tríóið Gus Gus sem steig á stokk. Þeir voru að spila mestmegnis nýtt stöff af væntanlegri plötu (ég kannaðist alla vega ekki alveg við það sem þeir voru að spila) en tóku síðan Moss í lokinn og þá varð allt vitlaust. Góð keyrsla hjá þeim en ég veit ekki alveg með þessi nýju lög, voru ekki alveg að grípa mig strax (ekki eins mikið og gömlu góðu Gus Gus slagararnir) en kannski þarf maður bara að hlusta á þetta nokkrum sinnum. Þeir voru með kúl ljósa-show og síðan voru þeir með gervisnjó til að skapa smá rave stemmningu.

Eftir að það var búið að klappa Gus Gus upp og þeir búnir með uppklöppunar-lagið hélt maður áleiðis á Nasa til að tékka á Young Knives. Hressir og nördalegir indie-rokkarar frá Englandi. Ágæt lög hjá þeim, ekkert æðislegt, en fín indie rokk lög.

Photos? You betcha! Fullt af ljósmyndum… sumir myndu kannski segja of mikið af myndum – en það er svona þegar maður er trigger-happy.

Iceland Airwaves 2008 – day 1 – Biffy Clyro – MYNDIR!

16. October, 2008 3 Comments

Iceland Airwaves 2008 er byrjað. Algjör snilld, þetta er eiginlega hápunktur hvers árs hvað varðar það sem er að gerast hérna á klakanum, alla vega tónlistarlega séð. Við fórum á Nasa beint eftir baddann – grenjandi rigning og killer löng röð fyrir utan. En sem betur fer komst maður frekar fljótt inn. Þar voru rótararnir að gera allt ready, glamra á gítara og trommur, 1, 2, hello… Agent Fresco voru greinilega nýbúnir.

Maður beið spenntur eftir Biffy Clyro – var búinn að hlusta á þá smá áður og var að fíla ágætlega. Mjög góðir tónleikar hjá þeim – fullt af góðum lögum og þeir rokkuð feitt. Temmilega hart – enda var þetta Kerrang! kvöld.

Já, já, Iceland Airwaves ’08 rétt að byrja og geri ráð fyrir að þetta verður gott fjör og mikið eyrnakonfekti eins og fyrri ár – hlakka til að sjá Yelle, CSS (eða Cansei de Ser Sexy sem þýðir víst “þreyttur á að vera kynþokkafullur” – skemmtilegt nafn), Simian Mobile Disco og önnur hress bönd.

Já, ljósmyndir! Slatti af myndum af Biffy Clyro… Mér finnst tónleikamyndir frekar skemmtilegar – það er yfirleitt frekar dimmt en síðan hellingur af ljóskösturum í gangi í mismunandi litum (svart og neon-ljós er að lúkka) og svo mikið action, allt á hreyfingu. Kemur oft skemmtilega út.

Airwaves 2007 – part 2

24. October, 2007 5 Comments

Iceland Airwaves 2007 búið… ég er strax farinn að hlakka til Airwaves 2008.

Dagur 4

Þá var það dagurinn sem maður var búinn að bíða eftir… Maður fór beint á Listasafnið – mjög sáttur hvað það var stutt röð og hvað maður var fljótur inn – líklega þar sem það var svo mikið annað í gangi annars staðar (bæði kostur og galli). En við mættu stuttu áður en Annuals byrjuðu. Ég var bara að fíla Annuals nokkuð vel – hafði eiginlega ekkert heyrt í þeim áður en það var bara mjög góður kraftur í þeim – dugleg á trommurnar. Síðan voru þau skiftandi um hljóðfæri – m.a. bara í miðju lagi – mixing it up. Söngvarinn fór t.d. á trommurnar og þá fór annar af tveim trommurum á gítar. Gott stöff.

Hérna eru þau að taka eitt hressandi lag (veit ekki hvað það heitir):

Meðal áhorfandanna var gaur að búa til hatta úr dagblöðum og dreifa þeim út um allt, fólk var síðan byrjað að hjálpa honum að búa til fleiri hatta – áhugaverður gjörningur. Strax eftir Annuals myndaðist (eins og við mátti kannski búast) töluverð löng röð á klósettið. En það lá líklega meira á sumum þar sem gaurar voru byrjaðir að míga í vaskinn – nice. Hvernig er það, eru ekki klósett á 2. hæðinni? Annað – á undan Bloc Party var spilað alveg dúndrandi partý dans tónlist – Darude, Aphex Twin og annað hressandi. Mér fannst eitthvað skrítið við að hita þannig upp fyrir rokk-tónleika, en fólkið var greinilega að fíla þetta – dans tónlist kemur manni alltaf í gott stuð.

