I am official station

Gull, reykelsi og myrra

5. December, 2005 Leave a Comment

Það var víst ekki alveg eins mikið hangs og ég hafði gert ráð fyrir eftir síðasta prófið. Ég slappaði náttúrulega vel af en það vildi svo til að það vantað einhvern í afleysingar við útkeyrslu þannig að ég hljóp í skarðið.

En það er ekki svo slæmt að vinna stöku sinnum – maður fær náttúrulega smá auka pening – en síðan er maður líka að hlusta á útvarpið sem maður hefði líklega ekki gert hefði maður ekki verið að keyra út vörur. Það vildi svo skemmtilega til að þegar ég var að afhenda klósettupphækkun eða eitthvað á Melhaga var ég að browse-a á milli útvarpsstöðvanna og leita að einhverju skemmtilegu… Ég lenti á KissFM þar sem þeir voru með einhvern jólaleik.

Þar sem leikir ýmiskonar vekja yfirleitt áhuga minn ákvað ég að staldra við og tékka aðeins á þessu. Var nú samt ekki alveg að nenna að hringja inn þar sem maður þarf nú oft að hringja inn svona 10 mínútum fyrir til að ná inn. Doddi tók inn hlustanda og lagði fyrir hann spurningu: “Vitringarnir sem heimsóttu jesúbarnið, hvað voru þeir margir og hvaða gjafir komu þeir með?”. Gaurinn svaraði: “Þeir voru 12… nei, uh, 3 og þeir komu með myrru… og, uh…”. Þá var Doddi ekki að nenna þessu: “5, 4, 3, 2, 1… sorry, við þurfum að taka inn annan hlustanda.”. Þá brást ég hinn snarasti við og hringdi inn – og viti menn, ég náði strax inn. Þar sem ég stundaði nú sunnudagsskólann af kappi á sínum tíma var ég náttúrulega með þetta allt á hreinu. Vitringarnir voru 3 og þeir komu með gull, reykelsi og myrru.

Bingó! Jackpot! Í vinning fyrir þetta mikla afrek mitt að hafa svona lágmarksþekkingu á þessu jóladóti þá fékk ég flugmiða fyrir 2, til og frá London/Köben einhvern tíman kringum jólin! ..and I quote: “Ég er ekki búinn að fara í ruglferð til útlanda í alltof langan tíma og þarf að gera eitthvað í því – jafnvel næsta vor/sumar eða bara um jólin…”. Viti menn, það rættist bara úr því :)

Þannig að ég mun að öllum líkindum vera í London með ónefndum lögfræðinema dagana 17.-21. desember. Garanteraðir punktar: túrismi, Ministry of Sound klúbburinn, almennt kaupæði (eða svona eins og fátækir námsmenn geta leyft sér) og góð jólastemmning í London.

En að öðrum hlutum… Námskeiðið í tölvusjón heldur áfram, nokkur skemmtileg atriði sem er fjallað um eru meðal annars eftirlitskerfi sem geta greint einstakar persónur og elt þær eins og í Las Vegas – og svona ryksugu-róbot eins og í Arrested Development.

OK, ég vil ekki hjóma eins og gamall kall en hvert er heimurinn að fara þegar unglingar hrækja í strætó?! Var á leiðinni upp í skóla þegar það komu nokkrir krakkar í strætóinn á Bústaðaveginum – “punks” væri líklega ágætt orð til að lýsa þeim (samt ekki pönkarar sko). Síðan þegar ein stelpan gekk aftur í strætóinn hrækti hún beint á gólfið eins og ekkert væri sjálfsagðara! ..og þetta var ekkert lítil slumma. Ég veit ekki… ég var alla veganna orðlaus – ég meina, hvað er málið?!

En svona á léttari nótunum, þá er þetta BARA fyndið: Q-Unit – Greatest Hits

random quote | They wouldn’t evict you at Christmas. You’d be ho-ho-homeless.

