skóli

Mæli ekki með…

11. April, 2007 6 Comments

Mæli ekki með að verða veikur nokkrum dögum fyrir lokapróf

Mæli með að nota Listerine, taka helling af C vítamíni og öðru dópi til að reyna losna við veikindin

Mæli með að drekka nóg (vatn, heitt te, viskí, klósetthreinsi…)

Mæli ekki með að ná ekki að lesa nógu mikið fyrir prófið

Mæli með að harka þetta af sér og taka prófið

Mæli með að dópa sig upp rétt fyrir prófið – og taka auka skammt með sem nesti á meðan maður tekur prófið

Mæli með að ganga samt sem áður ágætlega (held ég/vona ég) í prófinu (miðað við aðstæður)

Mæli ekki með að dópa sig svo mikið upp að þú svarar öllum spurningunum á rússnesku

Mæli með WordPress 2.1 með autosave

Mæli með Firefox 2.0 með restore session

Mæli ekki með að missa af badda út af veikindum

Mæli með að sofa nóg

I only smoke weed when I need to…

Það var víst ekki alveg eins mikið hangs og ég hafði gert ráð fyrir eftir síðasta prófið. Ég slappaði náttúrulega vel af en það vildi svo til að það vantað einhvern í afleysingar við útkeyrslu þannig að ég hljóp í skarðið.

En það er ekki svo slæmt að vinna stöku sinnum – maður fær náttúrulega smá auka pening – en síðan er maður líka að hlusta á útvarpið sem maður hefði líklega ekki gert hefði maður ekki verið að keyra út vörur. Það vildi svo skemmtilega til að þegar ég var að afhenda klósettupphækkun eða eitthvað á Melhaga var ég að browse-a á milli útvarpsstöðvanna og leita að einhverju skemmtilegu… Ég lenti á KissFM þar sem þeir voru með einhvern jólaleik.

Þar sem leikir ýmiskonar vekja yfirleitt áhuga minn ákvað ég að staldra við og tékka aðeins á þessu. Var nú samt ekki alveg að nenna að hringja inn þar sem maður þarf nú oft að hringja inn svona 10 mínútum fyrir til að ná inn. Doddi tók inn hlustanda og lagði fyrir hann spurningu: “Vitringarnir sem heimsóttu jesúbarnið, hvað voru þeir margir og hvaða gjafir komu þeir með?”. Gaurinn svaraði: “Þeir voru 12… nei, uh, 3 og þeir komu með myrru… og, uh…”. Þá var Doddi ekki að nenna þessu: “5, 4, 3, 2, 1… sorry, við þurfum að taka inn annan hlustanda.”. Þá brást ég hinn snarasti við og hringdi inn – og viti menn, ég náði strax inn. Þar sem ég stundaði nú sunnudagsskólann af kappi á sínum tíma var ég náttúrulega með þetta allt á hreinu. Vitringarnir voru 3 og þeir komu með gull, reykelsi og myrru.

Bingó! Jackpot! Í vinning fyrir þetta mikla afrek mitt að hafa svona lágmarksþekkingu á þessu jóladóti þá fékk ég flugmiða fyrir 2, til og frá London/Köben einhvern tíman kringum jólin! ..and I quote: “Ég er ekki búinn að fara í ruglferð til útlanda í alltof langan tíma og þarf að gera eitthvað í því – jafnvel næsta vor/sumar eða bara um jólin…”. Viti menn, það rættist bara úr því :)

Þannig að ég mun að öllum líkindum vera í London með ónefndum lögfræðinema dagana 17.-21. desember. Garanteraðir punktar: túrismi, Ministry of Sound klúbburinn, almennt kaupæði (eða svona eins og fátækir námsmenn geta leyft sér) og góð jólastemmning í London.

En að öðrum hlutum… Námskeiðið í tölvusjón heldur áfram, nokkur skemmtileg atriði sem er fjallað um eru meðal annars eftirlitskerfi sem geta greint einstakar persónur og elt þær eins og í Las Vegas – og svona ryksugu-róbot eins og í Arrested Development.

OK, ég vil ekki hjóma eins og gamall kall en hvert er heimurinn að fara þegar unglingar hrækja í strætó?! Var á leiðinni upp í skóla þegar það komu nokkrir krakkar í strætóinn á Bústaðaveginum – “punks” væri líklega ágætt orð til að lýsa þeim (samt ekki pönkarar sko). Síðan þegar ein stelpan gekk aftur í strætóinn hrækti hún beint á gólfið eins og ekkert væri sjálfsagðara! ..og þetta var ekkert lítil slumma. Ég veit ekki… ég var alla veganna orðlaus – ég meina, hvað er málið?!

En svona á léttari nótunum, þá er þetta BARA fyndið: Q-Unit – Greatest Hits

random quote | They wouldn’t evict you at Christmas. You’d be ho-ho-homeless.