Þá var það bara að bíða eftir aðal númeri hátíðarinnar: Bloc Party. Eins og alvöru rokkurum sæmir létu þeir bíða smá eftir sér – held að þeir hafi byrjað svona 20 mínútum á eftir dagskránni. En þetta voru brillíant tónleikar eins og við mátti búast – tóku alla helstu slagarana og héldu uppi góðri stemmningu. Reyndar skandall að það var eins og þeir gerðu ekki ráð fyrir að láta klappa sig upp, eða nenntu því ekki – það var alla veganna alveg slatti af fólki sem reyndi að klappa þá upp en það var bara sett eitthvað Grease lag í hljóðkerfið og ljósin kveikt.

Hérna er Bloc Party að taka Banquet:

Endirinn á Flux:

..og síðan Like Eating Glass:

Eftir þetta var maður ekki alveg viss hvert skildi halda… En við ákváðum að fara á Gaukinn þar sem hr. partý var þar. Þegar við komum var FM Belfast að klára settið sitt – hellingur af fólki á sviðinu og það virtist vera ágæt stemmning í gangi. Þegar þau voru búin ákváðum við Bjössi að tjillla aðeins á meðan við kláruðum bjórinn okkar. Eftir það komu tvær hressar gellur frá NYC – Roxy Cottontail. Samkvæmt MySpace síðunni hennar (Roxy er víst bara ein gella, hin gellan var líklega vinkona hennar sem hjálpar stundum til) spilar hún “Rap / Punk / Disco House”. Hvað sem þetta var þá var ég að fíla það.

Smá tóndæmi:

Roxy Cottontail – Playmate (Jesse Rose remix)

Næst var haldið á Barinn þar sem Moonbootica héldu upp góðri elektró-dans stemmningu þar sem maður dansaði af sér rassgatið langt fram á nótt. hr. partý var með fáránlega töff gleraugu sem fara öllum alveg skuggalega vel ;)

Dagur 5

Þá var það lokahnykkurinn – fórum á Nasa og náðum síðasta laginu hjá Horsebox. Síðan byrjuðu The Magic Numbers alveg á slaginu. Þau voru mjóg góð. Virkilega pro performance – lögðu mikið í þetta. Þau spiluðu bæði rólega og hress rokk lög – flottur endir á Airwaves. Fannst reyndar magnað að þau voru með lengra show en Bloc Party – ca. 1,5 klst. – kannski áttu þau bara til meira efni.

Hérna eru þau að flytja… já, nei, veit ekki hvaða lag þetta er – finnst samt ég hafa heyrt það áður – veit einhver hvaða lag þetta er?:

Uppfært: maple segir að þetta sé lagið Love Me Like You:

Þar hafiði það… Iceland Airwaves árið 2007.

Það er magnað hvað það er svo allt öðruvísi að upplifa tónlist live – tónlist sem maður hlustar á í tölvunni og finnst vera svona “meh, allt í lagi” getur verið virkilega góð live. Maður verður að muna að fara reglulega á tónleika – alltaf hressandi.

Ég held að það fari ekkert á milli mála að Bloc Party stóð upp úr Iceland Airwaves 2007. En eins og í fyrra þá lendir maður oft í að rekast á bönd sem maður veit ekkert um en koma manni skemmtilega á óvart – þetta árið var það Roxy Cottontail. Eiginlega bara heppni að maður tékkaði á þeim… of Monreal voru líka mjög góð ..og Annuals – ok, ok, þetta var mest allt brilliant :)

Hefði í rauninni getað farið á mun fleiri tónleika en ég er nokkuð sáttur við það sem ég sá – live tónlist 5 daga í röð er nokkuð gott. Spurning að reyna kannski að mæta fyrr á næsta ári – sjáum til…

Held að það sé næsta víst að Andy flippari frá Kaliforníu sé eftirminnilegasti túristinn (gaurinn með jólaseríuna). Síðan var brillíant þegar við sáum [áberandi mann í íslensku viðskiptalífi] vera draga á eftir sér kvenmann kl. 5 að nóttu til í rigningunni – eitthvað sem ég bjóst ekki við að sjá :)

Myndir! Já, já, hérna eru myndir frá seinni hluta Iceland Airwaves 2007 – ég mynni líka fólk á að tékka fyrra Airwaves 2007 settið. Allt í allt eru þetta 207 myndir. Alltaf gaman af photos – er það ekki annars?

Síðan eru öll video-in (10 stykki) sem ég tók á þessum YouTube playlista – var t.d. ekki búinn að linka í annað video með The Magic Numbers og eitt stutt með Roxy Cottontail.