Iceland Airwaves 2005 – Part 2

8. November, 2005 5 Comments

Bíddu, það var víst einhver ástæða fyrir því að ég kallaði síðustu færslu “Part 1“… jú, það átti að koma framhald. Búið að vera svona temmilega mikið að gera þannig að ég er búinn að vera fresta því að blogga um síðari hluta Iceland Airwaves hátíðarinnar. Here goes… [já, og þar sem það er nokkuð síðan að ég bloggaði síðast fáið þið stóran bita núna]

Dagur 3

Maður byrjaði á Nasa þar sem maður náði síðari hlutanum af Au Revoir Simone sem voru 3 laglegar stelpur að spila rólegt popp. Eftir það dreif ég mig að Hafnarhúsinu til að reyna sleppa við að bíða í röð að eilífu til að sjá Juliette & the Licks… þegar ég kom 40 mín áður en tónleikarnir áttu að byrja var komin löng röð og hún færðist hægt. Ég beið í 50 mín og komst loks inn, eins gott, var alveg að frjósa og að pissa á mig.

Loksins þegar ég komst inn gekk ég að portinu og leit í átt að sviðinu. Fyrsta sem ég hugsaði var: “Damn hvað hún er sexy á sviðinu…” og dreif mig síðan á klósettið. Þegar maður var búinn að losa vatn labbaði ég svona smám saman nær og nær sviðinu. Þetta var virkilega gott show – gífurlegur kraftur í Juliette. En ég verð að skjóta einu inn: NIPPLES! Hún var í vel toight outfit-i. Þegar þau þökkuðu fyrir sig og gengu af sviðinu var nokkuð ljóst að þau ætluðu að láta klappa sig upp – ég meina, þau voru einu sinni ekki búin að taka You’re Speaking My Language. Jú, jú, þau voru klöppuð upp og tóku CSI lagið (Who Are You með The Who), You’re Speaking My Language og Iggy Pop lagið Search and Destroy. Juliette tók síðan nett crowd surf – shiiit hvað hún var rennblaut af svita… ég er náttúrulega ekki búinn að þvo hendurnar mínar síðan. Þetta voru topp tónleikar. Get alveg sagt að þessi 50 mínútna biðröð var vel þess virði.

Næst ætlaði ég að tékka á Nasa en það var örugglega svona 45 mín biðröð þar og ég ætlaði hvort sem er ekki að vera þar lengi þannig að ég fór á Gaukinn þar sem The Fiery Furnaces voru að spila hresst rokk.

Tékkaði síðan á Pravda og beið þar eftir Donna Mess sem átti víst að vera eitthvað stelpna-tríó í anda Peaches… góð stemmning þar en vel troðið. Síðan var rölt eitthvað um bæinn.

Dagur 4

Kvöldið byrjaði rétt fyrir 10 þar sem ég kom að þessari risa-biðröð við Nasa. Maður byrjaði í biðröðinni bókstaflega við Alþingishúsið… og maður beið og beið og beið… Maður var ekki beint í Kraft-gallanum þannig að maður þurfti að vera sífellt iðandi eins og gaur með Parkinson’s til að frjósa ekki í hel. Maður var að vonast til að röðin myndi eitthvað hreyfast þegar vissir tónleikar voru búnir og eitthvað lið myndi labba út úr Nasa – en það var ekki alveg að gerast. Fólk greinilega hélt sér bara inni og horfði á tónleika eftir tónleika hugsanlega vitandi hvað það var heppið að hafa komist inn á meðan við hin stóðum úti í kuldanum eins og litla stelpan með eldspíturnar og heyrðum bara í bassadrununum. Eitt sem aðstandendur Iceland Airwaves hefðu mátt gera til að gera vel að þessum tónlistarunnendum sem voru ekki að borga 6000 kall til að standa úti í kuldanum í biðröð: Gashitarar! Það hefði alveg reddað málunum og hefði gert það bærilegra að bíða þarna.

Jæja, þetta endaði þannig að ég beið þarna í svona 2 klukkutíma og komst einu sinni ekki inn! Eftir á að hyggja hefði maður náttúrulega átt að beila miklu fyrr. En fyrst þegar maður mætti hugsaði maður með sér, þetta er svona tops klukkutíma biðröð og það er ekki mikið annað í gangi sem ég hef brennandi áhuga á þannig að ég ætla að láta mig hafa það… en eftir 1,5 klst. bið þarna fór maður að spá í tilgangnum, hvort þetta væri besta nýtingin á tímanum mínum… Maður var bara alltaf að spá, ég er nú búinn að bíða svona lengi nú þegar – get ekki hætt við núna – og síðan var röðin örlítið að mjakast smá og smá… En þegar maður fór að heyra sögur um fólk sem var fremst og búið að vera meter frá inngangnum í klukkutíma án þess að hreyfast fór maður verulega að íhuga að gefast upp á þessu… og að lokum hljóp maður eins hratt og frosnu staurfæturnir gátu borið mann inn á Thorvaldsen til að hlýja sér aðeins.