Iceland Airwaves 2005 – Part 1

21. October, 2005 2 Comments

Ég er ekki búinn að fara á neina tónleika í ár – sem er náttúrulega skandall af því að maður þarf nú að skella sér reglulega á tónleika. Í fyrra fór ég á mjög marga tónleika en það þýðir samt ekki að ég eigi að sleppa því þetta árið. Þess vegna greip ég tækifærið þegar mér bauðst að kaupa miða á Iceland Airwaves fyrir Vildarpunktana mína sem ég hefði hvort sem er ekki notað.

Dagur 1

Festivalið byrjaði á miðvikudaginn og þrátt fyrir að vera á fullu í verkefnavinnu skellti ég mér smá niður í bæ. Ég brunaði heim beint úr skólanum og dreif mig á Nasa þar sem ég ætlaði að tékka á Hermigervli og Annie sem átti að vera einhver voða sæt söngkona frá Noregi. En þegar ég kom að Nasa ca. 23:30 var svona 300m biðröð!

Ég beið í um 20 mín en beilaði síðan og tékkaði smá á Gauknum, þar var Days of our lives að spila sem ég var ekki alveg að fíla þannig að ég fór á Pravda þar sem var Electro Breakz þema. Þar hlustaði ég á Ozy sem meðal annars tók smá freestyle improv um “Icelandic girls”. Þetta var að hljóma nokkuð vel hjá Ozy, góðir taktar og þéttur bassi, en eftir 20 mínútur fór ég út og ætlaði að tékka aftur á röðinni hjá Nasa.

Risa röðin var horfin og ég komst inn nokkuð fljótt. Þar var Annie byrjuð að spila hressandi rokk-elektró-popp með ljúfum söngi. Góð stemmning á Nasa og var ég sérstaklega að fíla lagið Come Together. Gaurinn á synthesizer, o.s.frv. fær 10 fyrir hressleika.

Þar með endaði degi númer 1.

Dagur 2

Ég var ennþá að vinna að þessu gífurlega skemmtilega hugbúnaðarfræði-verkefni en skilaði því kl. 21:30, brunaði heim og dreif mig í Hafnarhúsið til að ná Apparat Organ Quartet – náði svona síðustu 20 mínútunum – mjög áhugaverð tónlist, en gott rokk. Eftir það fór ég á Gaukinn þar sem var hip-hop kvöld – Cell 7 var að spila sem er basically stelpan úr Subterranean og gaur á plötuspilara. Þetta var nú ekki alveg að gera sig þannig að ég fór á Pravda þar sem var aftur eitthvað elektró/teknó kvöld. Ég veit ekki hvort það sé gott eða slæmt en gólfið á 2. hæðinni þarna gefur mjög vel eftir, nokkuð skemmtilegtur effekt. En þar sem ég ætlaði að hitta Enjarinn á Nasa stoppaði ég stutt á Pravda.

Fyrir utan Nasa var töluverð biðröð, en viðráðanleg þar sem hún færðist smám saman. Það var smá danskt kvöld á Nasa og þegar inn kom voru epo-555 að spila. Ég var nú ekki alveg að fíla þá, aðeins of tilraunakennt eitthvað… En síðan tók við PowerSolo og þrátt fyrir að vera frá Jótlandi þá eru þetta með svölustu Dönum sem ég hef séð. Það bar ekkert á þessum klassíska danska hreim þegar aðalsöngvarinn ávarpaði áhorfendur, heldur talaði hann með nokkuð góðum suðurríkja hreim (hann hlítur að hafa búið í USA í langan tíma). Þeir spiluðu mjög hresst rockabilly-country-punk-rock með skemmtilegum tilþrifum eins og að skalla mic-inn. Gott dæmi um góðar hljómsveitir sem maður uppgötvar á svona festivölum.

Síðan var það aðal-hljómsveit kvöldsins, Junior Senior. Þeim til hjálpar var Þórunn Antonía fyrrverandi bekkjarsystir sem söng bakraddir og tók líka eitt lag sjálf. Þeir voru með nokkuð gott show, svona rólega hress stemmning fyrri hlutann en í lokinn spiluðu þeir nokkur vel hress lög eins og Move Your Feet og myndaðist góð stemmning á gólfinu.

Þar með endaði degi númer 2.

Núna er ég hins vegar á leiðinni út og ætla að tékka á hljómsveitum eins og Au Revoir Simone og Juliette & The Licks.

Talandi um tónlist þá vil ég mæla með þessu brillíant cover-i á Baby Got Back: Tékk it. (mp3)

random quote | Hæ, hæ, þetta er Birgitta Haukdal og þú ert að hlusta á útvarpsþáttinn Breakbeat.is

I take you to the candy shop

1. March, 2005 Leave a Comment

Miðannarprófin voru í síðustu viku, gekk ágætlega. Þetta er ágætur undirbúningur fyrir lokaprófin – svona til að sjá hvar maður stendur og hvernig prófin eru upp byggð.