Ég þarf að redda mér lögum með Annuals og of Montreal + fleiri lög með Roxy Cottontail og The Teenagers …og með fleirum ef ég rekst á það. Verst að Íslendingar geta ekki auðveldlega keypt í gegnum iTunes búlluna – jæja, maður reddar sér einhvern veginn.

Iceland Airwaves ’07 var snilld – þetta festival er ég held barasta það besta sem gerist (menningarlega séð) á Íslandi á hverju ári. Virkilega gott framlag – eiginlega bara fyndið/fáránlegt að norska ríkið sé að styrkja þessa hátíð en ekki íslenska ríkið.

Þá er bara spurning hvaða mega-band Bjössi ætlar að panta fyrir næsta Airwaves? Hvað með Rage Against The Machine?

Me without a rhyme is like a pimp without an afro

Airwaves 2007 – part 1

20. October, 2007 5 Comments

Iceland Airwaves í fullum gangi… Bjössi var með nokkuð gott review af fyrstu tveim dögunum. En ég ætla samt að pósta því sem ég var búinn að skrifa hjá mér.

Dagur 1

Eftir baddann skellti maður sér á Nasa þar sem Lights on the highway voru að spila. Fín lög – ég hélt ég hefði bara náð rétt í lokinn á prógramminu þeirra en ég náði víst öllu sem var víst alveg heil 3 lög. Eftir það kom Shadow Parade sem var allt í lagi, fínt íslenskt rokk – þeir voru með 1-2 nokkuð góð lög.

Dagur 2

Byrjaði á Nasa þar sem Best Fwends voru í hressandi spassakasti – minntu svolítið á Kid Carpet. Þetta voru bara tveir gaurar með iPod fyrir playback, 2 hljóðnema og síðan voru þeir hoppandi um sviðið, öskrandi – sýnir sig að það þarf ekki að vera mjög erfitt að búa til tónlist ;)

Eftir það kom Retro Stefson – íslenskur fjöllistahópur, fín lög. Síðan kom The Teenagers – hressandi rokk með playback af MacBook – tóku Homecoming og fengu hjálp frá söngkonunni úr Slow Club – stutt video sem ég tók:

Eftir það hoppaði maður yfir í Listasafnið af því að þar voru að fara að byrja Grizzly Bear sem var svona mælt með – þegar við komum var alveg góð röð – náði alveg út á horn. Sem betur fer fór röðin að hreyfast og maður þurfti ekki að bíða alltof lengi. Frekar skrítin tónlist – róleg, sýrukennd… Eftir að hafa gefið þeim smá séns beiluðum við Bjössi aftur á Nasa til að ná Late of the pier — þeir voru bara nokkuð góðir með kraftmikið og hressandi rokk. Reyndar skandall að þeir spiluðu bara í 30 mínútur og það virtist ekki vera mikill áhugi í áhorfendahópnum fyrir að klappa upp… Þannig að með því endaði annar dagur Airwaves.

Dagur 3

Maður var ekkert að stressa sig að mæta snemma… stefnan var tekin á Listasafnið þar sem ég var að vonast til að ná í seinni hlutann af Trentemöller – en maður lenti í frekar langri röð… maður var orðinn bjartsýnn þegar hún fór að hreyfast nokkuð hressilega en síðan þegar það var næstum komið að okkur stoppaði hún bara algjörlega og var ekki hleypt inn fyrr en Trentemöller var búinn.

En maður komst loksins inn – Múm fór að spila og maður svona hlustaði á það með öðru eyranu – ekkert að fíla þá tónlist í klessu. Ég rakst á Andra Sig í Listasafninu og hann var að flassa AAA passanum sínum – lucky bastard. Já, það getur borgað sig að vera í vefsíðubransanum ;) Loksins byrjuðu of Monreal sem var mikið stuð – mjög sáttur við að hafa tékkað á þeim. Eftir það skunduðum við á Nasa og rétt náðum í endasprettinn á GusGus – sem var algjör snilld. Á sviðið voru komnir með þeim Ghostigital, Krummi og Hairdoctor – góð stemmning. Síðan var Hr. Örlygur á kantinum þarna – kannski að hafa áhyggjur að það væri ekki verið að fylgja dagskránni nógu vel.

Síðan dróg GusGus sig í hlé og Ghostigital byrjaði að spila seamlessly – nokkuð töff. Hef ekki hlustað mikið á Ghostigital en þetta var ágætt – elektró craziness. Þegar þeir voru búnir fór maður á Lídó til að tékka á The Viking Giant Show. Að lokum endaði maður á Vegó – það var byrjað að rigna og of löng röð á Barinn þannig að maður nennti því ekki.