Síðan var haldið að Gauknum til að maður gæti nú séð einhverja tónleika, ég leit í áttina að Hafnarhúsinu, en það leit hálf dautt út – gerði ráð fyrir að The Zutons væru búin að spila þannig að ég tékkaði ekki frekar á því. Seinna frétti ég reyndar af því að þau voru ekki alveg búin þegar ég fór í röð hjá Gauknum – bömmer, hefði kannski náð svona 20 mín af þeim… en ég græddi í staðinn að þurfa bíða í styttri tíma í röð á Gauknum, vííí. Þegar ég komst inn á Gaukinn voru Ensími að spila – ágætt stöff þar. Síðan tók við The (International) Noise Conspiracy sem spiluðu kröftugt sænskt rokk. Mér fannst þetta eitthvað minna mig örlítið á The Hives, bara mun harðara. Söngvarinn var í fullu fjöri og tók mjög áhugavert crowd surf með því að hanga í rörum í loftinu og standa á áhorfendum.

Þegar “T(I)NC” voru búnir að ljúka sér af var klukkan svona 2:20 og ætlaði ég að reyna ná síðari hluta af tónleikum Gus Gus, alla veganna tékka á röðinni. Ég skundaði að Nasa og viti menn, röðin var bara nánast horfin. Ég beið þarna í nokkrar mínútur en áður en ég komst inn sá ég fjórar löggur labba inn og stuttu síðar labba út leiðandi stelpu og strák. Ætli einhverjir hafi ætlað að græða smá á Gus Gus tónleikunum? Kannski að sumir hafi ekki verið í eins miklu “stuði” og þeir hefðu verið…?

En ég verð að segja að þrátt fyrir að þetta síðasta kvöld hátíðarinnar (að undanskildum bónustónleikunum á Gauknum á sunnudaginn) hafi byrjað illa þá redduðu Gus Gus algjörlega kvöldinu. Þetta voru bara brilljant tónleikar eins og þeir gerast bestir! Það var veeel crazy stemmning þarna á dansgólfinu og var maður alveg að fíla sig. Það virðist sem ég hafi náð alveg meiri hlutanum af tónleikunum þar sem þau voru að spila til 4. Þau enduðu á David og þá varð náttúrulega allt vitlaust! Klárlega eitt besta lag sem maður hefur heyrt á tónleikum. Ég vil koma fram nokkrum punktum: Paul Oscar ætti pottþétt að taka fleiri session með Gus Gus (“If there is truth, the truth is Paul Oscar!”), ekki alveg að fatta af hverju Daníel Ágúst hætti með Gus Gus en gott hjá honum að taka stundum lög með þeim og já… kampavín svíður í augun.

Þetta endurbætta logo fyrir Iceland Airwaves 2005 lýsir því nokkurn veginn hvernig stemmningin var á hátíðinni, sérstaklega laugardaginn. En þetta var samt sem áður mjög skemmtileg hátíð og það er mjög líklegt að maður skelli sér aftur næsta ár.

Það sem stendur upp úr Iceland Airwaves 2005 eru Juliette & The Licks og Gus Gus.
Það sem stendur niður úr Iceland Airwaves 2005 eru biðraðir og kuldi.

Myndir frá Airwaves: IcelandAirwaves.com, Rjominn.is, Sigurjon.com, flickr, flickr tag: airwaves2005

Hver vill koma með mér í menningarferð til Frakklands? Áætlunin er að skoða París og nágrenni og kveikja í 2-3 bílum eða svo bara svona til að falla í hópinn.