Það var smá hittingur hjá Bjössa á laugardaginn, allir helstu spaðarnir mættir. Eftir tjill og nokkra bjóra var maður “plataður” niður í bæ með því yfirskini að módelið ætlaði á Hvebbann. En eftir að fólk hafði snætt pizzur voru allir bara á leiðinni heim. En við Bjössi vorum nú ekki alveg á þeim skónum og skelltum okkur á Vegamót – sem er ágæt tilbreyting frá hinum venjulega rúnt sem maður tekur oftast.

Yfir í aðra spaða – Hið reglulega mánudags-badminton var á sínum stað. Hörkuspennandi leikir og var maður alveg “on fire” þarna. Virkilega skemmtileg líkamsrækt.

Ákvað líka að fiffa albúmið aðeins þar sem það stóðst víst ekki helstu ISO-staðlana samkvæmt gæðastjórum bloggsins. Síðan er aldrei að vita nema maður skelli inn nokkrum myndum við tækifæri.

prívat húmor dagsins | “..plíííís! Plííííííííís! Plíííííííííííííííííís!”

Detta úr mér allar…

12. January, 2005 Leave a Comment

What the bloody… hvað er málið!? Þegar ég var að keyra heim úr ræktinni áðan stillti ég á X-ið en það heyrðist ekkert.. hélt að þetta væri bara dead air eins og kemur stundum fyrir – valdi næst Skonrokk en það var sama málið. “Nú? Skrítið, hlýtur að vera eitthvað að sendinum hjá Íslenska Útvarpsfélaginu eða eitthvað” hugsað ég. Nei, FM957 var að útvarpa. Jæja… hélt áfram að leita að tónlist.

Síðan kem ég heim, tékka á mbl.is og sé þetta! Hvað meina þeir?! Á bara að taka rokkið frá okkur? Hvað eiga rokk-hundar að gera, hlusta á Radio Reykjavík? Þetta er skandall – er FM957 að gera betur en X-ið?

Hafa þeir hugmynd hvað X-ið er stór partur í lífi þúsundir Íslendinga.. og á bara að rífa þetta frá mann sí svona? Það hlýtur að gerast eitthvað – einhver annar aðili tekur allt X liðið til sín eða eitthvað. Ég trúi því ekki að rokk-útvarpsstöð Íslands sé dáin.

Annars er maður bara byrjaður á fullu í skólanum. Búinn að spreða allt of miklum peningi í bækur. Fögin líta nokkuð vel út við fyrstu sýn

Síðan var fyrsta badminton-sessionið tekið á mánudaginn – mjög hressandi. Maður er reyndar með harðsperrur hér og þar – í vöðvum sem maður reynir venjulega ekki mikið á. Þetta er nefninlega furðu góð líkamsrækt – maður er hlaupandi um þarna fram og tilbaka veifandi spaða hægri vinstri.

Hann tók í höndina á mér, heilsaði mér…

26. September, 2004 Leave a Comment

Allt að gerast.. var að vinna að skilaverkefni í kerfisgreiningu í vikunni. Skiluðum 7 mínútum fyrir deadline, s.s. 21:53. Bjössi plataði mig í bíó strax á eftir. Ákvað að slappa aðeins af eftir langan vinnudag (var búinn að vera í skólanum síðan 8 um morguninn!). Við fórum á Anchorman – mjög góð grínmynd, Will Ferrell náttúrulega brillíant. En ef þið eruð að leita að djúpum heimspekipælingum þá skuluð þið halda ykkur fjarri því þetta er 97% bull og vitleysa, en s.s. mjög fyndin.

Gríndávaldurinn Sailesh kom í skólann á fimmtudaginn og var með smá sýningu í hádeginu. Það var frekar magnað að sjá hvað hann gat látið fólkið gera, virkilega fyndið – sem dæmi lét hann fólkið sjá fyrir sér hann nakinn, lét fólkið nota skóna sína sem öndunarbúnað, breytti fólkinu í gúmmí og togaði limina fram og tilbaka.

Síðan var það vísindaferð á föstudaginn og var það Microsoft á Íslandi sem bauð okkur. Mjög vel heppnuð ferð, góður matur, nóg af áfengi og fólk var leyst út með gjöfum. Eftir það lá leið okkar í sal í Borgartúni þar sem 3. árs nemendur voru með smá partý, gott fjör þar. Við Bjössi, Einar og Ingvar tókum leigubíl niður í bæ en létum henda okkur út nálægt íbúð Kára þar sem við ætluðum eitthvað að fokka í honum. Röltum síðan á Pravda þar sem stemmningin var eins og eftir allar vísindaferðir.

Þegar líða tók á kvöldið tók maður allt í einu eftir því að Scooter var bara mættur á Pravda. Þarna var hann, bakvið lífverðina sína, að tékka á íslenska djamm-lífinu. Síðar um kvöldið labbaði hann fram hjá mér og ákvað ég að heilsa upp á hann, sagði: “I love your music” og tók í spaðann á honum. Þetta væri æðislegt, ég hef ekki þvegið mér síðan.

.spam dagsins | Headline NEWS – Alternative To Collagen Lip Injections ..please forward
.beib dagsins | Christina Applegate