Jæja, nenni ekki að bulla meira – þarf að drífa mig á tónleika.

Búinn að henda inn myndum sem ég tók – 100 stykki. Nennti ekki að keyra þessar myndir í gegnum einhvern filter, laga liti og svona… hefði bara þýtt að myndirnar hefðu ekki farið á netið fyrr en kannski rétt fyrir jól ;)

Annars er pælingin að setja saman hljómsveit svo maður geti reddað sér Artista-passa fyrir næsta Airwaves. Það ætti ekki að vera svo erfitt – bara redda sér MacBook sem maður notar í playback á töktunum sem við semjum, síðan bara öskra í hljóðnema og hoppa um sviðið (sbr. Best Fwends). Síðan getur maður jafnvel bætt við gítara og þá er maður golden.

Síðan eru 2 video í viðbót sem ég tók: GusGus og The Viking Giant Show

Your hips, your thighs, you got me hypnotized

Iceland Airwaves 2007

17. October, 2007 4 Comments

Fyrsti dagur Iceland Airwaves þannig að ég ætla að henda upp smá færslu. Airwaves er töff tónlistarhátíð – hellingur af alls konar hljómsveitum, bæði þekktum og öðrum sem maður hefur heyrt minna um… Sem er bara gott mál – alltaf gaman að uppgötva nýja (og skemmtilega) tónlist. Ég hef farið á Airwaves síðust tvö ár og haft gaman af. Árið 2004 tékkaði ég víst bara á Hermigervli á Kapital (RIP) – það hefur líklega ekki verið mikið annað á hátíðinni þá sem var að heilla mig. 2003 var ég í Danmörku – veit ekki hvort ég missti af einhverju merkilegu. En síðan minnir mig að ég hafi farið á Airwaves 2002 (held meira að segja að ég hafi keypt armbandið af Gunna Who – hann fór á fyrri helminginn og ég sá þann seinni) og séð m.a. Fatboy Slim [og The Hives, Blackalicious, Rapture…] – held að það hafi verið fyrsta Airwaves hátíðin sem ég fór á. Hátíðin hefur smám saman orðið stærri og stærri, fengið stærri bönd og fleiri túrista sem gera sér ferð til Íslands til að djamma í Reykjavík.

Til að koma í veg fyrir að mega-raðar skandallinn 2005 endurtaki sig hafa þeir farið út í að selja færri miða (og hækka miðaverðið í leiðinni) + þeir setja vinsælar hljómsveitir á sama tíma þannig að fólk þarf að velja og hafna. Til dæmis setja þeir GusGus og of Montreal bæði kl. 0:00 á föstudeginum. GusGus stendur nú alltaf fyrir sínu þannig að það laðar að – en fólk hefur verið að mæla með of Montreal þannig að… fyrst maður hefur nú séð GusGus nokkrum sinnum live þá er pæling að fórna þeim fyrir eitthvað sem maður hefur ekki séð áður. Kemur í ljós…

Annars er maður nú ekki með neitt nákvæmt plan, fyrir utan Bloc Party (sem Bjössi óskaði sérstaklega eftir). hr. partý er nú með nokkuð pro schedule – excel og allar græjur, kannski maður steli einhverju þaðan. Síðan er nokkuð töff tól á síðunni hjá Hermigervli (sem Hjalti bjó víst til) til að búa til sína eigin Airwaves dagskrá.

Síðan gæti verið að maður tékki á einhverju off venue dóti. Hef reyndar ekkert sérstakt í huga – en maður hefur ekkert farið á off venue prógrammið síðustu ár og það gæti verið fjör að skoða það. Verð að stúdera off-venue dagskrána á icelandairwaves.com betur. Möguleiki að maður tékki á Amiina í Fríkirkjunni á laugardeginum – eru þær ekki voða hipp og kúl, að meika það í útlöndum og svona?

Annars var maður að frétt að The Magic Numbers verða víst ein af þessum “TBA” hljómsveitum á sunnudaginn. Var að tékka á síðunni þeirra og þetta virðist vera fínasta indie rokk – þannig að maður fer pottþétt á það.

Til að hita upp fyrir Iceland Airwaves er hérna smá hlust:

GusGus – David (Darren Emerson mix)

Bloc Party – The Prayer
Bloc Party – She’s hearing voices

Trentemøller – Beta Boy

Síðan var mér bent á The Teenagers – gífurlega hressandi lyrics í laginu Homecoming

I’ll show you who’s rock’n’roll