Hvað er málið með þessar auglýsingar á forsíðu Fréttablaðsins síðustu daga sem eru að plögga bloggið http://www.rokland.blogspot.com/?! Þessar auglýsinar eru búnar að vera efst í hægra horninu á forsíðunni síðustu 4 daga og innihalda oftast einhverjar heimspekilegar setningar og óljósa grafík (Maarud snakk poka, einhver að halda á byssu…). Annað líka, annað hvort eru dagsetningarnar vitlausar eða þá er frekar langt síðan það var bætt eitthvað við þetta blogg. Höfundurinn “Böðvar H. Steingrímsson” er einu sinni ekki til í þjóðskránni. Það eru samt einhver tengsl við Hallgrím Helgason… (alla veganna nokkrir tenglar á efni um hann). Ætli þetta sé ekki eitthvað svipað og Sex with humans is boring verkefnið sem dóttir Hallgríms Helgasonar er að gera fyrir LHÍ? Er þetta það nýjasta – blogglist? Getur maður búist við að sjá hin ýmsu blogg til sýnis næst þegar maður tékkar á Listasafni Reykjavíkur?

Núna reyndar þegar ég skoða blaðið í dag aftur sé ég að þetta er mynd af Hallgrími Helgasyni þarna. Það er aldeilis að listamenn geta spreðað peningum til að plögga bloggið sitt. Auglýsing þarna efst í hægra horninu kostar 63.000 kr + VSK per dag. Sem gerir 313.740 kr. fyrir þessa 4 daga. Ég veit ekki með aðra bloggara en ég ætla ekki að henda rúmlega 300.000 kalli í að auglýsa bloggið mitt. Hann er einu sinni ekki með neinn tracker eða neitt til að sjá hversu margir eru að skoða bloggið hans þannig að hann veit ekkert hvort að auglýsingin virkaði eða ekki. Það gæti reyndar verið einhver tengsl við auglýsingastofuna Hvíta Húsið þar sem header-grafíkin og MP3 skráin í nýjasta póstinum er geymt á http://www.hvitahusid.is Kannski vinnur hann þar?

OK, þetta skrifaði ég í gær en ég náði ekki að klára þetta blogg þannig að ég pósta þessu bara núna. En í dag kom í ljós að “Rokland” er víst nafnið á nýjust bók hans Hallgríms Helgasonar. Það er aldeilis, persónur í bókum eru bara komnar með sitt eigið blogg…

Þetta er náttúrulega bara magnað: Paris Hilton alltaf með sama lúkkið.

Hannes mælir með: Kiss Kiss, Bang Bang – ekki oft sem maður bókstaflega grenjar af hlátri.

random quote | Where is the best jam street?

Iceland Airwaves 2005 – Part 1

21. October, 2005 2 Comments

Ég er ekki búinn að fara á neina tónleika í ár – sem er náttúrulega skandall af því að maður þarf nú að skella sér reglulega á tónleika. Í fyrra fór ég á mjög marga tónleika en það þýðir samt ekki að ég eigi að sleppa því þetta árið. Þess vegna greip ég tækifærið þegar mér bauðst að kaupa miða á Iceland Airwaves fyrir Vildarpunktana mína sem ég hefði hvort sem er ekki notað.

Dagur 1

Festivalið byrjaði á miðvikudaginn og þrátt fyrir að vera á fullu í verkefnavinnu skellti ég mér smá niður í bæ. Ég brunaði heim beint úr skólanum og dreif mig á Nasa þar sem ég ætlaði að tékka á Hermigervli og Annie sem átti að vera einhver voða sæt söngkona frá Noregi. En þegar ég kom að Nasa ca. 23:30 var svona 300m biðröð!

Ég beið í um 20 mín en beilaði síðan og tékkaði smá á Gauknum, þar var Days of our lives að spila sem ég var ekki alveg að fíla þannig að ég fór á Pravda þar sem var Electro Breakz þema. Þar hlustaði ég á Ozy sem meðal annars tók smá freestyle improv um “Icelandic girls”. Þetta var að hljóma nokkuð vel hjá Ozy, góðir taktar og þéttur bassi, en eftir 20 mínútur fór ég út og ætlaði að tékka aftur á röðinni hjá Nasa.

Risa röðin var horfin og ég komst inn nokkuð fljótt. Þar var Annie byrjuð að spila hressandi rokk-elektró-popp með ljúfum söngi. Góð stemmning á Nasa og var ég sérstaklega að fíla lagið Come Together. Gaurinn á synthesizer, o.s.frv. fær 10 fyrir hressleika.

Þar með endaði degi númer 1.

Dagur 2

Ég var ennþá að vinna að þessu gífurlega skemmtilega hugbúnaðarfræði-verkefni en skilaði því kl. 21:30, brunaði heim og dreif mig í Hafnarhúsið til að ná Apparat Organ Quartet – náði svona síðustu 20 mínútunum – mjög áhugaverð tónlist, en gott rokk. Eftir það fór ég á Gaukinn þar sem var hip-hop kvöld – Cell 7 var að spila sem er basically stelpan úr Subterranean og gaur á plötuspilara. Þetta var nú ekki alveg að gera sig þannig að ég fór á Pravda þar sem var aftur eitthvað elektró/teknó kvöld. Ég veit ekki hvort það sé gott eða slæmt en gólfið á 2. hæðinni þarna gefur mjög vel eftir, nokkuð skemmtilegtur effekt. En þar sem ég ætlaði að hitta Enjarinn á Nasa stoppaði ég stutt á Pravda.

Fyrir utan Nasa var töluverð biðröð, en viðráðanleg þar sem hún færðist smám saman. Það var smá danskt kvöld á Nasa og þegar inn kom voru epo-555 að spila. Ég var nú ekki alveg að fíla þá, aðeins of tilraunakennt eitthvað… En síðan tók við PowerSolo og þrátt fyrir að vera frá Jótlandi þá eru þetta með svölustu Dönum sem ég hef séð. Það bar ekkert á þessum klassíska danska hreim þegar aðalsöngvarinn ávarpaði áhorfendur, heldur talaði hann með nokkuð góðum suðurríkja hreim (hann hlítur að hafa búið í USA í langan tíma). Þeir spiluðu mjög hresst rockabilly-country-punk-rock með skemmtilegum tilþrifum eins og að skalla mic-inn. Gott dæmi um góðar hljómsveitir sem maður uppgötvar á svona festivölum.

Síðan var það aðal-hljómsveit kvöldsins, Junior Senior. Þeim til hjálpar var Þórunn Antonía fyrrverandi bekkjarsystir sem söng bakraddir og tók líka eitt lag sjálf. Þeir voru með nokkuð gott show, svona rólega hress stemmning fyrri hlutann en í lokinn spiluðu þeir nokkur vel hress lög eins og Move Your Feet og myndaðist góð stemmning á gólfinu.

Þar með endaði degi númer 2.

Núna er ég hins vegar á leiðinni út og ætla að tékka á hljómsveitum eins og Au Revoir Simone og Juliette & The Licks.

Talandi um tónlist þá vil ég mæla með þessu brillíant cover-i á Baby Got Back: Tékk it. (mp3)

random quote | Hæ, hæ, þetta er Birgitta Haukdal og þú ert að hlusta á útvarpsþáttinn Breakbeat.is

Syndicated Columnist

22. September, 2005 Leave a Comment

Yes! Ég er núna opinberlega orðinn hüt motherfucker. Ég þurfti að ganga í gegnum strangt inntökuferli þar sem ég þurfti meðal annars að skrifa 50 bls. ritgerð hvers vegna ég væri verðugur þessa merka titils. Síðan þurfti ég að fara í 5 klst. langt viðtal þar sem ég var spurður spjörunum úr (bókstaflega). Eftir það var ég krúnurakaður, færður í föðurland, sett poka á hausinn minn, settur í skott á einhverjum bíl og fluttur á ótilgreindan stað. Þar var ég, í föðurlandinu einna klæða, látinn fara í leðjuglímu við drukkinn apa. Í lokinn var svo fórnað unglambi á altari hüt sem ég var látinn borða hrátt í kappáti við úlf… á meðan dynjandi death metal tónlist var blöstuð í hátalarakerfinu. En ég náði prófinu og komst inn í þennan merka underground saumaklúbb. Ég ætla bara að vona að ég verði aldrei hüt til skammar og “hverfi” eins og Ólafur.

En það sem ég vildi sagt hafa… ég skellti inn færslu á hüt, óþarfi að endurbirta hana hérna þannig að ég bendi fólki bara á þennan link.

random quote | My best mates are going to Vegas this weekend…

Róleguz á gufunni, djeng!

10. August, 2005 Leave a Comment

Það er fátt meira afslappandi en að skella sér í gufu eftir góða líkamsrækt. Bara sitja þarna og skipuleggja hvernig maður getur upprætt hungur heimsins…

En það eru sumir sem vilja endilega auka gufuna þótt það sé nú þegar góður hiti. OK, ég fór í gufuna til að slaka á, ekki sjóða af mér fituna. Shiiiiiit.

Þegar maður er bókstaflega byrjaður að brenna sig þá er maður ekki alveg að ná optimal zen moment. Þannig að maður nær bara að vera þarna í stuttan tíma – ekki kúl.

Jamm, þessi sérhönnuðu debetkort eru kannski svolítið sniðug en ein auglýsingin frá Landsbankanum finnst mér svolítið sérstök. Erum við að tala um alveg geðveika stalker-týpu? Fá lánaðan einhvern hund, elta hana og finna hvar hún vinnur… – er það sem virkar á svona hot gellur?

Það mætti halda að Málinu sé stjórnað af fyrrverandi Verzlingum – Ingunn ‘súpermódel’ Eiríks nýlega á forsíðunni og núna Silja ‘stílisti/ljósmyndari’ Magg.

Maður er að sjá meira og meira af liði sem maður þekkir í hinum ýmsu fjölmiðlum landsins – það er kannski að maður ætti að fara skrifa pistil einhvers staðar. Alla vegann miðað við vinsældir þessa bloggs þá myndi það klárlega slá í gegn. Toppurinn væri náttúrulega ef eitthvað blað myndi quote-a mig þegar ég er að missa mig yfir einhverjum sjónvarpsþætti.

Bíódagar þeir lifa enn, bíódagar da da-ra..

23. June, 2005 Leave a Comment

Ég er búinn að sjá nokkrar myndir nýlega og ætla ég að vera með smá útlistun á þeim hérna.

Batman Begins
Svona á sko að gera Batman! Gleymið öllum Batman myndum sem þið hafið séð áður – svona er hinn raunverulegi Batman eins og hann á að vera. Virkilega töff mynd með góðri sögu, góðu action-i og svo eru náttúrulega allar Batman græjurnar á sínum stað, betri en nokkurn tíman áður. Gaman að kynnast betur manninum bakvið grímuna. Virkilega vel gert hjá Christopher Nolan & Co.

Star Wars: Episode III
Maður varð nú að sjá þessa til að loka hringnum – og hún gerði það nokkuð vel. Maður sá hvernig Anakin Skywalker þróaðist út í Darth Vader og það var ekki falleg sjón. Svipaði mjög til “fyrstu” tveggja myndanna í útliti, tæknibrellum ..og samræðum (sem er stundum heldur þurrar) – ég held reyndar að Yoda hafi einhverjar rætur að rekja til Þýskalands af því að hann á það til að enda allar setningar á sögninni. Ágæt mynd fyrir þá sem eru inni í Star Wars.

Sin City
Shit hvað þetta er svöl mynd! Útlitið, persónurnar og samræðurnar eru alveg að gera sig. Mjög skemmtileg saga, hörku action-atriði og fullt af hot gellum. Topp úrval leikara sem voru alveg að skila sínu – sérstaklega Mickey Rourke sem er að koma sterkur inn aftur eftir smá pásu. Mæli eindregið með að sem flestir sjái þessa – gæða mynd í alla staði. Síðan er ekki verra að 2 og 3 eru á leiðinni ..hlakka til.

Crash
Ein af betri drama-myndum sem ég hef séð. Mikið af “árekstrum” milli fólks af mismunandi kynþáttum sem enda mis vel – mikið af sterkum tilfinningum sem eru alveg að skila sér af tjaldinu. Myndin er stútfull af gæða leikurum, nokkurn veginn í öll hlutverk. Virkilega skemmtilegt hvernig sögur margra mismunandi persóna blandast saman og mynda eina heild. Ef þið kunnið að meta góðar og vandaðar kvikmyndir þá verðið þið að sjá þessa.